Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກຸ່ມບໍລິສັດ ມາລີນີ ຈຳກັດ ໄດ້ມອບເງີນ 10.000.000 ກີບ ໃຫ້ພະແນກຕຳຫຼວດຈະລາຈອນ ຫ້ອງຕຳຫຼວດ

1 min read

ກຸ່ມບໍລິສັດ ມາລີນີ ຈຳກັດ ໄດ້ມອບເງີນ 10.000.000 ກີບ ໃຫ້ພະແນກຕຳຫຼວດຈະລາຈອນ ຫ້ອງຕຳຫຼວດ


ໃນຕົ້ນເດືອນ ກັນຍາ 2020 ຜ່ານມານີ້ ກຸ່ມບໍລິສັດ ມາລີນີ ຈໍາກັດ ໄດ້ມອບເງີນໃຫ້ພະແນກຕຳຫຼວດຈະລາຈອນ ຫ້ອງຕໍາຫຼວດ ປກສ ແຂວງວຽງຈັນ ມູນຄ່າ 10,000,000 ກີບ ເພື່ອນໍາໃຊ້ເຂົ້າໃນວຽກງານວິຊາສະເພາະໃນການລົງແກ້ໄຂປະກົດການຫຍໍ້ທໍ້ພາຍໃນ 4 ຕົວເມືອງເທດສະບານແຂວງວຽງຈັນ ແລະ ເປັນການປ້ອງກັນສະກັດກັ້ນຕ້ານປະກົດການຫຍໍ້ທໍ້ໃນສັງຄົມ

 

ໂດຍສະເພາະແມ່ນສະກັດກັ້ນກຸ່ມແກ້ງແຂ່ງລົດ, ຂັບລົດເປັນພຶງເປັນແພ, ດັດແປງສະພາບເຕັກນິກລົດ, ກຸ່ມແກ້ງລັກລົດ, ເຊິ່ງນຳໃຊ້ເສັ້ນທາງການສັນຈອນເຄື່ອນໄຫວກະທໍາຄວາມຜິດຕໍ່ລະບຽບກົດໝາຍ,ເພື່ອກະກຽມໃຫ້ແກ່ການເປີດກອງປະຊຸມໃຫຍ່ອົງຄະນະພັກແຂວງວຽງຈັນ ຄັ້ງທີVI ທີ່ຈະໄຂຂື້ນໃນມໍ່ໆນີ້ ໃຫ້ມີຄວາມສະຫງົບປອດໄພ, ມີຄວາມເປັນລະບຽບຮຽບຮ້ອຍດີ.

ໃຫ້ກຽດມອບເງິນຈຳນວນດັ່ງກ່າວໂດຍແມ່ນ ທ່ານ ຄຳພູ ອຸ່ນດາລາ ຜູ້ຊ່ວຍປະທານ ກຸ່ມບໍລິສັດ ມາລີນີ ຈຳກັດ ໃຫ້ກຽດຮັບ ໂດຍແມ່ນ ທ່ານ ພັທ ຈັນທະໝອມ ສີທໍາມະວັນ ຫົວໜ້າພະແນກຕໍາຫຼວດຈະລາຈອນ ຫ້ອງຕຳຫຼວດ ປກສ ແຂວງວຽງຈັນ ໂດຍຊ່ອງໜ້າພະນັກງານ-ນັກຮົບ ແລະ ຕາງໜ້າກຸ່ມບໍລິສັດ ມາລີນີ້ຈຳກັດ ເຂົ້າຮ່ວມເປັນສັກຂີພິຍານ,

ໃນພິທີຍັງໄດ້ມອບໃບກຽດຕິຄຸນ ໃຫ້ກຸ່ມບໍລິສັດ ມາລີນີ ຈໍາກັດ ເພື່ອສະແດງຄວາມຂອບໃຈ ແລະ ຮູ້ບຸນຄຸນຢ່າງລົ້ນເຫຼືອຕໍ່ ກຸ່ມບໍລິສັດ ດັ່ງກ່າວ ທີ່ໃຫ້ການຊຸກຍູ້ຊ່ວຍເຫຼືອເງິນ ໃນຄັ້ງນີ້ຕື່ມອີກ.

ພາບ-ຂ່າວ:ບຸນມາແກ້ວບຸດດາ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031