Fri. Sep 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໂພນໂຮງ ແຂວງວຽງຈັນ ມອບເງິນນະໂຍບາຍ ດຳລັດ 272 / ລບ ປະຈຳປີ 2020.

1 min read

ເມືອງໂພນໂຮງ ແຂວງວຽງຈັນ ມອບເງິນນະໂຍບາຍ ດຳລັດ 272 / ລບ ປະຈຳປີ 2020.


ພິທີມອບ-ຮັບ ເງິນນະໂຍບາຍອຸດໜູນເທື່ອດຽວໃຫ້ແກ່ ຜູ້ທີ່ມີຜົນງານ ມີຄຸນງາມຄວາມດີຕໍ່ປະເທດ ຕາມດຳລັດ 272/ ລບ ຜູ້ທີ່ຍັງມີຊິວິດ ຢູ່ ພາຍໃນ ເມືອງໂພນໂຮງ ແຂວງວຽງຈັນ

 

ໃນວັນທີ15 ກັນຍາ 2020 ນີ້ ຢູ່ທີ່ ສະໂມສອນໃຫຍ່ຂອງເມືອງ ພາຍໄຕ້ການເປັນປະທານຂອງ ທ່ານ ສົມປະສົງ ສຸວົງຄຳຈັນ ກຳມະການ ພັກແຂວງ ເລຂາພັກເມືອງ ເຈົ້າເມືອງໆ ໂພນໂຮງ ,ມີ ທ່ານ ຍົມສອນ ຄຳລາສີ ຫົວໜ້າພະແນກແຮງງານສະຫວັດດີການ- ສັງຄົມ ແຂວງວຽງຈັນ ,ມີຫ້ອງການກ່ຽວຂ້ອງຂັ້ນເມືອງ,ຄອບຄົວເປົ້າໝາຍຜູ້ທີ່ໄດ້ຮັບນະໂຍບາຍພາຍໃນເມືອງ ເຂົ້າຮ່ວມ.


ທ່ານ ນາງ ສົມສີ ປ້ອງປະເສີດ ຮອງຫົວໜ້າ ຫ້ອງການບໍລິຫານ ພະແນກ ແຮງງານສະຫວັດດີການ-ສັງຄົມແຂວງວຽງຈັນ ຕ່າງໜ້າໃຫ້ຄະນະຮັບຜິດຊອບການປະຕິບັດນະໂຍບາຍຂອງແຂວງວຽງຈັນ ໄດ້ກ່າວວ່າ: ໃນການຈັດຕັ້ງປະຕິບັດນະໂຍບາຍ າມດຳລັດ 272 /ລບ ໃຫ້ຜູ້ທີ່ມີຄຸນງາມຄວາມດີຕໍ່ປະເທດຊາດຄັ້ງນີ້ກໍ່ເພື່ອຈັດຕັ້ງປະຕິນະໂຍບາຍຕາມຂໍ້ຕົກລົງ ສະບັບເລກທີ 818 / ຮສສ ຂອງ ທ່ານ ລັດຖະມົນຕີ ກະຊວງແຮງງານສະຫວັດດີການ-ສັງຄົມ ໃຫ້ປະກົດຜົນເປັນຈິງ ແນ່ໃສ່ເພື່ອຍົກສູງຊີວິດການເປັນຢູ່ຂອງບັນດາຜູ້ທີ່ມີຜົນງານມີຄຸນງາມຄວາມດີຕໍ່ປະເທດຊາດ ມີຊີວິດການເປັນຢູ່ຄອບຄົວ ນັບມື້ດີຂື້ນ.


ເງິນທີ່ຈຳມາມອບໃຫ້ເມືອງໂພນໂຮງປະຕິບັດນະໂຍບາຍຄັ້ງນີ້ມີ ຈຳນວນ 454.589.475 ກີບ ຊຶ່ງມອບໂດຍ ທ່ານ ຍົມສອນ ຄຳລາສີ ຫົວໜ້າພະແນກ ແຮງງານສະຫວັດດີການ-ສັງຄົມແຂວງວຽງຈັນ

ຕ່າງໜ້າຮັບໂດຍ ທ່ານ ສົມປະສົງ ສຸວົງຄຳຈັນ ເຈົ້າເມືອງໆໂພນໂຮງ ຊຶ່ງເງິນຈຳນວນດັ່ງກ່າວມອບໃຫ້ ຫ້ອງການສະຫວັດດີການແຮງງານສະຫວັດດີການ-ສັງຄົມ ເມືອງໂພນໂຮງ ເປັນຜູ້ແຈກຢາຍ ໃຫ້ ຈຳນວນ 30 ທ່ານ ທີ່ໄດ້ຮັບນະໂຍບາຍພາຍໃນເມືອງໂພນໂຮງ.

ຂ່າວ: ສຸເວດ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930