Wed. Sep 30th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງກາສີ ປາຖະກະຖາຫວນຄືນມູນເຊື້ອ 4 ວັນ ປະຫວັດສາດ

1 min read

ເມືອງກາສີ ປາຖະກະຖາຫວນຄືນມູນເຊື້ອ 4 ວັນ ປະຫວັດສາດ.


ວັນທີ 16 ກັນຍາ 2020 ຜ່ານມານີ້ ຢູ່ທີ່ສະໂມສອນເມືອງກາສີ ແຂວງວຽງຈັນ ໄດ້ຈັດພິທີ ປາຖະກະຖາເລົ່າມູນເຊື້ອ 4 ວັນປະຫັວດສາດ ຄື: ວັນສ້າງຕັ້ງແນວລາວສ້າງຊາດ ຄົບຮອບ 70 ປີ (13/8/1950 – 13/8/2020), ວັນລັດຖະທໍາມະນູນ ຄົບຮອບ 29 ປີ (15/8/1991 – 15/8/2020), ວັນຍຶດອໍານາດ ຄົບຮອບ 45ປີ (23/8/1975 – 23/8/2020) ແລະ ວັນສ້າງຕັ້ງສະຫະພັນນັກຮົບເກົ່າ ຄົບຮອບ 18 ປີ (9/9/2002 – 9/9/2020).

ໃນໂອກາດດັ່ງກ່າວ ທ່ານ ສີທົນ ແສງພະຈັນ ເລຂາພັກເມືອງ ເຈົ້າເມືອງໆກາສີ ໄດ້ໃຫ້ກຽດຂື້ນ ປະຖະກະຖາຫວນຄືນວັນລັດຖະທຳມະນູນ ເຊີ່ງທ່ານກໍ່ໄດ້ເລົ່າຄືນເຖິງ ປະຫວັດການກຳເນີດ, ຄວາມໝາຍ ຄວາມສະຄັນ ຂອງວັນລັດຖະທຳມະນູນແຫ່ງ ສປປລາວ, ວັນລັດຖະທຳມະນູນໄດ້ຖືກຮັບຮອງ ແລະ ປະກາດນຳໃຊ້ ໃນວັນທີ 15 ສິງຫາ 1991. ລັດຖະທຳມະນູນເປັນກົດໝາຍພື້ນຖານຂອງຊາດ, ທັງເປັນການຫັນເອົາ ແນວທາງປ່ຽນແປງໃໝ່ຢ່າງຮອບດ້ານ ທີ່ມີຫຼັກການຂອງພັກປະຊາຊົນປະຕິວັດລາວ ມາເປັນກົດໝາຍພື້ນຖານ ເພື່ອສຶກສາອົບຮົມປະຊາຊົນລາວບັນດາເຜົ່າ ໃຫ້ຍົກສູງນ້ຳໃຈຮັກຊາດ, ຮັກລະບອບໃໝ່, ເພີ່ມທະວີຄວາມສາມັກຄີທົ່ວປວງຊົນລາວທັງຊາດ.

ເຊີດຊູບົດບາດເປັນເຈົ້າການ ໃນການປົກປັກຮັກສາ ແລະ ສ້າງສາພັດທະນາປະເທດຊາດ ຕາມແນວທາງປ່ຽນແປງໃໝ່ ແນ່ໃສ່ເຮັດໃຫ້ປະເທດຊາດ ມັ່ງຄັ້ງເຂັ້ມແຂງ ປະຊາຊົນມີຄວາມຜາສຸກ ສັງຄົມມີຄວາມສາມັກຄີປອງດອງ ມີປະຊາທິປະໄຕ ຍຸຕິທຳ ແລະ ສີວິໄລ.

ຕໍ່ຈາກນັ້ນ ທ່ານ ອໍາໄພ ໂສລັດຕະນະວົງ ຮອງເລຂາພັກເມືອງ ກໍໄດ້ຂື້ນຫວນຄືນມູນເຊື້ອວັນຢຶດອໍານາດ 23 ສິງຫາ 1945 ແລະ 23 ສິງຫາ 1975 ແມ່ນມີຄວາມໝາຍຄວາມ ສໍາຄັນສໍາລັບປະຊາຊົນລາວທັງຊາດ ເພາະວ່າໄຊຊະນະດັ່ງກ່າວ ແມ່ນໝາກຜົນແຫ່ງການຕໍ່ສູ້ປະຕິວັດອັນຍືດເຍື້ອຍາວນານ ຂອງປະຊາຊົນບັນດາເຜົ່າ ພາຍໃຕ້ການຊີ້ນໍາຂອງພັກປະຊາຊົນປະຕິວັດລາວ ໃນການນໍາໃຊ້ 3 ບາດຄ້ອນຍຸດທະສາດ ເພື່ອຢຶດອໍານາດການປົກຄອງ ໃນທົ່ວປະເທດແບບບົວໃຫ້ຊໍ້າ ນໍ້າບໍ່ໃຫ້ຂຸ່ນ ຈົນສາມາດນໍາເອົາຄວາມເປັນເອກະລາດ ປະຊາທິປະໄຕ ເອກະພາບ ວັດທະນາຖາວອນ ມາໃຫ້ປວງຊົນລາວທັງຊາດ.

 

ຫຼັງຈາກນັ້ນ ທ່ານ ບຸນມີ ບົວລິວັນ ຄະນະປະຈຳພັກເມືອງ ປະທານແນວລາວສ້າງຊາດເມືອງ ກໍໄດ້ຂື້ນຫວນຄືນມູນເຊື້ອ ວັນສ້າງຕັ້ງແນວລາວສ້າງຊາດ ເຊີ່ງໄດ້ຍົກໃຫ້ເຫັນເຖິງ ປະຫວັດມູນເຊື້ອ ແຫ່ງການກຳເນີດ ການເຕີບໃຫຍ່ຂະຫຍາຍຕົວ ຂອງແນວລາວສ້າງຊາດ ໂດຍເລີ່ມແຕ່ໄລຍະສ້າງຕັ້ງ ເປັນແນວລາວອິດສະຫຼະ ໃນວັນທີ 13 ສິງຫາ 1950 ແລະ ໄດ້ປ່ຽນຊື່ມາເປັນແນວລາວຮັກຊາດ ໃນປີ 1956.

ມາຮອດວັນທີ 16-20 ກຸມພາ 1979 ກອງປະຊຸມໃຫຍ່ ແນວລາວຮັກຊາດ ສະໄໝທີ IV ຂຶ້ນຢູ່ທີ່ສະໂມສອນໜອງບອນ, ນະຄອນຫຼວງວຽງຈັນ, ກອງປະຊຸມ ໄດ້ມີມະຕິປ່ຽນຊື່ ແນວລາວຮັກຊາດ ມາເປັນແນວລາວສ້າງຊາດ ຈົນເຖິງປະຈຸບັນ, ຕະຫຼອດໄລຍະ 70 ປີ ຍາມໃດແນວລາວສ້າງຊາດ ກໍ່ໄດ້ຍົກສູງບົດບາດ ໃນການເປັນຂົວຕໍ່ທີ່ດີ ລະຫວ່າງມະຫາຊົນກັບພັກ ແລະ ລະຫວ່າງປະຊາຊົນກັບລັດ ທັງເຮັດໜ້າທີ່ ເຕົ້າໂຮມກ້ອນກໍາລັງສາມັກຄີປອງດອງທົ່ວປະເທດ, ໂຄສະນາ-ສຶກສາອົບຮົມ ປະຊາຊົນລາວບັນດາເຜົ່າ ຢ່າງກວ້າງຂວາງ ເພື່ອປະຕິບັດ 2 ໜ້າທີ່ຍຸດທະສາດ ຄື: ປົກປັກຮັກສາ ແລະ ສ້າງສາພັດທະນາປະເທດຊາດ; ໂດຍສະເພາະໃນໄລຍະໃໝ່ ຕ້ອງໄດ້ປະຕິບັດແນວທາງປ່ຽນແປງໃໝ່ຢ່າງຮອບດ້ານ ແລະ ມີຫຼັກການຂອງພັກ, ປຸກລະດົມຂະບວນການແກ້ໄຂຄວາມທຸກຍາກ, ຫັນລົງກໍ່ສ້າງຮາກຖານການເມືອງ

ຕິດພັນກັບການພັດທະນາຊົນນະບົດຮອບດ້ານ, ສ້າງກຸ່ມບ້ານພັດທະນາ, ຍູ້ແຮງວຽກງານ 3 ສ້າງ, ຊຶ່ງໄດ້ປະກອບສ່ວນອັນສໍາຄັນໃຫ້ແກ່ການຫຼຸດຜ່ອນຄວາມທຸກຍາກ ຂອງປະຊາຊົນບັນດາເຜົ່າເທື່ອລະກ້າວ ແລະ ສ້າງເງື່ອນໄຂໃຫ້ແກ່ການນໍາພາປະເທດຊາດຫຼຸດພົ້ນອອກຈາກສະຖານະພາບ ປະເທດດ້ອຍພັດທະນາ ໃນປີ 2020

 

ຂ່າວ: ເມືອງກາສີ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930