Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງວັງວຽງ ປະຖະກະຖາ ວັນສ້າງຕັ້ງ ສະຫະພັນ ນັກຮົບເກົ່າແຫ່ງຊາດລາວຄົບຮອບ 18 ປີ (09/09/2002-09/09/2020

1 min read

ເມືອງວັງວຽງ ປະຖະກະຖາ ວັນສ້າງຕັ້ງ ສະຫະພັນ ນັກຮົບເກົ່າແຫ່ງຊາດລາວຄົບຮອບ 18 ປີ (09/09/2002-09/09/2020)

ໃນຕອນເຊົ້າ ວັນທີ 24 ກັນຍາ 2020 ນີ້ ຢູ່ທີ່ສະໂມສອນ ເມືອງວັງວຽງ ແຂວງວຽງຈັນ ໄດ້ຈັດພິທີປະຖະກະຖາ ວັນສ້າງຕັ້ງສະຫະພັນນັກຮົບເກົ່າ ແຫ່ງຊາດລາວ ຄົບຮອບ 18 ປີ ( 09/09/2002 – 09/09/2020 )

ໂດຍການເຂົ້າຮ່ວມ ແລະ ໃຫ້ກຽດປະຖະຖາຂອງ ທ່ານ ສຸວຽງທອງ ວົງຈຳປາ ຮອງເລຂາພັກເມືອງ, ມີບັນດາທ່ານຄະນະປະຈຳພັກ, ກຳມະການພັກເມືອງ, ທ່ານຫົວໜ້າຫ້ອງການ, ພະນັກງານອາວຸໂສ-ບຳນານ, ສະມາຊິກພັກ-ພະນັກງານລັດຖະກອນເຂົ້າຮ່ວມທັງໝົດ 129 ຄົນ,
ຍິງ 15 ຄົນ.


ໃນພິທີ ທ່ານ ສຸວຽງທອງ ວົງຈຳປາ ຮອງເລຂາພັກເມືອງ ກໍ່ໃຫ້ກຽດຂື້ນເຜີຍແຜ່ເອກະສານປາຖະກະຖາ 18 ປີ ແຫ່ງການສ້າງຕັ້ງ, ພັດທະນາ ແລະ ເຕີບໃຫຍ່ຂະຫຍາຍຕົວຂອງ ສະຫະພັນນັກຮົບເກົ່າແຫ່ງຊາດລາວ (ສນລ) ຊຶ່ງມີເນື້ອໃນບາງຕອນວ່າ: ວັນທີ 9 ກັນຍາ 2002 ແມ່ນວັນສ້າງຕັ້ງ ສະຫະພັນນັກຮົບເກົ່າ ແຫ່ງຊາດລາວ, ເປັນວັນປະຫວັດສາດສຳຄັນຂອງຊາດຂອງພັກ ແລະ ຂອງນັກຮົບເກົ່າແຫ່ງຊາດລາວ,

ບົນເສັ້ນທາງແຫ່ງການ ສ້າງຕັ້ງ, ສູ້ຮົບມີໄຊ ແລະ ເຕີບໃຫຍ່ຂະຫຍາຍຕົວ, ນັກຮົບເກົ່າພວກເຮົາໄດ້ຜ່ານຜ່າຄວາມຫຍຸ້ງຍາກ, ເສຍສະຫຼະນາໆປະການ, ຕໍ່ສູ້ເພື່ອຊາດ, ເພື່ອປະຊາຊົນ, ຕີຊະ ນະສັດຕູທີ່ໃຫຍ່ໂຕ, ເຂັ້ມແຂງກວ່າພວກເຮົາບໍ່ຈັກເທົ່າໃດທົບ, ສາມາດປົດປ່ອຍປະເທດຊາດ ແລ້ວສືບຕໍ່ປົກປັກຮັກສາ ແລະ ສ້າງສາປະເທດຊາດ ທີ່ສົມຊື່ວ່າ: ນັກຮົບວິລະຊົນຂອງຊາດລາວ,

ວິລະຊົນຄົນລາວພິລະອາດຫານ ແລະ ທັງແມ່ນວັນກຳເນີດເກີດຂຶ້ນຂອງອົງການຈັດຕັ້ງມະຫາຊົນຂອງພັກຕື່ມອີກອົງການໜຶ່ງ ແລະ ທັງເປັນວັນປະຫວັດສາດທີ່ມີຄວາມໝາຍສຳຄັນສຳລັບຖັນ ແຖວນັກຮົບປະຕິວັດ-ນັກຮົບເກົ່າໃນປັດຈຸບັນ, ພະນັກງານ,

ສະມາຊິກພັກຜູ້ສືບທອດ ກໍຄືຄົນຮຸ່ນໜຸ່ມ ທີ່ຈະໄດ້ພ້ອມກັນຫວນຄືນມູນເຊື້ອ ແລະ ຈາລືກຄຸນງາມຄວາມ ດີຂອງຄົນຮຸ່ນພໍ່ແມ່, ລຸງປ້າ, ອາວອາ, ຂອງພວກເຮົາທີ່ມີຕໍ່ປະເທດຊາດ, ຕໍ່ປະຊາຊົນລາວບັນດາເຜົ່າ.

ຂ່າວ:ເມືອງວັງວຽງ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031