Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີມອບ – ຮັບ ໜ້າທີ່ລະຫວ່າງເລຂາຄະນະພັກຮາກຖານ ແລະ ຫົວໜ້າກຸ່ມບ້ານຜູ້ເກົ່າ ແລະ ຜູ້ໃໝ່

1 min read

ພິທີມອບ – ຮັບ ໜ້າທີ່ລະຫວ່າງເລຂາຄະນະພັກຮາກຖານ ແລະ ຫົວໜ້າກຸ່ມບ້ານຜູ້ເກົ່າ ແລະ ຜູ້ໃໝ່.


ວັນທີ 24 ກັນຍາ 2020 ຜ່ານມາຢູ່ທີ່ຫ້ອງການບ້ານຫີນເຫີບໃຕ້ເມືອງຫີນເຫີບແຂວງວຽງຈັນໄດ້ຈັດພິທີມອບ – ຮັບ ໜ້າທີ່ລະຫວ່າງເລຂາຄະນະພັກຮາກຖານ ແລະ ຫົວໜ້າກຸ່ມບ້ານຜູ້ເກົ່າ ແລະ ຜູ້ໃໝ່

 

ເຂົ້້້້້້ວມໂດຍທ່ານ ວອນ ວໍລະສານ ເລຂາພັກເມືອງ ເຈົ້າເມືອງຫີນເຫີບ, ມີຫົວໜ້າ, ຮອງຫົວໜ້າຫ້ອງການ, ເລຂາພັກບ້ານ ໂຮງຮຽນ ແລະ ຜູ້ຊົງຄຸນວຸດທິເຂົ້າຮ່ວມ.


ທ່ານ ນ. ສີພອນ ວົງທະວິໄລ ຮອງຫົວໜ້າຄະນະຈັດຕັ້ງເມືອງໄດ້ຂຶ້ນຜ່ານມະຕິຕົກລົງຂອງຄະນະປະຈໍາພັກເມືອງຫີນເຫີບ ສະບັບເລກທີ 77 / ຄປພ.ມຫຫ ລົງວັນທີ 11 ກັນຍາ 2020 ວ່າດ້ວຍ ການແຕ່ງຕັ້ງ ສະຫາຍໄຊຊະນະ ພັນດາວົງ ກໍາມະການພັກເມືອງ ຫົວໜ້າຫົວໜ້າຫ້ອງການແຜນການ ແລະ ການລົງທຶນ ເປັນເລຂາຄະນະພັກຮາກຖານກຸ່ມບ້ານຫີນເຫີບ, ມະຕິຕົກລົງຂອງຄະນະປະຈໍາພັກເມືອງຫີນເຫີບ ສະບັບເລກທີ 81 / ຄປພ.ມຫຫ ລົງວັນທີ 11 ກັນຍາ 2020 ວ່າດ້ວຍ ການຖອນ ສະຫາຍ ນ. ອໍາມາລາ ທິບພະແກ້ວ ເລຂາຄະນະພັກຮາກຖານກຸ່ມບ້ານຫີນເຫີບກັບຄືນກົມກອງ.

ທ່ານ ນ. ອໍາມາລາ ທິບພະແກ້ວ ກໍາມະການພັກເມືອງ ຫົວໜ້າຫ້ອງວ່າການເມືອງ ເລຂາຄະນະພັກຮາກຖານກຸ່ມບ້ານຫີນເຫີບຜູ້ເກົ່າໄດ້ຂຶ້ນຜ່ານບົດບັນທຶກມອບ – ຮັບໜ້າທີ່ ລະຫວ່າງເລຂາຄະນະພັກຮາກຖານ ແລະ ຫົວໜ້າກຸ່ມບ້ານຜູ້ເກົ່າ ແລະ ຜູ້ໃໝ່ ທ່ານກ່າວວ່າຜ່ານການຈັດຕັ້ງປະຕິບັດແຜນການພັດທະນາເສດຖະກິດຂອງເມືອງກໍ່ຄືກຸ່ມບ້ານສາມາດບັນລຸວຽກງານດ້ານຕ່າງໆໄດ້ດີພໍສົມຄວນສະແດງອອກກຸ່ມບ້ານຫີນເຫີບມີ 9 ບ້ານ, ມີພົນລະເມືອງທັງໝົດ 6.686 ຄົນ, ຍິງ 3.159 ຄົນ ໄລຍະຜ່ານມາຄະນະພັກຮາກຖານກໍ່ຄືອໍານາດການປົກຄອງ ແລະ ພໍ່ແມ່ປະຊາຊົນກໍ່ໄດ້ເປັນເຈົ້າການໃນການປະຕິບັດແຜນພັດທະ ນາທີ່ວາງອອກໃຫ້ປະກົດຜົນເປັນຈິງ,

 

ໄດ້ເອົາໃຈໃສ່ວຽກງານສຶກສາອົບຮົມການເມືອງ – ແນວຄິດ, ປັບປຸງການຈັດຕັ້ງແຕ່ລະບ້ານໃຫ້ເຂັ້ມແຂງປະຊາຊົນຮູ້ໄດ້ເຖິງແນວທາງນະໂຍບາຍຂອງພັກ – ລັດພ້ອມກັນພັດທະນາພື້ນຖານໂຄງລ່າງກໍ່ຄືຊີວິດການເປັນຢູ່ນັບມື້ນັບດີຂຶ້ນ ສະແດງອອກສາມາດປະກາດເປັນບ້ານແບບຢ່າງດ້ານສາທາລະນະສຸກໄດ້ 9 ບ້ານບ້ານວັດທະນະທໍາໄດ້ 9 ບ້ານ, ບ້ານພັດທະນາດ້ານແຮງງານໄດ້ 9 ບ້ານ ແລະ ບ້ານສາມັກຄີປອງດອງໄດ້ 9 ບ້ານ ໃນພິທີກໍ່ໄດ້ເຊັນບົດບັນທຶກມອບ – ຮັບໜ້າທີ່ລະຫວ່າງເລຂາຄະນະພັກຮາກຖານ ແລະ ຫົວໜ້າກຸ່ມບ້ານຜູ້ເກົ່າ ແລະ ຜູ້ໃໝ່.


ທ່ານ ວອນ ວໍລະສານ ເລຂາພັກເມືອງ ເຈົ້າເມືອງຫີນເຫີບໄດ້ໃຫ້ກຽດມີຄໍາເຫັນ ແລະ ໂອ້ລົມຕໍ່ພິທີ ທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ ທີ່ຄະນະພັກຮາກຖານກຸ່ມບ້ານກໍ່ຄືພໍ່ແມ່ປະຊາຊົນຍາດມາໄດ້ ທ່ານຍັງໄດ້ເນັ້ນໜັກໃຫ້ຜູ້ທີ່ຖືກແຕ່ງຕັ້ງເປັນເລຂາຄະນະພັກຮາກຖານຜູ້ໃໝ່ຈົ່ງສືບຕໍ່ແຜນການທີ່ວາງອອກໃຫ້ສໍາເລັດຕາມຄາດໝາຍ.

ຂ່າວ ເມືອງຫີນເຫີບ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed