Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກຳມະບານເມືອງກາສີ ມອບເງີນ 34 ລ້ານກວ່າກີບ ໃຫ້ຄອບຄົວສະມາຊິກກອງທຶນເສຍຊີວິດ

1 min read

ກຳມະບານເມືອງກາສີ ມອບເງີນ 34 ລ້ານກວ່າກີບ
ໃຫ້ຄອບຄົວສະມາຊິກກອງທຶນເສຍຊີວິດ


ໃນວັນທີ 18 ກັນຍາ 2020 ຜ່ານມານີ້, ຫ້ອງການກໍາມະບານເມືອງກາສີ ໄດ້ນໍາເອົາເງີນກອງທຶນທະນຸເຄາະ ຈຳນວນ 34.173.600 ກີບ ໄປມອບໃຫ້ຄອບຄົວສະມາຊິກກອງທືນທະນຸເຄາະທີ່ເສຍຊີວິດ ຄື ທ່ານ ຄໍາເພົ້າ ພົມມະຈັກ ພະນັກງານບຳນານ ອາດີດປະທານສະຫະພັນກຳມະບານ ເມືອງກາສີ, ເຊີ່ງໄດ້ເຂົ້າເປັນສະມາຊິກກອງທຶນມາແຕ່ວັນທີ່ 01 ທັນວາ 2005, ສັງກັດຢູ່ໜ່ວຍຮາກຖານຫ້ອງການກໍາມະບານ ເມືອງກາສີ, ປື້ມບັດເລກທີ 591, ເຊີ່ງໄດ້ເສຍຊີວິດໃນວັນທີ 18 ກັນຍາ 2020.

 

ໃນໄລຍະຜ່ານມາຜູ້ກ່ຽວໄດ້ສະສົມເງີນໄວ້ກອງທຶນ ທັງໝົດ ຈຳນວນ 2.804.000 ກີບ, ໃຫ້ກຽດກ່າວມອບເງີນດັ່ງກ່າວແມ່ນ ທ່ານ ສຸກສະຫວາດ ຈັນວັນເພັງ ຮອງປະທານສະຫະພັນກຳມະບານເມືອງກາສີ ທັງເປັນປະທານກອງທຶນ ແລະ ກ່າວຮັບໂດຍແມ່ນຄອບຄົວຂອງຜູ້ເສຍຊິວິດ ໂດຍການໃຫ້ກຽດເຂົ້າຮ່ວມເປັນສັກຂີພິຍານຂອງ ທ່ານ ສີທົນ ແສງພະຈັນ ເລຂາພັກເມືອງ ເຈົ້າເມືອງໆກາສີ, ມີທ່ານ ບຸນມີ ບົວລິວັນ ຄະນະປະຈຳພັກເມືອງ ປະທານແນວລາວສ້າງຊາດເມືອງ, ມີທ່ານ ຄຳໃບ ແກ້ວນະຄອນ ປະທານສະຫະພັນກຳມະບານເມືອງກາສີ, ມີບັນດາພະນັກງານທີ່ກ່ຽວຂ້ອງ ພ້ອມດ້ວຍຄອບຄົວ ແລະ ພີ່ນ້ອງຂອງຜູ້ເສຍຊີວິດເຂົ້າຮ່ວມຢ່າງພ້ອມພຽງ.

ໃນໂອກາດດັ່ງກ່າວ ທ່ານ ຄຳໃບ ແກ້ວນະຄອນ ປະທານສະຫະພັນກຳມະບານເມືອງກາສີ ໄດ້ອະທິບາຍຊີ້ແຈງກ່ຽວກັບກົດລະບຽບ ແລະ ນະໂຍບາຍທີ່ມີຕໍ່ສະມາຊິກກອງທຶນທີ່ເສຍຊີວິດ ເພື່ອເຮັດໃຫ້ຄອບຄົວ ຍາດຕິພີ່ນ້ອງຂອງສະມາຊິກທີ່ເສຍຊີວິດໄດ້ຮັບຮູ້ເຂົ້າຢ່າງເລິກເຊີ່ງ ແລະ ການມອບເງີນໃນຄັ້ງນີ້ ກໍປະຕິບັດຕາມກົດລະບຽບກອງທຶນ ກຊກ ຂອງສະຫະພັນກຳມະບານແຂວງວຽງຈັນ ສະບັບເລກທີ 925/ສກບ.ຂຈ ລົງວັນທີ 25 ທັນວາ 2019 ວ່າດ້ວຍ ການປະຕິບັດນະໂຍບາຍຕໍ່ຜູ້ເສຍຊີວິດ ແລະ ຂໍ້ຕົກລົງຂອງສະຫະພັນກຳມະບານແຂວງວຽງຈັນ ສະບັບເລກທີ 575 /ສບຂ.ວຈ ລົງວັນທີ 18 ກັນຍາ 2020 ວ່າດ້ວຍການມອບເງີນທະນຸເຄາະໃຫ້ສະມາຊິກກອງທຶນທີ່ເສຍຊີວິດ.

(ຂ່າວ: ອໍາພອນ)

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031