Fri. Sep 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ບໍລິສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈຳກັດຜູ້ດຽວ (IHC) ມອບເງິນ 500 ລ້ານກີບ ໃຫ້ແຂວງວຽງຈັນ

1 min read

ບໍລິສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈຳກັດຜູ້ດຽວ (IHC) ມອບເງິນ 500 ລ້ານກີບ ໃຫ້ແຂວງວຽງຈັນ.


ວັນທີ 15 ກັນຍາ 2020 ຜ່ານມາ, ບໍລິສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈຳກັດຜູ້ດຽວ (IHC) ໄດ້ນຳເອົາເງິນ ມາມອບໃຫ້ແກ່ແຂວງວຽງຈັນ, ເພື່ອເປັນການປະກອບສ່ວນ, ຊຸກຍູ້ອຸປະຖຳໃນການເຄື່ອນໄຫວວຽກງານຂະບວນການໃນດ້ານຕ່າງໆ ເພື່ອຂ່ຳນັບຮັບຕ້ອນກອງປະຊຸມໃຫຍ່ຜູ້ແທນອົງຄະນະພັກແຂວງວຽງຈັນ ຄັ້ງທີ VI ທີ່ຈະໄຂຂຶ້ນໃນໄວນີ້ ໃຫ້ມີຄວາມໝາຍ ແລະ ມີບັນຍາກາດຟົດຟື້ນ. ພິທີໄດ້ຈັດຂຶ້ນຢູ່ທີ່ຫ້ອງຮັບຮອງຂອງຫ້ອງວ່າການແຂວງວຽງຈັນ.

ໃຫ້ກຽດເຂົ້າຮ່ວມຂອງທ່ານ ຄຳພັນ ສິດທິດຳພາ ກຳມະການສູນກາງພັກ, ເລຂາພັກແຂວງເຈົ້າແຂວງໆວຽງຈັນ ພ້ອມດ້ວຍຄະນະ, ທ່ານ ລີໄຄຜູ້ອຳນວຍການໃຫຍ່ບໍຜລິສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈຳກັດຜູ້ດຽວ(IHC) ພ້ອມຄະນະ ແລະ ພະນັກງານກ່ຽວຂ້ອງເຂົ້າຮ່ວມ. ໃນໂອກາດນີ້ທາງບໍລິສັດດັ່ງກ່າວກໍ່ໄດ້ລາຍງານສະພາບການຈັດຕັ້ງປະຕິບັດວຽກງານໃນແຕ່ລະໄລຍະໃຫ້ແຂວງໄດ້ຮັບຊາບ.

ພ້ອມດຽວກັນນີ້ທ່ານເຈົ້າແຂວງກໍ່ໄດ້ກ່າວຂອບໃຈຕໍ່ບໍລິສັດດັ່ງກ່າວທີ່ໄດ້ປະກອບສ່ວນຊຸກຍູ້, ອຸປະຖຳແຂວງວຽງຈັນຕະຫລອດມາ. ເປັນຕົ້ນແມ່ນການຊ່ວຍເຫລືອ, ການຮ່ວມມື, ການລົງໃນດ້ານຕ່າງໆລະຫວ່າງ ສປຈີນ ກັບ ສປປ ລາວ ໃນໄລຍະຜ່ານມາ ແລະ ໃຫ້ເຂົ້າສູ່ລວງເລິກຂຶ້ນກວ່າເກົ່າ.


ເງີນທີ່ບໍລິສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈຳກັດຜູ້ດຽວ(IHC) ນຳມາມອບໃຫ້ແຂວງວຽງຈັນໃນຄັ້ງນີ້ ມູນຄ່າ 500 ລ້ານກີບ. ກ່າວມອບໂດຍທ່ານ ລີໄຄ ຜູ້ອຳນວຍການໃຫຍ່ ບໍລິສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈຳກັດຜູ້ດຽວ(IHC) ແລະ ຮັບໂດຍທ່ານ ຄຳພັນ ສິດທິດຳພາ ກຳມະການສູນກາງພັກ, ເລຂາພັກແຂວງເຈົ້າແຂວງໆວຽງຈັນ ຊ້ອງໜ້າການນຳຂອງແຂວງ, ຄະນະບໍລິສັດ ແລະ ພະນັກງານກ່ຽວຂ້ອງເຂົ້າຮ່ວມເປັນສັກຂີພິຍານ.

#ຂ່າວ: ກີ່ງແກ້ວ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930