Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງແມດ ເລົ່າມູນເຊື້ອວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ​ຄົບ​ຮອບ 18 ປີ

1 min read

ວັນທີ່ 22 ກັນຍາ 2020 ຜ່ານມານີ້, ຢູ່ທີ່ສະໂມສອນໃຫຍ່ຂອງເມືອງແມດ ແຂວງວຽງຈັນ ໄດ້ມີພິທີປາຖະກະຖາເລົ່າມູນເຊື້ອວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວຄົບຮອບ 18 ປີ,

ໂດຍພາຍໃຕ້ການເປັນປະທານຂອງທ່ານ ບຸນຕຽງ ອິນຕະນາມ ຄະນະປະຈຳພັກເມືອງ ປະທານແນວລາວສ້າງຊາດເມືອງ, ທ່ານ ເຄນ ໄຕຄຳ ຮອງເລຂາພັກເມືອງ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ຮອງຫ້ອງການ, ພະນັກງານລັດຖະກອນ, ນາຍ ແລະ ພົນທະຫານ, ນາຍ ແລະ ພົນຕຳຫຼວດ, ຕະຫຼອດນ້ອງນ້ອຍຊາວໜຸ່ມນັກຮຽນເຂົ້າຮ່ວມທັງໝົດ 182 ຄົນ, ຍິງ 73 ຄົນ,

ໃນພິທີດັ່ງກ່າວທ່ານ ເຄນ ໄຕຄຳ ຮອງເລຂາພັກເມືອງ ກໍ່ໄດ້ຂື້ນປາຖະກະຖາເລົ່າເຖິງມູນເຊື້ອວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວຄົບຮອບ 18 ປີ ( 9 / 9 / 2002 – 9 / 9 / 2020 ) ເຊິ່ງໄດ້ຍົກໃຫ້ເຫັນຄວາມໝາຍ ຄວາມສຳຄັນຂອງນັກຮົບເກົ່າແຫ່ງຊາດລາວ, ສະຫະພັນນັກຮົບເກົ່າແຫ່ງຊາດລາວເປັນອົງການຈັດຕັ້ງທາງການເມືອງຂອງພັກ, ເຊິ່ງນອນຢູ່ໃນລະບົບການເມືອງຂອງແຫ່ງລະບອບໃໝ່ຂອງ ສປປ ລາວ, ຖືກສ້າງຕັ້ງຕາມພາລະບົດບາດ ແລະ ຄວາມຮຽກຮ້ອງຕ້ອງການຂອງສັງຄົມໃນໄລຍະໃໝ່,

ເພື່ອຄຸ້ມຄອງ, ດູແລເບິ່ງແຍງ, ສຶກສາອົບຮົມ ແລະ ເຕົ້າໂຮມຄວາມສາມັກຄີໃນຖັນແຖວພະນັກງານນັກຮົບເກົ່າທີ່ອອກພັກຜ່ອນ ແລະ ເປັນພົນລະເມືອງດີສ້າງເສດຖະກິດຄອບຄົວຕາມລະບຽບກົດໝາຍຂອງລັດວາງອອກ, ສະຫະພັນນັກຮົບມີຜູ້ທີ່ມີຄຸນງາມຄວາມດີຕໍ່ປະເທດຊາດຢ່າງລົ້ນເຫຼືອ,

ເປັນຜູ້ທີ່ໄດ້ເສຍສະຫຼະເລືອດເນື້ອເຫື່ອໄຄເພື່ອແລກເອົາຄວາມເປັນເອກະລາດ ແລະ ນຳເອົາຄວາມສົມບູນພູນສຸກມາສູ່ປະຊາຊົນລາວບັນດາເຜົ່າຄືດັ່ງທຸກວັນນີ້, ເງື່ອນໄຂທີ່ພາພາໃຫ້ເກີດມີສະຫະພັນນັກຮົບເກົ່າແຫ່ງຊາດລາວຄື: ສືບທອດມູນເຊື້ອການຕໍ່ສູ້ບໍ່ຍອມຈຳນົນຂອງບັນພະບູລຸດລາວຜູ້ອາດຫານໂດຍພາຍໃຕ້ການນຳພາຂອງບັນດານັກວິລະບູລຸດຜູ້ເກັ່ງກ້າທັງຫຼາຍ ແລະ ພ້ອມທັງຍົກໃຫ້ເຫັນມູນເຊື້ອການຕໍ່ສູ້ກູ້ຊາດຕ້ານລ່າເມືອງຂື້ນຝຣັ່ງພາຍໃຕ້ນຳພາຂອງພັກ,

ການຕໍ່ສູ້ຕ້ານຈັກກະພັດອາເມລິກາຜູ້ຮຸກຮານ, ມູນເຊື້ອ ແລະ ຜົນງານອັນໃຫຍ່ຫຼວງຂອງນັກຮົບປະຕິວັດທີ່ໄດ້ປະກອບສ່ວນເຮັດໃຫ້ຊາດລາວຂອງພວກເຮົາໄດ້ຮັບຄວາມເປັນເອກະລາດ, ພາລະບົດບາດ ແລະ ໜ້າທີ່ຂອງສະຫະພັນນັກຮົບເກົ່າແຫ່ງຊາດລາວ,ມີພາລະບົດບາດເປັນໃຈກາງໃຫ້ແກ່ຖັນແຖວນັກຮົບເກົ່າກ່ຽວກັບການພົວພັນລະຫວ່າງສາຍຕັ້ງ ແລະ ສາຍຂວາງ, ພົວພັນລະຫວ່າງຂັ້ນລຸ່ມ,ຂັ້ນເທິງ, ເພື່ອປັບປຸງການຈັດຕັ້ງວາງແນວທາງນະໂຍບາຍຕ່າງໆ ແລະ ຂໍ້ກຳນົດກົດລະບຽບ, ກົດໝາຍຂອງນັກຮົບເກົ່າເພື່ອໃຫ້ສອດຄ່ອງກັບແນວທາງນະໂຍບາຍຂອງພັກໃນແຕ່ລະໄລຍະຢ່າງກົມກຽວ,

ສະຫະພັນນັກຮົບເກົ່າແຫ່ງຊາດລາວມີໜ້າທີ່ສຶກສາອົບຮົມການເມືອງນພາແນວຄິດໃຫ້ແກ່ຖັນແຖວນັກຮົບເກົ່າທົ່ວປະເທດ, ເຕົ້າໂຮມຄວາມສາມັກຄີໃຫ້ເປັນປຶກແຜ່ນ, ເປັນພື້ນຖານຄວາມສາມັກຄີປອງດອງພາຍໃຕ້ການນຳພາຂອງຄະນະພັກແຕ່ລະຂັ້ນເພື່ອໃຫ້ທຸກຄົນສືບຕໍ່ຍົກສູງນ້ຳໃຈຮັກຊາດ, ຮັກລະບອບໃໝ່ ແລະ ຍຶດໝັ້ນອຸດົມການສັງຄົມນິຍົມ, ປະກອບສ່ວນຢ່າງຕັ້ງໜ້າເຂົ້າໃນການກໍ່ສ້າງພັກ, ສ້າງລັດ ແລະ ພັດທະນາເສດຖະກິດສັງຄົມໃນແຕ່ລະໄລຍະ, ຕັ້ງໜ້າປັບປຸງອົງການຈັດຕັ້ງພັກ, ອົງການຈັດຕັ້ງມະຫາຊົນ ແລະ ການຈັດຕັ້ງຄຸ້ມຄອງຂອງນັກຮົບເກົ່າແຕ່ລະຂັ້ນໃຫ້ເຕີບໃຫຍ່ເຂັມແຂງຮອບດ້ານ, ລວມທັງດ້ານການເມືອງແນວຄິດ ແລະການຈັດຕັ້ງ,

ປກລະດົມຂະບວນການຮັກຊາດ ແລະສ້າງບ້ານພັດທະນາຕິດພັນກັບຂະບວນການແຂ່ງຂັນສ້າງບຸກຄົນ ແລະ ອົງການນັກຮົບເກົ່າ 3 ດີ 6 ຮັກສາ ແລະ ປົກປັກຮັກສາມູນເຊື້ອນັກຮົບເກົ່າໄວ້ຢູ່ຄຽງຄູ່ກັບການປະຕິວັດເທົ້ານານແສນນານ, ຫຼັງຈາກນັ້ນທ່ານ ບຸນຕຽງ ອິນຕະນາມ ຄະນະປະຈຳພັກເມືອງປະທານແນວລາວສ້າງຊາດເມືອງກໍ່ໄດ້ຂື້ນຜ່ານຂໍ້ຕົກລົງ ສະບັບເລກທີ່ 01/ ຄປຈ ວ່າດ້ວຍ: ການພົວພັນລະຫວ່າງຄະນະປະຈຳສະພາແຫ່ງຊາດກັບຄະນະປະຈຳສູນກາງແນວລາວສ້າງຊາດ, ຂໍ້ຕົກລົງເລກທີ 227 / ສນຊ, ຄປຈ ວ່າດ້ວຍລະບຽບການຄົ້ນຄ້ວາຄຳຮ້ອງຟ້ອງ, ຮ້ອງທຸກ, ຄຳສະເໜີ ແລະ ຄຳຮ້ອງຂໍຄວາມເປັນທຳ ແລະ ຜ່ານຄຳແນະນຳຂອງສູນກາງແນວລາວສ້າງຊາດ,

ສະບັບເລກທີ່ 11 / ສນຊ, ຄປຈ ລົງວັນທີ 8 ກໍລະກົດ 2020 ກ່ຽວກັບການຈັດຕັ້ງປະຕິບັດວຽກງານຕິດຕາມກວດກາຂອງແນວລາວສ້າງຊາດ, ຈຸດປະສົງ-ຄາດໝາຍ ແລະ ຄວາມສຳຄັນຂອງວຽກງານຕິດຕາມກວດກາ, ເຊິ່ງໄດ້ອະທິບາຍຊີ້ແຈງກ່ຽວກັບຄວາມໝາຍ, ເປົ້າໝາຍ, ເນື້ອໃນ, ຮູບການ ແລະ ວິທີການຈັດຕັ້ງປະຕິບັດວຽກງານຕິດຕາມກວດກາຂອງແນວລາວສ້າງຊາດ, ເພື່ອແນໃສ່ສ້າງຄວາມຮັບຮູ້ ແລະ ຄວາມເຂົ້າໃຈໃຫ້ພະນັກງານ-ລັດຖະກອນຮູ້ເຮັດວຽກກວດກາຂອງແນວລາວສ້າງຊາດແຕ່ລະຂັ້ນເປັນເອກະພາບໃນທົ່ວປະເທດ,

ເຄື່ອນໄຫວວຽກງານຕິດຕາມກວດກາຕາມພາລະບົດບາດ, ສິດ ແລະ ໜ້າທີ່ຂອງຕົນໃຫ້ມີປະສິດທິພບສູງ, ຄຽງຄູ່ກັນນັ້ນຍັງເຫັນຄວາມສຳຄັນຂອງວຽກງານຕິດຕາມກວດກາ, ເຊິ່ງເປັນວຽກງານໜຶ່ງທີ່ສອດຫ້ອຍໃນທຸກຂົງເຂດວຽກງານ, ເປັນວຽກທີ່ເຮັດເປັນປົກກະຕິ ແລະ ຂາດບໍ່ໄດ້ສຳລັບການນຳພາຂອງພັກ ແລະ ການຄຸມຄອງຂອງລັດ, ວຽກງານກວດກາພັກ-ກວດກາລັດແມ່ນພາຫະນະອັນສັກສິດເພື່ອຊຸກຍູ້ການພັດທະນາເສດຖະກິດ-ສັງຄົມ ໃຫ້ມີຄວາມຈະເລີນເຕີບໂຕ, ສັງຄົມມີຄວາມສະຫງົບ, ເປັນລະບຽບຮຽບຮ້ອຍ, ປະເທດຊາດມີຄວາມຈະເລີນຜາສຸກ, ມັ່ງຄັ້ງ, ເຂັ້ມແຂງ,ສີວິໄລແລະ ຍຸຕິທຳ

ຂ່າວ:ເມືອງແມດ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031