Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຫ້ອງການຊັບພະຍາກອນທະມະຊາດ ແລະ ສິ່ງແວດລ້ອມເມືອງໝື່ນ ເປີດກອງປະຊຸມວຽກງານຂຶ້ນຖະບຽນອອກໃບຕາດິນ

1 min read

ຫ້ອງການຊັບພະຍາກອນທະມະຊາດ ແລະ ສິ່ງແວດລ້ອມເມືອງໝື່ນ ເປີດກອງປະຊຸມວຽກງານຂຶ້ນຖະບຽນອອກໃບຕາດິນ.


ກອງປະຊຸມວຽກງານຂຶ້ນທະບຽນອອກໃບຕາດິນຖາວອນ ຢູ່ບ້ານເມືອງໝື່ນ ແຂວງວຽງຈັນ ໄດ້ຈັດຂຶ້ນ ໃນຕອນເຊົ້າຂອງ ວັນທີ 17 ກັນຍາ 2020ທີ່ຜ່ານມາ ຢູ່ທີ່ສະໂມສອນຂອງບ້ານດັ່ງກ່າວ

ໂດຍການເຂົ້າຮ່ວມເປັນປະທານ ຂອງທ່ານ ພອນເທີດ ສຸຫວັດດີ ເລຂາພັກເມືອງ ວ່າການເຈົ້າເມືອງໆໝື່ນ,ມີທ່ານ ວຽງສະຫວັນ ພະສີສົມບູນ ຫົວໜ້າຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມເມືອງ,ມີຄະນະກຳມະການອອກໃບຕາດິນຂັ້ນເມືອງ,ແຂກຖືກເຊີນ,ເລຂາພັກບ້ານ,ນາຍບ້ານ-ບ້ານເມືອງໝື່ນ ແລະ ພໍ່ແມ່ປະຊາຊົນເຂົ້າຮ່ວມ.


ທ່ານ ວຽງສະຫວັນ ພະສີສົມບູນ ຫົວໜ້າຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ ເມືອງໝື່ນ ໄດ້ກ່າວເປີດກອງປະຊຸມ ພ້ອມທັງມີຄຳເຫັນໂອ້ລົມ ຍົກໃຫ້ເຫັນຄວາມໝາຍຄວາມສຳຄັນ ຂອງວຽກງານຂຶ້ນຖະບຽນອອກໃບຕາດິນຖາວອນ,ຄວາມຈຳເປັນທີ່ຕ້ອງອອກໃບຕາດິນຖາວອນ,ອະທິບາຍສິດນຳໃຊ້ທີ່ດິນ ແລະ ການອອກໃບຕາດິນແຕ່ລະປະເພດ,ກອງປະຊຸມໄດ້ຜ່ານບັນດາຂໍ້ຕົກລົງ ທີ່ກ່ຽວພັນກັບວຽກງານຂຶ້ນທະບຽນອອກໃບຕາດິນຖາວອນ,ຜ່ານລະບຽບຂອງໂຍທາທີ່ກ່ຽວຂ້ອງກັບຜັງບ້ານ ແລະ ເຂດສະຫງວນທາງຫຼວງ,ທາງຮ່ອມ ແລະ ຜ່ານຂັ້ນຕອນການພິສູດຫຼັກຖານເພື່ອອອກໃບຕາດິນ,

ຈາກນັ້ນຜູ້ເຂົ້າຮ່ວມກອງປະຊຸມກໍ່ໄດ້ປະປອບຄຳຄິດຄຳເຫັນບາງບັນຫາ ເພື່ອສ້າງຄວາມເປັນເອກະພາບກັນ ເພື່ອໃຫ້ການຈັດຕັ້ງປະຕິບັດ ມີຄວາມຖືກຕ້ອງວ່ອງໄວ ຊັດເຈນຕາມເປັນຈິ່ງ.


ທ້າຍກອງປະຊຸມທ່ານ ພອນເທີດ ສຸຫວັດດີ ວ່າການເຈົ້າເມືອງໆໝື່ນ ປະທານກອງປະຊຸມກໍ່ໄດ້ມີຄຳເຫັນໂອ້ລົມຫຼາຍບັນຫາ ໂດຍທ່ານໄດ້ເໜັ້ນໜັກມາຍັງຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມເມືອງ,ຄະນະກຳມະການຂັ້ນເມືອງ,ອົງການປົກຄອງບ້ານ ແລະ ພໍ່ແມ່ປະຊາຊົນເຈົ້າຂອງດິນຕາມບັນຊີລາຍຊື່ ໃຫ້ເອົາໃຈໃສ່ເຂົ້າຮ່ວມຂະບວນການດັ່ງນີ້ໃຫ້ມີຜົນສຳເລັດໂດຍໄວ,ມີຄວາມຖືກຕ້ອງ,ຊັດເຈນ ຮັບປະກັນບໍ່ໃຫ້ເກີດຫາງສຽງບໍ່ດີທາງສັງຄົມ ໃຫ້ສົມກັບຄຳຂວັນຮັກຊາດພັດທະນາໃນຂົງເຂດວຽກງານຄຸ້ມຄອງ ແລະ ພັດທະນາທີ່ດິນທົ່ວປະເທດທີ່ວ່າ: ເຮັດໃຫ້ດີ,ເຮັດໃຫ້ໄວ,ເຮັດໃຫ້ໄດ້ຫຼາຍ ແລະ ເຮັດໃຫ້ຖືກຕ້ອງຕາມລະບຽບກົດໝາຍ.

ຂ່າວ: ແຫວນຄຳ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed