Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງຫິນເຫີບຈັດພິທີ ມອບ-ຮັບເງິນນະໂຍບາຍ ດຳລັດ 272 / ລບ ປະຈຳປີ 2020

1 min read

ພິທີມອບ – ຮັບເງິນນະໂຍບາຍຕາມດໍາລັດ 272 / ລບ
ວັນທີ 15 ກັນຍາ 2020 ຢູ່ທີ່ສະໂມສອນເມືອງຫີນເຫີບແຂວງວຽງຈັນໄດ້ຈັດພິທີມອບ – ຮັບເງິນນະໂຍບາຍ

ຕາມດໍາລັດ 272 / ລບ ໂດຍການເຂົ້າຮ່ວມຂອງ ທ່ານ ຄໍາຫຼ້າ ບຸນຍາສິງ ຮອງເລຂາພັກເມືອງ ປະທານກວດກາພັກ ຫົວໜ້າຫ້ອງການກວດກາລັດເມືອງ, ມີ ທ່ານ ຍົມສອນ ຄໍາມາສີ ຫົວໜ້າພະແນກແຮງງານ ແລະ ສະຫວັດດີການສັງ ຄົມແຂວງວຽງຈັນ, ຄະນະປະຈໍາ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ບັນດາຄອບຄົວຜູ້ທີ່ເສຍ ສະຫຼະຊີວິດໃນປາງສົ່ງຄາມ, ຜູ້ທີ່ມີຄຸນງາມຄວາມດີເຂົ້າຮ່ວມ.


ທ່ານ ເສີດ ອິນທະວົງ ຮັກສາການຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງໄດ້ຂຶ້ນຜ່ານ
ບົດສະຫຼຸບການຈັດຕັງປະຕິບັດວຽກງານນະໂຍບາຍຕາມດໍາລັດ 272 / ລບ ປີ 2019 ແລະ ທິດທາງແຜນການປີ 2020 ຫ້ອງການແຮງງານ ແລະ ສະຫວັດດີການສັງຄົມເມືອງຫີນເຫີບມີເງື່ອນໄຂ, ທ່າແຮງ ແລະ ປັດໃຈຕ່າງໆໃນການພັດທະນາຂົງເຂດວຽກງານໃນປະຈຸບັນຕາມຄວາມຮຽກຮ້ອງຕ້ອງການພັດທະນາຂົງເຂດ ໃນປະຈຸບັນສະພາບຄວາມຮຽກຮ້ອງຕ້ອງການໃນການພັດທະນາຢູ່ຂົງເຂດວຽກງານສະຫວັດດີການສັງຄົມ ໃນປະຈຸບັນພະນັກງານອາວຸໂສບໍານານ, ວິລະຊົນແຫ່ງຊາ, ນັກຮົບແຂ່ງຂັນ, ຜູ້ເສຍອົງຄະ ແລະ ຄອບຄົວຜູ້ເສຍສະຫຼະຊີວິດໃນປາງສົ່ງຄາມ, ປະຊາຊົນຜູ້ປະສົບໄພພິບັດ, ຜູ້ທີ່ດ້ອຍໂອກາດ, ຜູ້ພິການຕະຫຼອດຮອດພໍ່ແມ່ປະຊາຊົນທີ່ມີຄວາມຕ້ອງການຮັບນະໂຍບາຍຈາກຂັ້ນເທິງຢ່າງທົ່ວເຖິງເປັນທໍາ ແລະ ທັນການ.


ທ່ານ ນ. ສົມສີ ປ້ອງປະເສີດ ຮອງຫົວໜ້າຫ້ອງການບໍລິຫານ ພະແນກແຮງງານ ແລະ ສະຫວັດດີການສັງຄົມແຂວງວຽງຈັນ ຕາງໜ້າໃຫ້ຄະນະຮັບຜິດຊອບການປະຕິບັດນະໂຍບາຍຂອງແຂວງວຽງຈັນວ່າ ໃນການຈັດຕັ້ງປະຕິບັດນະໂຍບາຍຕາມດໍາລັດ 272 / ລບໃຫ້ຜູ້ທີ່ມີຄຸນງາມຄວາມດີຕໍ່ປະເທດຊາດຄັ້ງນີ້ກໍ່ເພື່ອຈັດຕັ້ງປະຕິບັດນະໂຍບາຍຕາມຂໍ້ຕົກລົງ ສະບັບເລກທີ 818 / ຮສສ ຂອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມໃຫ້ປະກົດຜົນເປັນຈິງແນໃສ່ເພື່ອຍົກສູງຊີວິດການເປັນຢູ່ຂອງບັນດາຜູ້ທີ່ມີຜົນງານຄຸນງາມຄວາມດີຕໍ່ປະເທດຊາດມີຊີວິດການເປັນຢູ່ຄອບຄົວນັບມື້ນັບດີຂຶ້ນ.


ເງິນທີ່ນໍາມາມອບໃນຄັ້ງນີ້ມີທັງໝົດ 279.601.050 ກີບ ເປັນກຽດມອບເງິນໂດຍແມ່ນ ທ່ານ ຍົມສອນ ຄໍາມາສີ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງວຽງຈັນກ່າວຮັບແມ່ນ ທ່ານ ຄໍາຫຼ້າ ບຸນຍາສິງ ຮອງເລຂາພັກເມືອງ ປະທານກວດກາພັກ ຫົວໜ້າຫ້ອງການກວດກາລັດເມືອງ ຈາກນັ້ນກໍ່ໄດ້ມອບໃຫ້ຫ້ອງການແຮງງານ ແລະ ສະຫວັດດີການສັງຄົມເມືອງເປັນຜູ້ຈັດຕັ້ງປະຕິບັດເບີກຈ່າຍເງິນໃຫ້ຜູ້ທີ່ໄດ້ຮັບນະໂຍບາຍຈໍານວນ 11 ທ່ານໃນຄັ້ງນີ້ໃຫ້ຖືກຕ້ອງ ແລະ ສອດຄ່ອງຕາມດໍາລັດ 272 / ລບໃຫ້ໄດ້ຢ່າງທົ່ວເຖິງ.

ຂ່າວ ເມືອງຫີນເຫີບ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930