Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຫ້ອງການສຶກສາທິການ ແລະ ກິລາ 2 ເມືອງແຂວງວຽງຈັນຈັດການ ແຂ່ງຂັນກິລາມິດຕະພາບ

1 min read

ໃນຕອນແລງຂອງວັນທີ 3 ມັງກອນ 2020 ນີ້, ຢູ່ທີ່ເດີ່ນກິລາຂອງເມືອງຊະນະຄາມ ແຂວງວຽງຈັນ ໄດ້ຈັດການແຂ່ງຂັນກິລາມິດຕະພາບລະຫວ່າງທີມນັກກິລາຂອງຫ້ອງການສຶກສາທິການ ແລະ ກິລາເມືອງກາສີ ກັບ ທີມນັກກິລາຂອງຫ້ອງການສຶກສາທິການ ແລະ ກິລາເມືອງຊະນະຄາມ ຂຶ້ນຢ່າງເປັນທາງການ, ເຊີ່ງທີມນັກກິລາ ແລະ ພະນັກງານພາຍໃນຫ້ອງການຂອງຝ່າຍຫ້ອງການສຶກສາ ແລະ ກິລາເມືອງກາສີແມ່ນນໍາພາໂດຍການທ່ານ ອ.ຈ ລາຢູ ແສນໃຈວຸດ ຫົວໜ້າຫ້ອງການສຶກສາທິການ ແລະ ກິລາເມືອງກາສີ ພ້ອມດ້ວນຄະນະ ແລະ ໄດ້ຮັບການຕ້ອນຮັບຢ່າງອົບອຸ່ນໂດຍທ່ານ ແກ້ວ ພິມມະວົງ ຮອງເຈົ້າເມືອງໆຊະນະຄາມ, ທ່ານ ຈັບ ຊະນະເລີດ ຫົວໜ້າຫ້ອງການສຶກສາ ແລະ ກິລາເມືອງຊະນະຄາມ ພ້ອມດ້ວຍຄະນະ, ມີພະນັກງານພາຍໃນຫ້ອງການ, ຄູ – ອາຈານ, ແຂກຖືກເຊີນ ໃຫ້ການຕ້ອນຮັບພ້ອມດ້ວຍຜູ້ຊົມຜູ້ເຊຍການແຂ່ງຂັນເຂົ້າຮ່ວມຢ່າງຫຼວງຫຼາຍ.

ການແຂ່ງຂັນກິລາຄັ້ງນີ້ແມ່ນໄດ້ແຂ່ງຂັນຢູ່ 2 ປະເພດກິລາຄື: ກິລາບານເຕະຊາຍ ແລະ ກິລາເປ່ຕັງຍິງ – ຊາຍ ຜົນການແຂ່ງຂັນທັງ 2 ປະເພດກິລາປາກົດວ່າ: ທີມນັກກິລາບານເຕະຊາຍຈາກຫ້ອງການສຶກສາທິການ ແລະ ກິລາເມືອງກາສີ ເອົາຊະນະທີມນັກກິລາບານເຕະຈາກຫ້ອງການສຶກສາທິການ ແລະ ກິລາເມືອງຊະນະຄາມ 4 1 ປະຕູ, ສ່ວນກິລາເປ່ຕັງຊາຍ ທີມທີ່ຊະນະໄດ້ແກ່ທີມນັກກິລາເປ່ຕັງຊາຍຈາກຫ້ອງການສຶກສາທິການ ແລະ ກິລາເມືອງກາສີ ແລະ ກິລາເປຕັງຍິງທີມທີ່ຊະນະໄດ້ແກ່ທີມນັກກິລາເປຕັງຈາກຫ້ອງການສຶກສາທິການ ແລະ ກິລາເມືອງຊະນະຄາມ ການແຂ່ງຂັນກິລາແມ່ນເຕັມໄປດ້ວຍບັນຍາກາດອັນຄຶກຄື້ນ.

ພາຍຫລັງສຳເລັດການແຂ່ງຂັນກິລາແລ້ວກໍ່ໄດ້ມີການຮ່ວມພາເຂົ້າສາມັກຄີ ແລະ ຍັງໄດ້ມີການມອບລາງວັນໃຫ້ແກ່ທີມນັກກິລາທີ່ຊະນະເລີດ, ໃຫ້ກຽດຂຶ້ນມອບລາງວັນດັ່ງກ່າວໂດຍແມ່ນທ່ານ ແກ້ວ ພິມມະວົງ ຮອງເຈົ້າເມືອງໆຊະນະຄາມ ພ້ອມນັ້ນຫົວໜ້າຫ້ອງການສຶກສາທິການ ແລະ ກິລາທັງ 2 ເມືອງກໍ່ໄດ້ຂຶ້ນມີຄໍາເຫັນພ້ອມທັງກ່າວສະແດງຄວາມຂອບອົກຂອບໃຈເຊີ່ງກັນ ແລະ ກັນ ເຊີ່ງເຮັດໃຫ້ບັນຍາກາດເຕັມໄປດ້ວຍໄມຕີຈິດມິດຕະພາບຄວາມສາມັກແຫນ້ນແຟ້ນລະຫວ່າງ 2 ເມືອງ ແລະ ມີຄວາມເບີກບານມ່ວນຊື່ນ.

ຂ່າວ: ນາງ ດາລັກ

ເມືອງກາສີ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed