Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງກາສີຈັດກອງປະຊຸມທາບທາມຮ່າງກົດລະບຽບຂອງພັກສະໄໝທີ່ XI

1 min read

ໃນວັນທີ 2 ມັງກອນ 2020 ນີ້, ຢູ່ທີ່ສະໂມສອນຂອງເມືອງາສີແຂວງວຽງຈັນ ໄດ້ຈັດກອງປະຊຸມ ທາບທາມຮ່າງກົດລະກົດຂອງພັກສະໄໝທີ XIຂຶ້ນຢ່າງເປັນທາງການ. ໂດຍພາຍໃຕ້ການເປັນປະທານຮ່ວມ ຂອງທ່ານ ສີທົນ ແສງພະຈັນ ເລຂາພັກເມືອງ ເຈົ້າເມືອງໆກາສີ, ທ່ານ ແພງຄໍາ ຈັນທະມຸງຄຸນ ຮອງເລຂາພັກເມືອງ ປະທານກວດກາພັກ – ລັດເມືອງ, ທ່ານ ສີພັນ ມະນີທອງ ຫົວໜ້າຄະນະຈັດຕັ້ງເມືອງ, ມີບັນດາຄະນະປະຈໍາກຳມະການພັກເມືອງ, ຄະນະຮັບຜິດຊອບຂັ້ນເມືອງ, ເລຂາ – ຮອງເລຂາໜ່ວຍພັກອ້ອມຂ້າງເຂົ້າຮ່ວມ 72 ສະຫາຍ, ຍິງ 5 ສະຫາຍ.

ໃນໂອກາດດັ່ງກ່າວ ທ່ານ ສີພັນ ມະນີທອງ ຫົວໜ້າຄະນະຈັດຕັ້ງເມືອງ ໄດ້ຂຶ້ນຜ່ານຄໍາແນະນໍາ ສະບັບເລກທີ່ 13/ອກ.ບຄ ລົງວັນທີ 29 ຕຸລາ 2019 ກ່ຽວກັບການສະຫຼຸບຕີລາຄາການຈັດຕັ້ງປະຕິບັດກົດລະບຽບຂອງພັກສະໄໝທີ X ໃນທົ່ວອົງຄະນະພັກຂອງຕົນເຊີ່ງກົດລະບຽບດັ່ງກ່າວແມ່ນມີທັງໝົດ 14 ໝວດ, ມີ 58 ມາດຕາ. ຫຼັງຈາກນັ້ນຜູ້ເຂົ້າຮ່ວມກອງປະຊຸມກໍ່ໄດ້ມີການປະກອບຄໍາຄິດຄໍາເຫັນຢ່າງກົງໄປກົງມາ ເພື່ອເຮັດໃຫ້ຮ່າງລະບຽບຂອງພັກສະໄໝທີ່ XI ໄດ້ມີຄວາມລະອຽດ, ຊັດເຈນ ແລະຖືກຕ້ອງ ກັບທັດສະນະປ່ຽນແປງໃໝ່, ສາມາດປຸກລະດົມເຕົ້າໂຮມກຳລັງແຮງຂອງພັກ ເພື່ອເສີມຂະຫຍາຍ ປະຊາທິປະໄຕພາຍໃນພັກ ເຮັດໃຫ້ກົດລະບຽບດັ່ງກ່າວເປັນລວມຍອດແຫ່ງທິດສະດີ ແລະ ສະຕິປັນຍາຂອງບັນດາສະມາຊິກພັກ ໃຫ້ເປັນອັນໜຶ່ງອັນດຽວກັນ. ຈາກນັ້ນກໍ່ໄດ້ມີການແບ່ງຈຸເພື່ອລົງເກັບກໍາຂໍ້ມູນຕົວຈິງໃນທາບທາມຮ່າງກົດລະບຽບພັກສະໄໝທີ່ XI ຢູ່ແຕ່ລະໜ່ວຍພັກເພື່ອສ້າງຄວາມເປັນເອກະພາບໃນທົ່ວເມືອງ. ຕອນທ້າຍກອງປະຊຸມທ່ານ ສີທົນ ແສງພະຈັນ ເຈົ້າເມືອງໆກາສີ ກໍ່ໄດ້ໃຫ້ກຽດຂຶ້ນມີຄໍາເຫັນໂອ້ລົມ ເຊີ່ງທ່ານກໍ່ໄດ້ຮຽກຮ້ອງມາຍັງຄະນະຮັບຜິດຊອບ ຕະຫຼອດຮອດເລຂາ – ຮອງເລຂາ ໜ່ວຍພັກອ້ອມຂ້າງຈົ່ງພ້ອມກັນຄົ້ນຄ້ວາ ສຸມທຸກສະຕິປັນຍາ ເພື່ອປະກອບສ່ວນເຮັດໃຫ້ກົດລະບຽບຂອງພັກສະໄໝທີ່ XI ນີ້ມີຄວາມຖືກຕ້ອງ, ຄົບຖ້ວນ ແລະ ສົມບູນຂຶ້ນ.

ຂ່າວ: ນາງ ດາລັກ.

ເມືອງກາສີ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031