Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງຫີນເຫີບປາຖະກະຖາ 2 ວັນປະຫວັດສາດ

1 min read

ວັນທີ 22 ກັນຍາ 2020 ຜ່ານມາຢູ່ທີ່ສະໂມສອນເມືອງຫີນເຫີບແຂວງວຽງຈັນໄດ້ຈັດພິທີປາຖະກະຖາວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 18 ປີ ( 9 / 9 / 2002 – 9 / 9 / 2020 ) ແລະ ວັນຊາດສາທາລະນະລັດສັງຄົມນິຍົມຫວຽດນາມ ຄົບຮອບ 75 ປີ ( 2 / 9 / 1945 – 2 / 9 / 2020 )

ໂດຍການໃຫ້ກຽດຂຶ້ນປາຖະກະຖາຂອງ ທ່ານ ວອນ ວໍລະສານ ເລຂາພັກເມືອງ ເຈົ້າເມືອງຫີນເຫີບ ທ່ານໄດ້ຍົກໃຫ້ ເຫັນຄວາມໝາຍຄວາມສໍາຄັນຂອງສະຫະພັນນັກຮົບແຫ່ງຊາດລາວ ເຊິ່ງເປັນອົງການຈັດຕັ້ງທາງການເມືອງແຫ່ງລະບອບໃໝ່ຂອງ ສປ ປ ລາວຖືກສ້າງຕັ້ງຂຶ້ນຕາມພາລະບົດບາດ ແລະ ຄວາມຮຽກຮ້ອງຕ້ອງການຂອງສັງຄົມໃນໄລຍະໃໝ່, ເພື່ອຄຸ້ມຄອງ ເບິ່ງແຍງດູແລ, ສຶກສາອົບຮົມ ແລະ ເຕົ້າໂຮມຄວາມສາມັກຄີໃນຖັນແຖວພະນັກງານ, ນັກຮົບເກົ່າທີ່ພັກຜ່ອນ, ຮັບບໍາເນັດ, ບໍານານ ແລະ ເປັນພົນລະເມືອງດີສ້າງເສດຖະກິດຄອບຄົວຕາມລະບຽບກົດໝາຍ

ທ່ານຍັງໄດ້ຍົກໃຫເຫັນເງື່ອນໄຂທີ່ພາໃຫ້ເກີດມີສະຫະພັນນັກຮົບເກົ່າແຫ່ງຊາດລາວ, ມູນເຊຶ້ອ ແລະ ຜົນງານຂອງນັກຮົບປະ ຕິວັດກໍ່ຄືນັກຮົບເກົ່າໃນປະຈຸບັນ, ໄດ້ປະກອບສ່ວນຜົນງານອັນໃຫຍ່ຫຼວງ ເຮັດໃຫ້ຊາດລາວຂອງພວກເຮົາໄດ້ຮັບຄວາມເປັນເອກະລາດອິດສະຫຼະພາບຢ່າງແທ້ຈິງ.
ປີ 1884 ຫວຽດນາມໄດ້ຕົກເປັນຫົວເມືອງຂຶ້ນຂອງຝຣັ່ງ, ປະຊາຊົນຫວຽດນາມໄດ້ສູນເສຍສິດເປັນເຈົ້າ, ບໍ່ມີອິດສະຫຼະ, ຖືກກົດຂີ່ຂູດຮີດຢ່າງໜັກ ແລະ ປ່າເຖື່ອນ.


ດ້ວຍນ້ຳໃຈຮັກຊາດ ແລະ ຄຽດແຄ້ນຕໍ່ພວກລ່າເມືອງຂຶ້ນຜູ້ຮຸກຮານ, ປະຊາຊົນຫວຽດນາມໄດ້ລຸກຂຶ້ນຕໍ່ສູ້ຢ່າງເນື່ອງນິດລຽນຕິດ, ເກີດມີຂະບວນການຕໍ່ສູ້ຫຼາຍຂະບວນການຢູ່ໃນທົ່ວປະເທດເຊັ່ນ ຂະບວນການລຸກຮື້ຂຶ້ນຂອງບາດິງ ( ແທງຮົວ 1886 – 1887 ) ຂະບວນການຕໍ່ສູ້ຂອງຮົງລິງ ( 1886 – 1892 ) ຂະບວນຕໍ່ສູ້ຂອງຟາມຈູຈິງ
( 1872 – 1926 ) ຂະບວນການຕໍ່ສູ້ຂອງຟາມໂບຍເຈົາ ( 876 – 1940 ) ຂະບວນການລຸກຮື້ຂຶ້ນດັ່ງກ່າວນັ້ນລ້ວນແຕ່ຖືກປະລາໄຊຍ້ອນວ່າບໍ່ມີແນວທາງປະຕິວັດທີ່ຖືກຕ້ອງ ແລະ ວິທະຍາສາດ.


ວັນທີ 3 / 2 / 1930 ພັກກອມມູນິດຫວຽດນາມໄດ້ຮັບການສ້າງຕັ້ງຂຶ້ນມັນແມ່ນບາດລ້ຽວອັນຍິ່ງໃຫຍ່ໃນປະຫວັດສາດຂອງການປະຕິວັດຫວຽດນາມ, ມັນເປັນຂີດໝາຍທີ່ສະຫວ່າງສະໄຫວໃນເສັ້ນທາງຂະຫຍາຍຕົວຂອງຊາດຫວຽດນາມ ພາຍໃຕ້ການນໍາພາຂອງພັກກອມມູນິດຫວຽດນາມ ແລະ ດ້ວຍໂຄງການ – ການເມືອງອັນຖືກຕ້ອງ ການປະຕິວັດຫວຽດນາມໄດ້ຂະຫຍາຍຕົວໄປຕາມທ່າອ່ຽງປະຕິວັດຂອງຍຸກສະໄໝ, ຂະບວນການຕໍ່ສູ້ປະຕິວັດໄດ້ຮັບການເຜີຍແຜ່ ແລະ ຂະຫຍາຍຕົວຢ່າງເລິກເຊິ່ງເຂົ້າໃນຖັນແຖວກໍາມະກອນ, ຊາວນາ, ຊົນຊັ້ນປັນຍາຊົນ ເຊິ່ງໄດ້ເກີດມີການຈັດຕັ້ງປະຕິວັດຂຶ້ນຢ່າງຫຼວງຫຼາຍ, ຂະບວນວິວັດແຫ່ງການຕໍ່ສູ້ປົດປ່ອຍຊາດ,

ຍາດເອົາອໍານາດການປົກຄອງໄດ້ສະແດງອອກຄື ຂະບວນການປະຕິວັດ ( 1930 – 1931 ) ຂະບວນການຕໍ່ສູ້ຂອງປະຊາຊົນຮຽກຮ້ອງໃຫ້ມີປະຊາທິປະໄຕ, ມີຊີວິດການເປັນຢູ່ທີ່ດີ ( 1930 – 1939 ) ແລະ ຂະບວນການຕໍ່ສູ້ປົດປ່ອຍຊາດ( 1939 – 1945 ) ໄດ້ກ້າວໄປສູ່ລະດັບສູງ ແລະ ນໍາໄປສູ່ການປະຕິວັດເດືອນສິງຫາ 1945.


ວັນທີ 2 / 9 / 1945 ປະຊາຊົນຫວຽດນາມໄດ້ໂຮມຊຸມນຸມມິດຕິງທີ່ສະໜາມຫຼວງບາດິງ ປະທານ ໂຮ່ຈີມິນຕາງໜ້າໃຫ້ຄະນະລັດຖະບານຊົ່ວຄາວໄດ້ອ່ານຖະແຫຼງການເອກະລາດ ປະກາດສ້າງຕັ້ງ ສາທາລະນະລັດ ປະຊາທິປະ ໄຕ ຫວຽດນາມ.
ເຂົ້າຮ່ວມຮັບຟັງມີຄະນະປະຈໍາ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ນາຍ ແລະ ພົນ ທະຫານ, ນາຍ ແລະ ພົນຕໍາຫຼວດ, ສະມາຊິກສະຫະພັນນັກຮົບເກົ່າ ແລະ ພະນັກງານ – ລັດຖະກອນເຂົ້າຮ່ວມ.

ຂ່າວ ເມືອງຫີນເຫີບ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031