Wed. Sep 30th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງເຟືອງເປີດກອງປະຊຸມວິສາມັນຄົບຄະນະບໍລິຫານງານພັັກເມືອງ

1 min read

ເມືອງເຟືອງເປີດກອງປະຊຸມວິສາມັນຄົບຄະນະບໍລິຫານງານພັັກເມືອງ


ວັນທີ 16 ກັນຍາ 2020 ຜ່ານມານີ້ ຢູ່ສະໂມສອນເມືອງເຟືອງໄດ້ເປີດກອງປະຊຸມວິສາມັນ ຄົບຄະນະບໍລິຫານງານພັກເມືອງຂື້ນ.

ໂດຍພາຍໃຕ້ການເປັນປະທານຂອງ ສະຫາຍ ຄຳເພັດ ຈັນສົມພູ ເລຂາພັກເມືອງ ເຈົ້າເມືອງໆເຟືອງ ມີບັນດາຄະນະປະຈຳ, ກຳມະການພັກເມືອງ , ເລຂາຄະນະພັກຮາກຖານ, ສຳນັກງານ, ຫ້ອງການ, ກົມກອງ ພ້ອມກັນເຂົ້າຮ່ວມທັງໝົດ 58 ສະຫາຍ, ຍິງ 8 ສະຫາຍ.


ສະຫາຍ ນາງ ຄໍາເມີງ ແພງວິຈິດ ຮອງເລຂາພັກເມືອງ ຜູ້ຊີ້ນໍາ ວຽກພັກ-ພະນັກງານ ແລະວຽກງານການເມືອງແນວຄິດ ໄດ້ໃຫ້ກຽດຂື້ນ ຜ່ານບົດລາຍງານ ການຈັດຕັ້ງປະຕິບັດວຽກງານ ຈັດຕັ້ງ ກໍ່ສ້າງພັກ-ພະນັກງານ ໃນໄລຍະ 9 ເດືອນຜ່ານມາ ແລະ ທິດທາງແຜນການ 3 ເດືອນ ທ້າຍປີ 2020.

ເຊິ່ງໄດ້ຍົກໃຫ້ເຫັນວ່າ ຄະນະພັກແຕ່ລະຂັ້ນ ໄດ້ເອົາໃຈໃສ່ ເພີ່ມທະວີ ປັບປຸງກໍ່ສ້າງບັນດາຮາກຖານພັກ, ທົ່ວເມືອງມີ 10 ຄະນະພັກຮາກຖານ, ມີ 105 ໜ່ວຍພັກ, ໃນນີ້ ມີໜ່ວຍພັກສຳນັກງານ 55 ໜ່ວຍພັກ, ໜ່ວຍພັກບ້ານມີ 50 ໜ່ວຍ, ໜ່ວຍພັກທີ່ຂື້ນກັບຄະນະພັກຮາກຖານມີ 60 ໜ່ວຍ, ໜ່ວຍພັກເອກະລາດມີ 45 ໜ່ວຍ, ມີສະມາຊິກພັກທັງໝົດ 2.089 ສະຫາຍ, ຍິງ 542 ສະຫາຍ, ສຳຮອງ 140 ສະຫາຍ, ຍິງ 51 ສະຫາຍ.

ກອງປະຊຸມຄັ້ງນີ້ ຄະນະພັກໄດ້ຜັດປ່ຽນກັນ ປະກອບຄຳຄິດ ຄຳເຫັນ ກ່ຽວກັບການຈັດຕັ້ງປະຕິບັດວຽກງານຮອບດ້ານ  ໃນໄລຍະຜ່ານມາ ແລະທິດທາງແຜນການໃນຕໍ່ໜ້າ ເຊິ່ງ ທ່ານປະທານກອງປະຊຸມໄດ້ເໜັ້ນໜັກໃຫ້ແຕ່ລະສະຫາຍ ຈົ່ງພ້ອມກັນເອົາໃຈໃສ່ ສືບຕໍ່ ສຶກສາອົບຮົມ ການເມືອງ-ແນວຄິດ ໃຫ້ແກ່ສະມາຊິກພັກ-ພະນັກງານ ເລັ່ງໃສ່ສ້າງໜ່ວຍພັກ ປອດໃສ ເຂັ້ມແຂງ ແລະໜັກແໜ້ນ, ສຸມໃສ່ຕ້ານແລະສະກັດກັ້ນບັນດາປະກົດການຫຍໍ້ທໍ້ ໃຫ້ຫຼຸດໜ້ອຍ ຖອຍລົງ, ສົ່ງເສີມ ຊຸກຍູ້ບ້ານນາມມະຍົດ ຂອງຂະແໜງການກ່ຽວຂ້ອງ ໃຫ້ນັບມື້ເພີ່ມຂື້ນ ໂດຍສະເພາະແມ່ນ ເປົ້າໝາຍບ້ານສາມສ້າງທີ່ເມືອງໄດ້ກຳນົດໄວ້.

#ຂ່າວ: ເມືອງເຟືອງ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930