Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມເຜີຍແຜ່ກົດໝາຍປ່າໄມ້ ແລະ ກົດໝາຍສັດນ້ຳ-ສັດປ່າ

1 min read

ກອງປະຊຸມເຜີຍແຜ່ກົດໝາຍປ່າໄມ້ ແລະ ກົດໝາຍສັດນ້ຳ-ສັດປ່າ.


ວັນທີ 23 ກັນຍາ 2020 ນີ້ ຫ້ອງການກະສິກຳ-ປ່າໄມ້ເມືອງໝື່ນ ໃດ້ຈັດກອງປະຊຸມເຜີຍແຜ່ກົດໝາຍປ່າໄມ້ ແລະ ກົດໝາຍສັດນ້ຳ-ສັດປ່າ ຂື້ນຢູ່ທີ່ສະໂມສອນຫ້ອງວ່າການປົກຄອງເມືອງ,

ໃຫ້ກຽດເຂົ້າຮ່ວມເປັນປະທານໂດຍ ທ່ານ ອົງອາດ ໄຊຍະແສນ ຫົວໜ້າກອງກວດກາ ປ່າໄມ້ແຂວງວຽງຈັນ, ມີທ່ານ ບົວແກ້ວ ພອນໄຊສະຫວັດ ກຳມະການພັກເມືອງ ຮອງເຈົ້າເມືອງ-ເມືອງໝື່ນ, ມີ ທ່ານ ລັດຖະພອນ ວົງພະຈັນ ກຳມະການພັກເມືອງ ຫົວໜ້າການກະສິກຳ-ປ່າໄມ້ເມືອງ, ມີຫົວໜ້າຫ້ອງການ, ຄະນະກຸ່ມບ້ານ ແລະ ນາຍບ້ານເຂົ້າຮ່ວມ.
ໃນພິທີ ທ່ານ ບົວແກ້ວ ພອນໄຊສະຫວັດ ກໍາມະການພັກເມືອງ ຮອງເຈົ້າເມືອງ-ເມືອງໝື່ນ ໃຫ້ກຽດຂື້ນກ່າວເປີດກອງປະຊຸມຢ່າງເປັນທາງການ

ຈາກນັ້ນທ່ານ ອົງອາດ ໄຊຍະແສນ ຫົວໜ້າກອງກວດກາປ່າໄມ້ແຂວງ ກໍ່ໄດ້ຂື້ນຜ່ານເອກະສານຕ່າງໆຂອງ ນະໂຍບາຍຂອງພັກ-ລັດກ່ຽວກັບການຄູ້ມຄອງກວດກາ ແລະ ພັດທະນາປ່າໄມ,ສັດນ້ຳ-ສັດປ່າ ປະຫວັດຄວາມເປັນມາກ່ຽວກັບກົດໝາຍປ່າໄມ້ແລະສັດນ້ຳ-ສັດປ່າ ນະໂຍບາຍແຕ່ປີ 1970 ເຖິງປີ 1996 ຈື່ງມີກົດໝາຍວ່າດ້ວຍປ່າໄມ້ ແລະ ພັດທະນາ ມາເຖິງ ປີ2007 ຈື່ງມີກົດໝາຍວ່າດ້ວຍປ່າໄມ້ (ສະບັບປັບປຸງ) ແລະ ແຍກກົດໝາຍວ່າດ້ວຍສັດນໍ້າ-ສັດປ່າ, ເລກທີ 07/ສພຊ ທັນວາ 2007 ລວມມີທັງໜົດ 9 ພາກ, 74 ມາດຕາ, ຈົນມາຮອດປີ 2019 ກົດໝາຍວ່າດ້ວຍປ່າໄມ້ ຈື່ງໄດ້ປັບປຸງ ມາເປັນສະບັບເລກທີ 64/ສພຊ,ວັນທີ່ 13 ມີຖຸນາ 2019 ລວມມີທັງໜົດ ມີ 15ພາກ, 175ມາດຕາ ຈົນຮອດປະຈຸບັນນີ້,

ຜ່ານເອກະສານມາດຕາຂອງກົດໝາຍວ່າດ້ວຍປ່າໄມ້, ວ່າດ້ວຍສັດນ້ຳ-ສັດປ່າ ກ່ຽວຂ້ອງກັບ ຄູ້ມຄອງ, ປົກປັກຮັກສາ, ພັດທະນາ ແລະ ທຸລະກິດກ່ຽວປ່າໄມ້,ສັດນ້ຳ-ສັດປ່າ, ເອກະສານກົດໝາຍວ່າດ້ວຍປ່າໄມ້ ແລະ ກົດໜາຍວ່າດ້ວຍ ສັດນໍ້າ-ສັດປ່າ ກ່ຽວກັບການກວດກາ ແລະ ການດໍາເນີນຄະດີ ຊັບພະຍາກອນປ່າໄມ້ ແລະ ສັດນ້ຳ-ສັດປ່າ, ຈາກນັ້ນກອງປະຊຸມກໍ່ໄດ້ເປີດໂອກາດໃຫ້ນັກສໍາມະນາກອນຜູ້ເຂົ້າຮ່ວມ ກອງປະຊູມໄດ້ສະເໜີ ບັນຫາຂໍ້ຂ້ອງໃຈ ແລະ ຕັ້ງຄຳຖາມເຈາະຈີ້ມ ສົນທະນາກັນ ຢ່າງເປັນຂະບວນການຟົດຟື້ນ ແລະ ຕອບຄຳຖາມຢ່າງກົງໄປກົງມາ.


ທ້າຍກອງປະຊຸມກໍ່ໃດ້ຮັບຟັງການໂອ້ລົມຂອງ ທ່ານ ບົວແກ້ວ ພອນໄຊສະຫວັດ ກໍາມະການພັກເມືອງ ຮອງເຈົ້າເມືອງ-ເມືອງໝື່ນ ເຊີ່ງທ່ານໃດ້ເນັ້ນໜັກໃຫ້ທຸກຄົນຈົ່ງປະຕິບັດກົດໝາຍວ່າດ້ວຍປ່າໄມ້(ສະບັບປັບປຸງ) ແລະ ກົດໝາຍວ່າດ້ວຍສັດນໍາ້-ສັດປ່າ, ມີສະຕິໃນການທຳມາຫາກິນ,

ພ້ອມທັງໃຫ້ພາກສ່ວນທີ່ກ່ຽວຂ້ອງ ຈົ່ງເອົາໃຈໃສ່ຈັດຕັ້ງປະຕິບັດ ກົດໝາຍປ່າໄມ້ ແລະ ສັດນໍ້າ-ສັດປ່າຢ່າງເຂັ້ມງວດ ເພື່ອຫັນໄປສູ່ການຄູ້ມຄອງສັງຄົມດ້ວຍລະບຽບກົດໝາຍ, ມອບໃຫ້ຫົວໜ້າກູ່ມບ້ານພັດທະນາ, ນາຍບ້ານ ນໍາເອົາກົດໝາຍປ່າໄມ້ ແລະ ສັດນໍ້າ-ສັດປ່າ ໄປຜັນຂະຫຍາຍຢູ່ຂັ້ນບ້ານ ໃຫ້ພໍ່ແມ່ປະຊາຊົນເຂົ້າໃຈ ເຊື່ອມຊືມຢ່າງທົ່ວເຖິງ ແລະ ໃຫ້ມີປະສິດທິຜົນດີຂື້ນ.

ຂ່າວ: ເມືອງໝື່ນ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031