Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໂພນໂຮງ ແຂວງວຽງຈັນ ສະເຫຼີມສະຫຼອງວັນສ້າງຕັ້ງແນວລາວສ້າງຊາດຄົບຮອບ 70 ປີ

1 min read

ເມືອງໂພນໂຮງ ແຂວງວຽງຈັນ ສະເຫຼີມສະຫຼອງວັນສ້າງຕັ້ງແນວລາວສ້າງຊາດຄົບຮອບ 70 ປີ.


ພິີທີສະເຫຼີມສະຫຼອງວັນສ້າງແນວລາວສ້າງຊາດຄົບຮອບ 70 ປີ (13 ສິງຫາ 1950 -13 ສິງຫາ 2020) ຈັດຂື້ນໃນວັນທີ 17 ກັນຍາ 2020ນີ້ຢູ່ທີ່ສະໂມສອນໃຫຍ່ຂອງເມືອງ ໂດຍພາຍໄຕ້ການເປັນປະທານຂອງ ທ່ານ ສຸກັນ ສີຫາບັນຍາ ຄະນະປະຈຳພັກ ເມືອງ ປະທານ ແນວລາວສ້າງຊາດ ເມືອງ ,

ໃຫ້ກຽດເຂົ້າຮ່ວມໂດຍ ທ່ານ ນາງ ອິ່ນຄຳ ພັນດາລາ ກຳມະການພັກແຂວງ ຫົວໜ້າພະແນກຖະແຫຼງຂ່າວ ວັດທະນະທຳ-ທ່ອງທ່ຽວ ແຂວງວຽງຈັນ ,ມີບັນດາຫົວໜ້າຫ້ອງການ, ພະນັກງານ ລັດຖະກອນພາຍໃນເມືອງ ແລະ ອົງການແນວແຕ່ລະບ້ານເຂົ້າຮ່ວມ.

 

ໃນການລະນຶກວັນສ້າງຕັ້ງແນວລາວສ້າງຊາດຄົບຮອບ 70 ປີ ຄັ້ງນີ້ ກໍ່ເພື່ອເຊື່ອມຊຶມຫວນຄືນມູນເຊື້ອການກຳເນີດ ແລະ ການເຕີບໃຫຍ່ຂະຫຍາຍຕົວຂອງອົງການແນວລາວສ້າງຊາດໂດຍສະເພາະຮ່ຳຮຽນເອົາມູນເຊື້ອອັນດີງາມຂອງອົງການແນວ ເພື່ອນຳເອົາບົດຮຽນດັ່ງກ່າວມາໜູນໃຊ້ເຂົ້າສູ່ວຽກງານຕົວຈິງ ແລະ ມີແນວຄິດການເມືອງໜັກແໜ້ນ .

ໃຫ້ກຽດຂື້ນປາຖະກະຖາໂດຍທ່ານ ສຸກັນ ສີຫາປັນຍາ ປະທານແນວລາວສ້າງຊາດ ເມືອງ ທ່ານ ໄດ້ຍົກໃຫ້ເຫັນ ມູນເຊື້ອການກຳເນີດ ແລະ ຜົນງານການເຕີບໃຫຍ່ໄລຍະ 70 ປີ ທີ່ຜ່ານມາ ທີ່ອົງການແນວລາວສ້າງຊາດ ສາມາດຍາດໄດ້ ທີ່ປະຊຸມຍັງໄດ້ຮັບຟັງການຜ່ານ ແຈ້ງການແນະນຳ ຂັ້ນສູນກາງ ເປັນຕົ້ນການຈັດຕັ້ງປະຕິບັດວຽກງານ ຕິດຕາມ ກວດກາ ຂອງແນວລາວສ້າງຊາດ

ຕອນທ້າຍພິທີຍັງໄດ້ ມອບຫລຽນກາລະນຶກ 70 ປີ ແນວລາວສ້າງຊາດ ຈຳນວນ 100 ທ່ານ ແລະ ມອບໃບຍ້ອງຍໍ ຂັ້ນສູນກາງ ຈຳນວນ 76 ທ່ານ ໃຫ້ແກ່ ຜູ້ທີ່ມີຜົນງານດີເດັ່ນ ປະກອບສ່ວນເຄື່ອນໄຫວ ວຽກງານແນວລາວສ້າງຊາດ ໄລຍະຜ່ານມາ ຊຶ່ງນຳພາ ມອບໂດຍ ທ່ານ ອຸດອນ ກິ່ງຈັນທະວົງ ແລະ ທ່ານ ບຸນແທນ ແກ້ວປະເສີດ ຮອງເລຂາພັກເມືອງ ໂດຍມີ ຜູ້ໄດ້ຮັບຫລຽນກາລະນຶກ ແລະ ຮັບໃບຍ້ອງຍໍ ຂື້ນຮັບຢ່າງສົມກຽດ.

ຂ່າວ: ສະເວດ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031