Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຫ້ອງການການເງີນເມືອງແກ້ວອຸດົມເຜີຍແຜ່ການຈັດຕັ້ງຜັນຂະຫຍາຍການນຳໄຊ້ລະບົບທັນສະໄໝ(TaxRis)ເຂົ້າໃນການຄຸ້ມຄອງລາຍຮັບງົບປະມານແຫ່ງລັດ

1 min read

ຫ້ອງການການເງີນເມືອງແກ້ວອຸດົມເຜີຍແຜ່ການຈັດຕັ້ງຜັນຂະຫຍາຍການນຳໄຊ້ລະບົບທັນສະໄໝ(TaxRis)ເຂົ້າໃນການຄຸ້ມຄອງລາຍຮັບງົບປະມານແຫ່ງລັດ.


ໃນວັນທີ 18 ກັນຍາ 2020 ຜ່ານມານີ້ ຫ້ອງການການເງີນເມືອງແກ້ວອຸດົມແຂວງວຽງຈັນໄດ້ຈັດກອງປະຊຸມເຜີຍແຜ່ການຈັດຕັ້ງຜັນຂະຫຍາຍການນຳໄຊ້ລະບົບທັນສະໄໝ ( TaxRis ) ເຂົ້າໃນການຄຸ້ມຄອງລາຍຮັບງົບປະມານແຫ່ງລັດຂື້ນຢູ່ທີ່ສະໂມສອນຂອງເມືອງແກ້ວອຸດົມ.

ໂດຍການເປັນກຽດເຂົ້າຮ່ວມຂອງທ່ານ ເທບພະໄທ ແກ້ວເຂັມເພັດ ກຳມະການພັກແຂວງ ເລຂາພັກເມືອງ ເຈົ້າເມືອງໆແກ້ວອຸດົມ , ມີທ່ານ ຄຳເຫຼັກ ທອງສະຫວັນ ຫົວໝ້າ ພະແນກການເງິນແຂວງວຽງຈັນ, ມີຄະນະປະຈຳພັກເມືອງ, ກຳມະການພັກເມືອງ,ຫົວໝ້າ,ຮອງຫົວໝ້າຫ້ອງການທີ່ກຽ່ວຂອ້ງ,ນາຍບ້ານ,ນັກທຸລະກິດ,ແຂກຖືກເຊີນ ແລະ ພະນັກງານຫຼັກແຫຼ່ງພາຍໃນຫ້ອງການດັ່ງກ່າວເຂົ້າຮ່ວມຢ່າງພ້ອມພຽງ.


ໃນກອງປະຊຸມທ່ານ ຂັນທອງ ພະລະຄອນ ຫົວໝ້າ ສ່ວຍສາອາກອນແຂວງວຽງຈັນ ໄດ້ຂື້ນຜ່ານເນື້ອໃນເອກະສານບາງນິຕິກຳ ແລະ ມີຄຳເຫັນຕໍ່ກັບການຫັນວຽກງານສ່ວນສາອາກອນເຂົ້າສູ່ລະບົບທັນສະໄໝ(TaxRis)ໃນໄລຍະຜ່ານມາຂະແໜງສ່ວຍສາອາກອນແມ່ນໄດ້ຮັບການພັດທະນາໃຫ້ມີຄວາມເຂັ້ມແຂງເພື່ອຮັບປະກັນໃຫ້ແກ່ວຽກງານຈັດເກັບລາຍຮັບສ່ວຍສາອາກອນ ໃຫ້ມີປະສິດທິຜົນ ແລະ ສາມາດຕິດຕາມ-ກວດກາໄດ້ຢ່າງຕໍ່ເນື່ອງ,ມີຄວາມສະດວກ,ວ່ອງໄວ,ໂປ່ງໃສ ແລະ ຖືກຕ້ອງຕາມລະບຽບກົດໝາຍ,ລຸດຜ່ອນຫ່າງສຽງຈົ່ມວ່າຂອງສັງຄົມ ຕໍ່ກັບເຈົ້າໝ້າທີ່ສ່ວຍສາອາກອນ ດັ່ງນັ້ນກະຊວງການເງິນ (ກົມສ່ວຍສາອາກອນ)

ຈີ່ງໄດ້ລົງທຶນຢ່າງມະຫາສານໃນການຕິດຕັ້ງ,ນຳໄຊ້ລະບົບ lT ເຄື່ອງມືທີ່ທັນສະໄໝຄຸ້ມຄອງລາຍຮັບງົບປະມານແຫ່ງລັດດ້ວຍການນຳໄຊ້ລະບົບ (TaxRis) ຜ່ານມາແມ່ນໄດ້ໄຊ້ລະບົບ TMlS ເລີ່ມມາແຕ່ປີ 2016 ມາຮອດ 2018 ຈີ່ງປຽ່ນມານຳໄຊ້ລະບົບ (TaxRis) ທີ່ທັນສະໄໝກ່ວາເກົ່າ,ປີ 2019 ໄດ້ຂະຫຍາຍໄປເມືອງວັງວຽງ ແລະ ປີ 2020 ແມ່ນຈະໄດ້ຂະຫຍາຍຕື່ມອີກ 4 ເມືອງຄື: ເມືອງທຸລະຄົມ,ແກ້ວອຸດົມ, ໂພນໂຮງ, ເມືອງກາສີ ແລະ ວຽກງານອື່ນໆທີ່ປີນອ້ອມ.

ພ້ອມນີ້ກອງປະຊຸມຍັງໄດ້ຮັບຟັງການມີຄຳເຫັນຈາກທ່ານ ຄຳຫຼັກ ທອງສະຫວັນ ຫົວໝ້າ ພະແນກການເງິນແຂວງວຽງຈັນ ແລະ ພາກສ່ວນທີ່ກຽ່ວຂ້ອງ , ຜູ້ແທນກອງປະຊຸມຕາມລຳດັບ.

ໃນຕອນທ້າຍກອງປະຊຸມທ່ານ ເທບພະໄທ ແກ້ວເຂັມເພັດ ເຈົ້າເມືອງໆແກ້ວອຸດົມ ຍັງໄດ້ໂອ້ລົມ ແລະ ກ່າວປິດກອງປະຊຸມດັ່ງກ່າວອີກດ້ວຍ.

ຂ່າວ: ເມືອງແກ້ວອຸດົມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031