Fri. Sep 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ບ້ານປົ່ງ ເມືອງຊະນະຄາມ ແຂວງວຽງຈັນ ສ້າງຂະບວນການ ອອກແຮງງານລວມພາຍໃນບ້ານ

1 min read


ບ້ານປົ່ງ ເມືອງຊະນະຄາມ ແຂວງວຽງຈັນ
ສ້າງຂະບວນການ ອອກແຮງງານລວມພາຍໃນບ້ານ

ໃນວັນທີ 17 ກັນຍາ 2020 ນີ້, ຢູ່ທີ່ບ້ານປົ່ງ ເມືອງຊະນະຄາມ ແຂວງວຽງຈັນ ໄດ້ຈັດກິດຈະກໍາສ້າງຂະບວນການອອກແຮງງານລວມຢູ່ພາຍໃນບ້ານຂອງຕົນຂຶ້ນ,

ໂດຍພາຍໃຕ້ການນໍາພາ ຂອງທ່ານ ໂຍ ຈິດປະສົງ ເລຂາພັກບ້ານ ນາຍບ້ານ, ພ້ອມດ້ວຍອົງການຈັດຕັ້ງບ້ານ ແລະ ປະຊາຊົນ ເຂົ້າຮ່ວມຢ່າງເປັນຂະບວນ.


ການອອກແຮງງານໃນຄັ້ງນີ້ ໄດ້ພ້ອມກັນ, ປັບປຸງລວດແລວຮ່ອງນໍ້າຕາມເສັ້ນທາງຫຼວງ ແລະ ຕາມທາງຮ່ອມຕ່າງໆພາຍໃນບ້ານໃຫ້ສາມາດລະບາຍນໍ້າໄດ້ຢ່າງສະດວກ, ພ້ອມທັງໄດ້ຕັດຫຍ້າອະນາໄມຕາມຂອບທາງ ແລະ ບ້ານເຮືອນ, ຖົມດິນຕາມເສັ້ນທາງຫຼວງ, ທາງຮ່ອມ, ເສັ້ນທາງເຂົ້າໄປຫາບ່ອນເຮັດການຜະລິດທີ່ມີເປ່ເພ ແລະ ສັນຈອນໄປ-ມາຫຍຸ້ງຍາກ ໃຫ້ສາມາດທຽວໄດ້ຢ່າງສະດວກສະບາຍຈຸດປະສົງ ກໍ່ເພື່ອເປັນຈັດຕັ້ງປະຕິບັດຕາມທິດຊີ້ນໍາຂອງອົງຄະນະພັກເມືອງ ໃນການສ້າງຂະບວນການຂໍານັບຮັບຕ້ອນກອງປະຊຸມໃຫຍ່ຄັ້ງທີ VI ຂອງອົງຄະນະພັກແຂວງວຽງຈັນ ທີ່ຈະໄດ້ໄຂຂຶ້ນໃນອະນາຄົດອັນໃກ້ນີ້, ທັງເປັນການເຕົ້າໂຮມຄວາມສາມັກຄີປະຊາຊົນພາຍໃນບ້ານໃຫ້ມີຄວາມໜັກແໜ້ນ, ທັງເປັນການປະຕິບັດຫຼັກການອະນາໄມ ແລະ ປະ ກອບສ່ວນເຂົ້າໃນວຽກງານສະກັດກັ້ນການແຜ່ລະບາດຂອງພະຍາດໄຂ້ຍຸງລາຍເປັນປະຈໍາ,

ພ້ອມທັງເປັນການກະກຽມຄວາມພ້ອມ ເຂົ້າສູ່ລະດູການເກັບກ່ຽວຜົນຜະລິດເຂົ້ານາປີ ຂອງປະຊາຊົນພາຍໃນບ້ານ ໄດ້ມີຄວາມສະດວກສະບາຍ ແລະ ມີບັນຍາກາດຟົດຟື້ນ.

ຂ່າວ: ເມືອງຊະນະຄາມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930