Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີເຊັນສັນຍາ ລະຫວ່າງ ພະແນກພາຍໃນແຂວງວຽງຈັນ ກັບ ບໍລິສັດ ສະຕາຟິນເທັກ ຈຳກັດຜູ້ດຽວ

1 min read

ພິທີເຊັນສັນຍາ ລະຫວ່າງ ພະແນກພາຍໃນແຂວງວຽງຈັນ ກັບ ບໍລິສັດ ສະຕາຟິນເທັກ ຈຳກັດຜູ້ດຽວ.


ວັນທີ 29 ກັນຍາ 2020 ຜ່ານມາ, ຢູ່ທີ່ຫ້ອງປະຊຸມເບີ2 ຂອງຫ້ອງວ່າການປົກຄອງແຂວງວຽງຈັນ ໄດ້ຈັດພິທີເຊັນສັນຍາ ລະຫວ່າງພະແນກພາຍໃນແຂວງວຽງຈັນ ກັບ ບໍລິສັດ ສະຕາຟິນເທັກ ຈຳກັດຜູ້ດຽວ.

ໃຫ້ກຽດເຂົ້່າຮ່ວມຂອງທ່ານນາງ ຈັນທະບູນ ໂພສະລາດ ກຳມະການພັກແຂວງ, ຫົວໜ້າພະແນກພາຍໃນແຂວງ,

ທ່ານ ເຈິ່ນຈູງເຫງ່ຍ ອຳນວຍການບໍລິສັດ ສະຕາໂທລະຄົມ ສາຂາແຂວງວຽງຈັນ, ມີແຂກຖຶກເຊີນ ແລະ ພະນັກງານທີ່ກ່ຽວຂ້ອງເຂົ້າຮ່ວມ.


ໂດຍປະຕິບັດຕາມຂໍ້ຕົກລົງຂອງກະຊວງການເງິນສະບັບເລກທີ 1370/ກງ, ລົງວັນທີ 2 ມີຖຸນາ 2020 ວ່າດ້ວຍການຮັບຮອງເອົາຜະລິດຕະພັນ U-money ຂອງບໍລິສັດ ສະຕາຟິນເທັກ ຈຳກັດຜູ້ດຽວ.

ນຳໃຊ້ເຂົ້າໃນການເບີກຈ່າຍເງິນເດືອນ, ເງິນອຸດໜູນ ແລະ ເງິນນະໂຍບາຍ ໃຫ້ພະນັກງານ-ລັດຖະກອນຢູ່ບັນດາເມືອງທີ່ຍັງບໍ່ທັນມີການບໍລິການຂອງທະນາຄານ ແລະ ປະຕິບັດຕາມແຈ້ງການຂອງຫ້ອງການກະຊວງການເງິນສະບັບເລກທີ 1030/ຫກງ, ລົງວັນທີ 3 ມີຖຸນາ 2020 ວ່າດ້ວຍການເບີກຈ່າຍເງິນເດືອນ ແລະ ເງິນອຸດໜູນຕ່າງໆຂອງພະນັກງານ-ລັດຖະກອນ ຜ່ານຜະລິດຕະພັນ U-money ຂອງບໍລິສັດ ສະຕາຟິນເທັກ ຈຳກັດຜູ້ດຽວ.

ໃຫ້ກຽດລົງນາມໃນສັນຍາຄັ້ງນີ້ໂດຍແມ່ນທ່ານນາງ ຈັນທະບູນ ໂພສະລາດ ກຳມະການພັກແຂວງ, ຫົວໜ້າພະແນກພາຍໃນແຂວງວຽງຈັນ ແລະ ທ່ານ ເຈິ່ນຈູງເຫງ່ຍ ອຳນວຍການບໍລິສັດ ສະຕາໂທລະຄົມ ສາຂາແຂວງວຽງຈັນ, ໂດຍຊ້ອງໜ້າແຂກຖຶກເຊີນ ແລະ ພະນັກງານທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.

ຂ່າວ:ກີ່ງແກ້ວ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed