Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຄະນະກວດກາພັກ ແຂວງວຽງຈັນ ມອບລົດຈັກໃຫ້ຄະນະກວດ ຢູ່ເມືອງເຟືອງ

1 min read

ວັນທີ 16 ກັນຍາ 2020 ຜ່ານມານີ້ ຄະນະກວດກາພັກແຂວງວຽງຈັນ ນໍາໂດຍ ທ່ານ ຄໍາປ່ຽນ ຈັນທະມົງຄຸນ ຮັກສາການ ປະທານກວດກາພັກ ອົງການກວດກາລັດ ແຂວງວຽງຈັນ ພ້ອມດ້ວຍຄະນະ ໄດ້ລົງມາຢ້ຽມຢາມ ແລະເຮັດວຽກຢູ່ເມືອງເຟືອງ ເຊິ່ງໄດ້ຮັບ ການຕ້ອນຮັບ ຢ່າງອົບອຸ່ນ ຈາກທ່ານ ບຸນແພງ ແສງເພັດມະນີວົງ ຮອງເລຂາພັກເມືອງ ປະທານກວດກາພັກເມືອງ ພ້ອມດ້ວຍຄະນະ ແລະພະນັກງານພາຍໃນຫ້ອງການ.


ທ່ານ ແສງນິພອນ ນົງນີລາດ ຮອງປະທານກວດກາພັກເມືອງ ໄດ້ລາຍງານສະພາບການຈັດຕັ້ງປະຕິບັດວຽກງານ ຂອງຄະນະກວດກາພັກເມືອງ ໄລຍະ 1 ປີ ຜ່ານມາ, ຫຼັງຈາກນັ້ນ ທ່ານ ຄໍາປ່ຽນ ຈັນທະມົງຄຸນ ກໍ່ໄດ້ໃຫ້ກຽດຂື້ນມີຄໍາເຫັນ ຊີ້ນໍາ ເຊິ່ງທ່ານໄດ້ກ່າວຍ້ອງຍໍ ຊົມເຊີຍ ຜົນງານການຈັດຕັ້ງປະຕິບັດວຽກງານ ຂອງຄະນະກວດກາພັກເມືອງ ທີ່ໄດ້ເອົາໃຈໃສ່ຊີ້ນໍາໆພາ ວຽກງານໃນໄລຍະຜ່ານມາ ແລະທ່ານຍັງໄດ້ເນັ້ນໜັກຄະນະກວດກາພັກເມືອງ ຈົ່ງເອົາໃຈໃສ່ຕໍ່ວຽກງານສືກສາອົບຮົມການເມືອງແນວຄິດ ສະມາຊິກພັກພະນັກງານ ໃຫ້ມີຄວາມສາມັກຄີຢ່າງໜັກແໜ້ນ ເອົາໃຈໃສ່ປັບປຸງການຈັດຕັ້ງຂອງຕົນໃຫ້ມີຄວາມເຂັ້ມແຂງ ຖືເອົາວຽກງານຕິດຕາມກວດກາ ເປັນວຽກງານສໍາຄັນ ເອົາໃຈໃສ່ຕໍ່ວຽກງານກວດກາພັກ – ກວດກາລັດ ຕ້ານການສໍ່ລາດບັງຫຼວງ ໃນຂອບເຂດຄວາມຮັບຜິດຊອບຂອງຕົນ ສາມາດເປັນເສນາທິການ ໃຫ້ຄະນະພັກອົງການປົກຄອງເມືອງ ໄດ້ຢ່າງແທ້ຈິງ.

ໃນໂອກາດທີ່ຄະນະກວດພັກແຂວງວຽງຈັນ ລົງມາຢ້ຽມຢາມ ແລະຊຸກຍູ້ວຽກງານ ໃນຄັ້ງນີ້ຍັງໄດ້ນໍາເອົາລົດຈັກ 1 ຄັນ ມູນຄ່າ 10 ລ້ານກວ່າກີບ ມາມອບໃຫ້ແກ່ຄະນະກວດກາພັກເມືອງ ເພື່ອຮັບໃຊ້ເຂົ້າໃນການ ຈັດຕັ້ງປະຕິບັດວຽກງານ ໃຫ້ມີຄວາມສະດວກສະບາຍອີກດ້ວຍ.

ຂ່າວ: ຄຳລຸນ ສົມວົງໄຊ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930