Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ສຶກສາເມືອງ ວຽງຄໍາ ແຂວງວຽງຈັນ ສໍາເລັດການແຂ່ງຂັນກິລາ-ສິລະປະ ປະຈໍາສົກປີ 2019-2020

1 min read

ຫ້ອງການສຶກສາທິການ ແລະ ກິລາ ເມືອງ (ສກມ ) ວຽງຄໍາ ສໍາເລັດການແຂ່ງຂັນກິລາ-ສິລະປະວັນນະຄະດີ ເພື່ອສົ່ງເສີມນັກຮຽນທີ່ມີພອນສະຫັວນ ໃນໂຮງຮຽນອະນຸບານ, ປະຖົມ ແລະ ໂຮງຮຽນມັດທະຍົມຕອນຕົ້ນ ໃຫ້ມີການພັດທະນາດີຂື້ນເລື້ອຍໆ ແນໃສ່ຜັນຂະຫຍາຍ 5 ຫຼັກມູນ ຂອງຂະແໜງການສຶກສາໃຫ້ປະກົດຜົນເປັນຈິງ.

ການແຂ່ງຂັນກິລາ-ສິລະປະ ດັ່ງກ່າວໄດ້ຈັດຂື້ນທີ່ໂຮງຮຽນ ມສ ປາກແຈ້ງ ໂດຍການເປັນກຽດເຂົ້າຮ່ວມຂອງທ່ານ ພອນແກ້ວ ຂຸນພົນ ເຈົ້າເມືອງ ເມືອງວຽງຄໍາ, ທ່ານ ນ. ຈັນທະກອນ ມີໄຊກອນ ຮອງຫົວໜ້າພະແນກສຶກສາທິການ ແລະ ກິລາແຂວງວຽງຈັນ, ທ່ານ ພອນເພັດ ຈິດຕະວົງ ຫົວໜ້າຫ້ອງການສຶກສາທິການ ແລະ ກິລາເມືອງວຽງຄໍາ, ມີ ທ່ານ ດວງ ພັນທະພາ ຜູ້ອໍານວຍການໂຮງຮຽນ ມສ ປາກແຈ້ງ ພ້ອມດ້ວຍ ບັນດາທ່ານຫົວໜ້າຫ້ອງການ ອ້ອມຂ້າງເມືອງ, ພະນັກງານ-ວິຊາການ, ຄູ-ອາຈານ ແລະ ນັກຮຽນ, ພໍ່-ແມ່ ປະຊາຊົນ ພາຍໃນເມືອງເຂົ້າຮ່ວມ.

ທ່ານ ພອນແກ້ວ ຂຸນພົນ ເຈົ້າເມືອງ ເມືອງວຽງຄໍາ ໄດ້ເນັ້ນໜັກເຖິງຄວາມໝາຍຄວາມສຳຄັນໃນການແຂ່ງຂັນກິລາ-ສິລະປະ ໂດຍສະເພາະແມ່ນການຜັນຂະຫຍາຍ 5 ຫຼັກມູນ ຂອງຂະແໜງການສຶກສາ ໃຫ້ນັບມື້ນັບດີຂື້ນທາງດ້ານປະລິມານ ແລະ ຄຸນນະພາບ, ຊື່ງເປັນກິດຈະກໍາໜື່ງທີ່ສໍາຄັນໃນການສົ່ງເສີມໃຫ້ຄູ-ອາຈານ ແລະ ນ້ອງນັກຮຽນ ທີ່ມີພອນສະຫວັນໄດ້ມີໂອກາດສະແດງອອກຄວາມຮູ້ຄວາມສາມາດ ແລະ ຄວາມກ້າຫານ, ກ້າສະແດງກິລິຍາມາລະຍາດທີ່ດີ ໃນເວທີຕ່າງໆ, ຮູ້ຈັກໃຊ້ເວລາຫ່ວາງໃຫ້ເປັນປະໂຫຍດ ໂດຍປາສະຈາກໄພສັງຄົມ ແລະ ສີ່ງເສບຕິດຕ່າງໆ

ເພື່ອພັດທະນາຕົນເອງໃຫ້ມີປະສິດທິພາບສູງຂື້ນເລື້ອຍໆ ໂດຍໄດ້ແບ່ງເປັນ 3 ລຸ້ນການແຂ່ງຂັນຄື:1. ລຸ້ນນັກຮຽນອະນຸບານ 2. ລຸ້ນນັກຮຽນປະຖົມ ແລະ 3. ລຸ້ນນັກຮຽນມັດທະຍົມຕອນຕົ້ນ ເຊີ່ງປະກອບມີ ກິລາປະເພດບານເຕາະຊາຍ ລຸ້ນປະຖົມ ແລະ ມັດທະຍົມ, ແລະ ສິລະປະ ປະເພດຮ້ອງເພງ ແລະ ບົດຟ້ອນ.

ການແຂ່ງຂັນໄດ້ດຳເນີນໄປຈົນເຖິງເວລາ 17:00 ໂມງ ຈື່ງສຳເລັດ, ໂຮງຮຽນທີ່ຊະນະການແຂ່ງຂັນຄື:
ຊະນະເລີດອັນດັບທີ 1 ປະເພດບານເຕາະ ລຸ້ນນັກຮຽນປະຖົມ ໄດ້ແກ່ໂຮງຮຽນປະຖົມ ກຸ່ມ 3 , ລຸ້ນນັກຮຽນມັດທະຍົມຕອນຕົ້ນໄດ້ແກ່ໂຮງຮຽນ ມສ ຖິ່ນຍຸງ ໄດ້ຮັບລາງວັນເງີນສົດ ຈໍານວນ 400,000 ກີບ ພ້ອມຂັນ 1 ໜ່ວຍ/ລຸ້ນ,


ຊະນະເລີດອັນດັບທີ 1 ປະເພດບົດຟ້ອນ ລຸ້ນນັກຮຽນອະນຸບານ ໄດ້ແກ່ ຟ້ອນລວມໝູ່ຍິງ ໂຮງຮຽນອະນຸບານ ໂພນໝີ ບົດເພງວຽງຈັນວຽງໃຈ, ລຸ້ນນັກຮຽນປະຖົມ ໄດ້ແກ່ຟ້ອນລວມໝູ່ຍິງໂຮງຮຽນປະຖົມ ປາກກະຍຸງ ບົດເພງວິຖີຊີວິດຊາວນາ, ລຸ້ນນັກຮຽນມັດທະຍົມຕອນຕົ້ນ ໄດ້ແກ່ຟ້ອນລາວໝູ່ຍິງໂຮງຮຽນ ມສ ໂພນໝີ ບົດເພງຄວາມເປັນມາຂອງຊາດລາວ ໄດ້ຮັບລາງວັນເງີນສົດ ຈໍານວນ 450,000 ກີບ/ລຸ້ນ,
ຊະນະເລີດອັນດັບທີ 1 ປະເພດບົດເພງ ລຸ້ນນັກຮຽນອະນຸບານ ໄດ້ແກ່ທ້າວ ໂລນາໂດ ລາວລີ ໂຮງຮຽນອະນຸບານທິບພະກອນ ບົດເພງ ເປົ່າແຄນກ່ອມສາວ , ລຸ້ນນັກຮຽນປະຖົມ ໄດ້ແກ່ ທ. ແຫຼວຄໍາ ໂຮງຮຽນປະຖົມໂນນສະຫວ່າງ ບົດເພງ ເສຍແຟນທີ່ແດນສະຫວັນ, ລຸ້ນນັກຮຽນມັດທະຍົມໄດ້ແກ່ ທ້າວ ຕົ້ນກ້າ ໂຮງຮຽນ ມສ ປາກແຈ້ງ ບົດເພງ ເຊີນທ່ຽວແຂວງວຽງຈັນ ໄດ້ຮັບລາງວັນເງີນສົດ ຈໍານວນ 150,000 ກີບ/ລຸ້ນ,

 

 

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031