Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີ ຝຶກອົບຮົມຊາວໜຸ່ມອາສາສະໝັກບໍລິຈາກເລືອດສຸກເສີນຮ່ວມກັບ 3 ອົງການຈັດຕັງມາຫາຊົນ

1 min read

ພິທີ ຝຶກອົບຮົມຊາວໜຸ່ມອາສາສະໝັກບໍລິຈາກເລືອດສຸກເສີນຮ່ວມກັບ 3 ອົງການຈັດຕັງມາຫາຊົນ.


ວັນທີ 25 ກັນຍາ 2020, ສູນເລືອດອົງການກາແດງແຂວງວຽງຈັນ ໄດ້ຈັດຝຶກອົບຮົມຊາວໜຸ່ມອາສາສະໝັກບໍລິຈາກເລືອດສຸກເສີນ ຢູ່ທີ່ຫ້ອງປະຊຸມກອງທືນປະກັນສັງຄົມ ແຂວງວຽງຈັນ,

ໂດຍພາຍໃຕ້ການເປັນປະທານຮ່ວມຂອງທ່ານ ດຣ ບຸນເນົາ ພະຈອມພົນ ຫົວໜ້າອົງການກາແດງແຂວງວຽງຈັນ ແລະ ທ່ານ ດາວສະຫວັນ ລາດສະວົງ ຮອງເລຂາຄະນະບໍລິຫານງານຊາວໜຸ່ມແຂວງວຽງຈັນ, ມີບັນດາຄະນະຮັບຜິດຊອບຂັ້ນແຂວງ, ,ພະນັກງານຊາວໜຸ່ມ, ອາຈານ ເຂົ້າຮ່ວມທັງໝົດ 49 ຄົນ,ຍິງ 22 ຄົນ.

ໃນບັ້ນຝຶກອົບຮົມໃນຄັ້ງນີ້ ໄດ້ມີການທົດສອບກ່ຽວກັບຄວາມຮູ້ພຶ້ນຖານເບື້ອງຕົ້ນໃນການບໍລິຈາກເລືອດ, ເຊື່ອມຊຶມບັນດາບົດຮຽນຕ່າງໆເຊັ່ນ: ຄວາມຮູ້ກ່ຽວກັບເລືອດ ແລະ ການບໍລິຈາກເລືອດ, ມາດຖານເງື່ອນໄຂຂອງຜູ້ບໍລິຈາກເລືອດ, ຄວາມຮັບຮູ້ ແລະ ເຂົ້າໃຈຂອງການບໍລິຈາກເລືອດແບບຕື່ນຕົວສະໝັກໃຈ ໂດຍບໍ່ຫວັງສິ່ງຕອບແທນ,

ໜ້າທີ່ຂອງຊາວໜຸ່ມອາສາສະໝັກບໍລິຈາກເລືອດ ຕໍ່ກັບຂະບວນການປຸກລະດົມຜູ່ບໍລິຈາກເລືອດ ແລະ ສົ່ງເສີມສຸຂະພາບຊຸມຊົນ, ພາລະບົດບາດຂອງຜູ້ບໍລິຈາກເລືອດສຸກເສີນ, ຄວາມຮູ້ພື້ນຖານກ່ຽວກັບພະຍາດ HIV ແລະ ພະຍາດຕິດຕໍ່ທາງເພດສໍາພັນ (ພຕພ), ການປະຖົມພະຍາບານດ້ວຍວິທີການຊ່ວຍຊີວິດຂັ້ນພື້ນຖານ, ຄວາມຮູ້ພື້ນຖານກ່ຽວກັບພະຍາດ Thalasemia ( ພາລາຊີເມຍ) ແລະ ຄວາມສໍາຄັນຂອງທາດເຫຼັກຕໍ່ກັບເລືອດ ແລະ ສຸຂະພາບຂອງຄົນ.


ໃນຕອນທ້າຍ ຍັງໄດ້ຮັບຟັງການມີຄໍາໂອ້ລົມຈາກທ່ານ ບຸນນຳ ວົງທະຈັກ ຮອງຫົວໜ້າອົງການກາແດງແຂວງວຽງຈັນ, ເຊິ່ງທ່ານໄດ້ຍ້ອງຍໍຊົມເຊີຍຕໍ່ບັນດາພາກສ່ວນຕ່າງໆທີ່ໄດ້ຕັ້ງໜ້າປະກອບສ່ວນ ເຮັດໃຫ້ບັ້ນຝຶກອົບຮົມໃນຄັ້ງນີ້ໄດ້ຮັບຜົນສໍາເລັດຕາມແຜນການທີ່ວາງໄວ້,


ພ້ອມກັນນີ້ ທ່ານຍັງໄດ້ຮຽກຮ້ອງມາຍັງການຈັດຕັ້ງທີ່ກ່ຽວຂ້ອງ ແລະ ບັນດານັກຝຶກອົບຮົມ ຈົ່ງພ້ອມກັນນໍາເອົາເນື້ອໃນຈິດໃຈຂອງພິທີໃນຄັ້ງນີ້ ນໍາໄປຈັດຕັ້ງຜັນຂະຫຍາຍໃຫ້ໄດ້ຮັບຜົນສໍາເລັດຕາມລະດັບຄາດໝາຍທີ່ວາງໄວ້.

 

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031