Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຫ້ອງການ-ການເງີນ ເມືອງກາສີ ເຜີຍແຜ່ນິຕິກຳກ່ຽວກັບການນຳໄຊ້ລະບົບທັນສະໄໝ(TaxRis)ເຂົ້າໃນການຄຸ້ມຄອງລາຍຮັບງົບປະມານແຫ່ງລັດ

1 min read

ຫ້ອງການ-ການເງີນ ເມືອງກາສີ ເຜີຍແຜ່ນິຕິກຳກ່ຽວກັບການນຳໄຊ້ລະບົບທັນສະໄໝ(TaxRis)ເຂົ້າໃນການຄຸ້ມຄອງລາຍຮັບງົບປະມານແຫ່ງລັດ.


ໃນວັນທີ 24 ກັນຍາ 2020ນີ້ ຫ້ອງການ – ການເງີນເມືອງກາສີ ແຂວງວຽງຈັນ ໄດ້ຈັດກອງປະຊຸມເຜີຍແຜ່ການຈັດຕັ້ງຜັນຂະຫຍາຍການນຳໄຊ້ລະບົບທັນສະໄໝ ( TaxRis ) ເຂົ້າໃນການຄຸ້ມຄອງລາຍຮັບງົບປະມານແຫ່ງລັດ. ກອງປະຊຸດັ່ງກ່າວ ໄດ້ຈັດຂື້ນຢູ່ທີ່ສະໂມສອນຂອງເມືອງກາສີ.

ໂດຍການເປັນກຽດເຂົ້າຮ່ວມຂອງທ່ານ ສີທົນ ແສງພະຈັນ ເລຂາພັກເມືອງ ເຈົ້າເມືອງໆກາສີ , ມີທ່ານ ຄຳເຫຼັກ ທອງສະຫວັນ ຫົວໝ້າພະແນກການເງິນແຂວງວຽງຈັນ, ມີຄະນະປະຈຳພັກເມືອງ, ກຳມະການພັກເມືອງ, ຫົວໝ້າ, ຮອງຫົວໝ້າຫ້ອງການ, ພະນັກງານທີ່ກຽ່ວຂອ້ງຂອງແຂວງ ຂອງເມືອງ, ນາຍບ້ານ ພ້ອມດ້ວຍ ນັກທຸລະກິດ ພໍ່ຄ້າຊາວຂາຍ ພາຍໃນເມືອງເຂົ້າຮ່ວມທັງໝົດ ຈຳນວນ 110 ທ່ານ.

ໃນໂອກາດດັ່ງກ່າວ ທ່ານ ສີເມືອງ ພົມມະຈັນ ຮັກສາການ ຫົວໜ້າຫ້ອງການ-ການເງີນເມືອງກາສີ ກໍໄດ້ຂື້ນຜ່ານຂໍ້ຕົກລົງຂອງທ່ານເຈົ້າເມືອງໆກາສີ ສະບັບເລກທີ 266/ຈມກສ, ວ່າດ້ວຍ: ການແຕ່ງຕັ້ງຄະນະກຳມະການຈັດຕັ້ງຜັນຂະຫຍາຍເອົາຫົວໜ່ວຍທຸລະກິດ ເຂົ້າສູ່ລະບົບທັນສະໄໝ ໃນການຄຸ້ມຄອງງົບປະມານແຫ່ງລັດ ພາຍໃນເມືອງກາສີ. ຫຼັງຈາກນັ້ນ ທ່ານ ສີທົນ ແສງພະຈັນ ເຈົ້າເມືອງໆກາສີ ກໍໄດ້ໃຫ້ກຽດຂື້ນກ່າວເປີດກອງປະຊຸມ.

ພ້ອມນັ້ນ ທ່ານ ຂັນທອງ ພະລະຄອນ ຫົວໜ້າສ່ວຍສາອາກອນ ແຂວງວຽງຈັນ ໄດ້ຂື້ນຜ່ານເນື້ອໃນເອກະສານບາງນິຕິກຳ ແລະ ມີຄຳເຫັນຕໍ່ກັບການຫັນວຽກງານສ່ວນສາອາກອນ ໃຫ້ເຂົ້າສູ່ລະບົບທັນສະໄໝ (TaxRis) ເຊີ່ງໃນໄລຍະຜ່ານມາຂະແໜງສ່ວຍສາອາກອນ ແມ່ນໄດ້ຮັບການພັດທະນາໃຫ້ມີຄວາມເຂັ້ມແຂງ ເພື່ອຮັບປະກັນໃຫ້ແກ່ວຽກງານຈັດເກັບລາຍຮັບສ່ວຍສາອາກອນ ໃຫ້ມີປະສິດທິຜົນ ແລະ ສາມາດຄຸ້ມຄອງ ຕິດຕາມ-ກວດກາໄດ້ຢ່າງຕໍ່ເນື່ອງ, ມີຄວາມສະດວກ, ວ່ອງໄວ, ໂປ່ງໃສ ແລະ ຖືກຕ້ອງຕາມລະບຽບກົດໝາຍ,

ລຸດຜ່ອນຫ່າງສຽງຈົ່ມວ່າຂອງສັງຄົມ ຕໍ່ກັບເຈົ້າໝ້າທີ່ສ່ວຍສາອາກອນ ດັ່ງນັ້ນກະຊວງການເງິນ (ກົມສ່ວຍສາອາກອນ) ຈີ່ງໄດ້ລົງທຶນຢ່າງມະຫາສານໃນການຕິດຕັ້ງ ແລະ ນຳໄຊ້ລະບົບ (lT) ເຄື່ອງມືທີ່ທັນສະໄໝ ເຂົ້າໃນການຄຸ້ມຄອງລາຍຮັບງົບປະມານແຫ່ງລັດ ດ້ວຍການນຳໄຊ້ລະບົບ (TaxRis) ຜ່ານມາແມ່ນໄດ້ໄຊ້ລະບົບ (TMlS) ເລີ່ມມາແຕ່ປີ 2016 ມາຮອດ 2018 ຈີ່ງປຽ່ນມານຳໄຊ້ລະບົບ (TaxRis) ທີ່ທັນສະໄໝກ່ວາເກົ່າ, ປີ 2019 ໄດ້ຂະຫຍາຍໄປເມືອງວັງວຽງ ແລະ ປີ 2020 ແມ່ນຈະໄດ້ຂະຫຍາຍຕື່ມອີກ 4 ເມືອງຄື: ເມືອງທຸລະຄົມ, ແກ້ວອຸດົມ, ໂພນໂຮງ ແລະ ເມືອງກາສີ.

ພ້ອມນີ້ ກອງປະຊຸມຍັງໄດ້ຮັບຟັງການມີຄຳເຫັນຈາກພາກສ່ວນທີ່ກ່ຽວຂ້ອງເປັນຕົ້ນແມ່ນ ສ່ວຍສາອາກອນແຂວງ,ອຸດສາຫະກຳ ແລະ ການຄ້າແຂວງ, ຄັງເງິນແຫາງຊາດ ປະຈຳແຂວງວຽງຈັນ, ທະນາຄານ ທຄຕລ ແລະ ບັນດານັກທຸລະກິດ ຜູ້ປະກອບການ. ຫຼັງຈາກນັ້ນ ທ່ານ ຄຳເຫຼັກ ທອງສະຫວັນ ຫົວໝ້າພະແນກການເງິນແຂວງວຽງຈັນ ກໍໄດ້ມີຄຳເຫັນ ເຊີ່ງທ່ານໄດ້ເນັ້ນບາງບັນຫາທີ່ສຳຄັນວ່າ: ຕໍ່ກັບພະນັກງານລັດ

ໂດຍສະເພາະແມ່ນ ຂະແໜງສ່ວຍສາອາກອນ ແລະ ຂະແໜງອຸດສາຫະກຳ ແລະ ການຄ້າ ຕ້ອງໄດ້ກວດຄືນເບີ່ງບັນດານິຕິກຳຂອງຕົນ ທີ່ໄດ້ອອກອະນຸຍາດໃຫ້ບັນດາຫົວໜ່ວຍທຸລະກິດ ໄປແລ້ວນັ້ນວ່າຖືກຕ້ອງຄົບຖ້ວນແລ້ວບໍ່ ທັງສອງຂະແໜງການນີ້ຕ້ອງໃຫ້ຖືກຕ້ອງສອດຄ່ອງ ເປັນຕົວເລກອັນດຽວກັນ.

ຕໍ່ກັບນັກທຸລະກິດກໍໃຫ້ກວດຄືນເບີ່ງ ເອກະສານໃນການດຳເນີນທຸລະກິດຂອງຕົນວ່າໄດ້ອອກອະນຸຍາດຄົບຖ້ວນ ຖືກຕ້ອງຕາມລະບຽບ ຫຼັກການ ທີ່ຂັ້ນເທີງວາງອອກແລ້ວບໍ່ ແລະ ພາຍຫຼັງທີ່ສຳເລັດກອງປະຊຸມໃນຄັ້ງນີ້ແລ້ວ ກໍຈະໄດ້ມີການຝຶກອົບຮົມໃຫ້ແກ່ພະນັກງານທີ່ກ່ຽວຂ້ອງຂອງເມືອງ. ຄຽງຄູ່ກັນນັ້ນ ຄະນະກຳມະການຈັດຕັ້ງຜັນຂະຫຍາຍເອົາຫົວໜ່ວຍທຸລະກິດ ເຂົ້າສູ່ລະບົບທັນສະໄໝ ໃນການຄຸ້ມຄອງງົບປະມານແຫ່ງລັດ ຂອງເມືອງກາສີ ກໍໃຫ້ຮີບຮ້ອນປະສານ ສົມທົບກັນລົງຕິດຕາມ ກວດກາ ເກັບກຳຂໍ້ມູນ ປະເມີນບັນດາຫົວໜ່ວຍທຸລະກິດຕ່າງໆ ຢູ່ພາຍໃນ ເມືອງໃຫ້ສຳເລັດພາຍໃນປີ 2020 ເພື່ອໃຫ້ເປັນຖານຂໍ້ມູນໃນການເກັບລາຍຮັບແບບທັນສະໄໝ ເຊີ່ງຈະເລີ່ມນຳໃຊ້ໃນປີ 2021.

ໃນໂອກາດນີ້ ທາງຄະນະພະແນກການເງີນແຂວງ ຍັງໄດ້ມອບເຄື່ອງກິລາ ຈຳນວນ 40 ຊຸດ ມູນຄ່າ 2 ລ້ານກວ່າກີບ ໃຫ້ແກ່ ການນໍາເມືອງກາສີ ແລະ ພະນັກງານຫ້ອງການ-ການເງີນເມືອງ ພ້ອມທັງສ້າງຂະບວນການແຂ່ງຂັນກິລາບານເຕະຮ່ວມກັນ.

ຂ່າວ: ເມືອງກາສີ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031