Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

6 ໜ່ວຍພັກທີ່ຂຶ້ນກັບຮາກຖານພັກ ພະແນກສາທາລະນະສຸກ ແຂວງວຽງຈັນຖືກຢັ້ງຢືນເປັນ ໜ່ວຍພັກປອດໃສ,ເຂັ້ມແຂງ,ໜັກແໜ້ນ

1 min read

6 ໜ່ວຍພັກທີ່ຂຶ້ນກັບຮາກຖານພັກ ພະແນກສາທາລະນະສຸກ ແຂວງວຽງຈັນຖືກຢັ້ງຢືນເປັນ ໜ່ວຍພັກປອດໃສ,ເຂັ້ມແຂງ,ໜັກແໜ້ນ.

ພິທີມອບ-ຮັບໃບຢັ້ງຢືນໜ່ວຍພັກປອດໃສ,ເຂັ້ມແຂງ,ໜັກແໜ້ນ ໃຫ້ 6 ໜ່ວຍພັກທີ່ຂຶ້ນກັບຄະນະພັກຮາກຖານພະແນກສາທາລະນະສຸກແຂວງວຽງຈັນ ໄດ້ຈັດຂຶ້ນໃນວັນທີ 25 ກັນຍາ 2020 ຢູ່ທີ່ສະໂມສອນໃຫຍ່ຂອງເມືອງໂພນໂຮງ,

ໂດຍການເປັນກຽດເຂົ້າຮ່ວມຂອງ ສະຫາຍ ບຸນສອນ ເພັດລາວັນ ຄະນະປະຈຳພັກແຂວງ, ຮອງເຈົ້າແຂວງໆວຽງຈັນ, ມີຄະນະຊີ້ນຳການສ້າງໜ່ວຍພັກປອດໃສ,ເຂັ້ມແຂງ,ໜັກແໜ້ນຂັ້ນແຂວງ, ຕາງໜ້າຄະນະພັກຮາກຖານອ້ອມຂ້າງ, ເລຂາຄະນະພັກຮາກຖານ, ເລຂາໜ່ວຍພັກ, ພ້ອມດ້ວຍສະມາຊິກພັກໃນ 6 ໜ່ວຍພັກທີ່ຂຶ້ນກັບຄະນະພັກຮາກຖານພະແນກສາທາລະນະສຸກແຂວງວຽງຈັນເຂົ້າຮ່ວມ.


ສະຫາຍ ນາງ ເພັດສະໝອນ ລັດຕະນະພອນ ເລຂາໜ່ວຍພັກອານາໄມ ກັນພະຍາດ ແລະ ສົ່ງເສີມສຸຂະພາບ ຕາງໜ້າໃຫ້ 6 ໜ່ວຍພັກຂຶ້ນຜ່ານບົດສະຫຼູູບການກໍ່ສ້າງໜ່ວຍພັກປອດໃສ,ເຂັ້ມແຂງ,ໜັກແໜ້ນປະຈຳປີ 2019 ເຊິ່ງຄະນະໜ່ວຍພັກ ແລະ ສະມາຊິກພັກໄດ້ເອົາໃຈໃສ່ປະຕິບັດຢ່າງເຂັ້ມງວດຕາມ 5 ຫັຼກການ, 3 ທິດນຳ ໃນການກໍ່ສ້າງ ແລະ ປັບປຸງພັກ, ການຮ່ວມຊີວິດພັກໄດ້ສຳຫຼວດກວດກາ, ຕີລາຄາ ແລະ ປະເມີນແຜນການກໍ່ສ້າງໜ່ວຍພັກປອດໃສ,ເຂັ້ມແຂງ,ໜັກແໜ້ນຕາມ 5 ເນື້ອໃນ

ໂດຍຖືເອົາການຕີລາຄາສະມາຊິກພັກເປັນຫັຼກໃນການເປັນແບບຢ່າງໃນການປະຕິບັດກົດລະບຽບຂອງພັກ,ກົດໝາຍ ແລະ ລະບຽບການຕ່າງໆຂອງລັດ ຕິດພັນກັບຄວາມເປັນເຈົ້າການໃນການເຄື່ອນໄຫວວຽກງານວິຊາສະເພາະ ທີ່ການຈັດຕັ້ງມອບໝາຍໃຫ້ຕາມແນວທາງສາທາລະນະສຸກຂອງພັກ ຖືເອົາວຽກງານກັນພະຍາດເປັນຕົ້ນຕໍ,

ຖືເອົາວຽກງານປິ່ນປົວທີ່ມີຄຸນນະພາບ ຍຸຕິທຳ ແລະ ສະເໝີພາບເປັນສໍາຄັນ, ມີຈັນຍາບັນໃນການ
ຮັບໃຊ້ປະຊາຊົນບັນດາເຜົ່າ, ສ້າງຊັບພະຍາກອນດ້ານສາທາລະນະສຸກທີ່ມີຄຸນນະພາບອອກຮັບໃຊ້ສັງຄົມ, ເປັນ
ແບບຢ່າງໃນການດຳລົງຊີວິດດ້ວຍຄວາມປອດໃສຂາວສະອາດ, ຕ້ານທຸກປະກົດການຫຍໍ້ທໍ້ທີ່ອາດຈະເກີດຂຶ້ນພາຍໃນໜ່ວຍພັກ.

ການຂະຫຍາຍມະຫາຊົນຜູ້ມີຜົນງານເຂົ້າເປັນສະມາຊິກພັກປະຊາຊົນປະຕິວັດລາວ ໄດ້ປະຕິບັດຕາມຂັ້ນຕອນຂອງການຂະຫຍາຍພັກທີ່ໄດ້ກຳນົດໄວ້ໃນກົດລະບຽບພັກຢ່າງເຂັ້ມງວດ, ປີ 2019 ຂະຫຍາຍສະມາຊິກພັກໄດ້ທັງໝົດ 10 ສະຫາຍ, ຍິງ 07 ສະຫາຍ.

ການປະກອບບຸກຄະລາກອນເຂົ້າໃນຄະນະໜ່ວຍພັກ ແມ່ນໄດ້ປະຕິບັດຖືກຕ້ອງຕາມມາດຕະຖານ, ເງື່ອນໄຂທີ່ໄດ້ກໍານົດໄວ້ໃນກົດລະບຽບຂອງພັກຢ່າງຄົບຖ້ວນ.


ຜ່ານການຕີລາຄາຄຸນນະພາບ ແລະ ແບ່ງປະເພດໜ່ວຍພັກຕາມ 5 ເນື້ອຂອງການກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ 6 ໜ່ວຍພັກທີ່ຂຶ້ນກັບຄະນະພັກຮາກຖານພະແນກສາທາລະນະສຸກ ແຂວງວຽງຈັນ,

ໄດ້ເປັນສະມາຊິກພັກແຂງທັງຫມົດ 125 ສະຫາຍ, ຍິງ 79 ສະຫາຍ, ກວມເອົາ 100%; ທັງ 6 ຫນ່ວຍພັກ ມີຄະແນນສະເລ່ຍ ລວມ 9,11 ຄະແນນ,ຈັດປະເພດເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ທັງ 6 ໜ່ວຍພັກ.


ໃຫ້ກຽດຂຶ້ນມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ໃຫ້ທັງ 6 ໜ່ວຍພັກໃນຄັ້ງນີ້ໂດຍແມ່ນ ສະຫາຍ ບຸນສອນ ເພັດລາວັນ ຄະນະປະຈຳພັກແຂວງ, ຮອງເຈົ້າແຂວງໆວຽງຈັນ.

ໃນພິທີຍັງໄດ້ມີການສະແດງສີລະປະບົດຟ້ອນລວມໝູຈາກນັກສຶກສາໂຮງຮຽນພະຍາບານສາດເຕັກນິກແຂວງວຽງຈັນຕື່ມອີກ.


ພາບ-ຂ່າວ:ບຸນມາແກ້ວບຸດດາ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031