Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມເຜີຍແຜ່ກົດລະບຽບການ, ກົດໝາຍ ດ້ານການຄຸ້ມຄອງວຽກງານທາງດ້ານສິ່ງແວດລ້ອມ  ແລະ ກ່ຽວກັບການອອກອະນຸຍາດ ການເກັບຄ່າທໍານຽມ ແລະ ຄ່າບໍລິການ

1 min read

ກອງປະຊຸມເຜີຍແຜ່ກົດລະບຽບການ, ກົດໝາຍ ດ້ານການຄຸ້ມຄອງວຽກງານທາງດ້ານສິ່ງແວດລ້ອມ  ແລະ ກ່ຽວກັບການອອກອະນຸຍາດ ການເກັບຄ່າທໍານຽມ ແລະ ຄ່າບໍລິການ.


ກອງປະຊຸມດັ່ງກ່າວ ໄດ້ຈັດຂຶ້ນໃນວັນທີ 23 ກັນຍາ 2020 ນີ້, ຢູ່ທີ່ສະໂມສອນ ໃຫຍ່ເມືອງຊະນະຄາມ ແຂວງວຽງຈັນ,

ໂດຍໃຫ້ກຽດເຂົ້າຮ່ວມແມ່ນທ່ານ ສະໝານ ວິເສດຍະພົງສ໌ ເລຂາພັກເມືອງ ເຈົ້າເມືອງຊະນະຄາມ ແລະ ທ່ານ ບົວພັນ ສີວົງໄຊ ຮອງຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງວຽງຈັນ, ມີບັນດາພະແນກການທີ່ກ່ຽວຂ້ອງຂັ້ນແຂວງ, ຫ້ອງການທີ່ກ່ຽວຂ້ອງຂັ້ນເມືອງ, ບັນດາໂຄງການ ແລະ ຫົວໜ່ວຍທຸລະກິດຕ່າງໆພາຍໃນເມືອງ ເຂົ້າຮ່ວມທັງໝົດ 49 ທ່ານ, ຍິງ 14 ທ່ານ.


ເພື່ອຮັບປະກັນ ເຮັດໃຫ້ການດໍາເນີນທຸລະກິດຂອງບັນດາຜູ່ປະກອບການພາຍໃນເມືອງ ໄດ້ມີຄວາມຮັບຮູ້ ແລະ ເຂົ້າໃຈຕໍ່ກັບບັນດານິຕິກໍາຕ່າງໆ, ມີການເຄື່ອນໄຫວຢ່າງຖືກຕ້ອງຕາມຂັ້ນຕອນ,

ມີການປະສານສົມທົບຢ່າງສະໜິດແໜ້ນ ລະຫວ່າງພາກສ່ວນທຸລະກິດກັບພາກສ່ວນຄຸ້ມຄອງ, ມີຄວາມເປັນເອກະພາບໃນການກໍານົດແນວທາງການຈັດຕັ້ງປະຕິບັດ ສອດຄ່ອງກັບລະບຽບການ ແລະ ກົດໝາຍດ້ານການຄຸ້ມຄອງສິ່ງແວດລ້ອມ, ທັງເປັນການຊຸກຍູ້ການສ້າງຂະບວນການໃນການປຸກລະດົມການອອກອະນຸຍາດຂອງບັນດາພະແນກການ, ຫ້ອງການໃນການຂຸດຄົ້ນແຫຼ່ງລາຍຮັບງົບປະມານປະຈໍາປີ ດ້ານຄ່າທໍານຽມ ແລະ ຄ່າບໍລິການໃຫ້ມີປະສິດທິພາບ ແລະ ມີຜົນສໍາເລັດຕາມລະດັບຄາດໝາຍ.


ເຊິ່ງກອງປະຊຸມໃນຄັ້ງນີ້ ຜູ່ເຂົ້າຮ່ວມຈະໄດ້ຮັບຟັງ ການເຊື່ອມຊຶມກ່ຽວກັບຂະບວນການອອກອະນຸຍາດ ໃບຢັ້ງຢືນສິ່ງແວດລ້ອມຂັ້ນແຂວງຂອງໂຄງການ ແລະ ຂະບວນການຄຸ້ມຄອງວຽກງານສິ່ງແວດລ້ອມຂອງໂຄງການຂັ້ນແຂວງ; ນິຕິກໍາກ່ຽວກັບຂະບວນການອອກອະນຸຍາດໃບຢັ້ງຢືນສິ່ງແວດລ້ອມຂັ້ນເມືອງ ແລະ ການຄຸ້ມຄອງວຽກງານສິ່ງແວດລ້ອມຂອງຫົົວໜ່ວຍກິດຈະການຂັ້ນເມືອງ

ລະບຽບການ, ກົດໝາຍ, ນິຕິກໍາຂອງພະແນກແຜນການ ແລະ ການລົງທຶນ, ພະແນກອຸດສະຫະກໍາ ແລະ ການຄ້າ, ພະແນກກະສິກໍາ ແລະ ປ່າໄມ້, ພະແນກພະລັງງານ ແລະ ບໍ່ແຮ່; ລະບຽບການ, ກົດໝາຍ ແລະ ນິຕິກຳຂອງຂະແໜງຊັບພະຍາກອນນໍ້າ.


ໃນຕອນທ້າຍຂອງກອງປະຊຸມ ຍັງໄດ້ເປີດໂອກາດໃຫ້ບັນດາພະນັກງານ, ເຈົ້າຂອງໂຄງການ ແລະ ຜູ່ປະກອບການທຸລະກິດ-ກິດຈະການພາຍໃນເມືອງ ໄດ້ຂຶ້ນມີຄໍາຄິດຄໍາເຫັນແລກປ່ຽນຕໍ່ກອງປະຊຸມ, ເພື່ອພ້ອມກັນຄົ້ນຄວ້າປຶກສາຫາລື ແລະ ມີຄວາມເປັນເອກະພາບ, ສາມາດຖອດຖອນໄດ້ເນື້ອໃນຈິດໃຈຂອງກອງປະຊຸມໃນຄັ້ງນີ້ ເພື່ອນໍາໄປຈັດຕັ້ງປະຕິບັດເຂົ້າໃນການເຄື່ອນໄຫວວຽກງານຕົວຈິງໃຫ້ມີຄວາມຖືກຕ້ອງ.

ຂ່າວ: ເມືອງຊະນະຄາມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031