Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມສຳມະນາເຜີຍແຜ່ລະບຽບກົດໝາຍດ້ານການຄຸ້ມຄອງສິ່ງແວດລ້ອມ ແລະ ລະບຽບການຕ່າງໆຂອງບັນດາພະແນກການ ກ່ຽວກັບການອອກອະນຸຍາດ,ການເກັບຄ່າທຳນຽມ ແລະ ຄ່າບໍລິການຕ່າງໆ ໃຫ້ກັບຫ້ອງການທີ່ກ່ຽວຂ້ອງຂັ້ນເມືອງ, ໂຄງການລົງທຶນ ແລະ ຫົວໜ່ວຍກິດຈະການຕ່າງໆ.

1 min read

ກອງປະຊຸມສຳມະນາເຜີຍແຜ່ລະບຽບກົດໝາຍດ້ານການຄຸ້ມຄອງສິ່ງແວດລ້ອມ ແລະ ລະບຽບການຕ່າງໆຂອງບັນດາພະແນກການ ກ່ຽວກັບການອອກອະນຸຍາດ,ການເກັບຄ່າທຳນຽມ ແລະ ຄ່າບໍລິການຕ່າງໆ ໃຫ້ກັບຫ້ອງການທີ່ກ່ຽວຂ້ອງຂັ້ນເມືອງ, ໂຄງການລົງທຶນ ແລະ ຫົວໜ່ວຍກິດຈະການຕ່າງໆ.

ວັນທີ 1 ຕຸລາ 2020 ນີ້, ຢູ່ທີ່ຫ້ອງປະຊຸມສູນຝຶກອົບຮົມ ຜູ່ບໍລິຫານການສຶກສາ ເມືອງວັງວຽງແຂວງວຽງຈັນ, ໄດ້ຈັດກອງປະຊຸມສຳມະນາເຜີຍແຜ່ລະບຽບກົດໝາຍດ້ານການຄຸ້ມຄອງສິ່ງແວດລ້ອມ ແລະ ລະບຽບການຕ່າງໆຂອງບັນດາພະແນກການ ກ່ຽວກັບການອອກອະນຸຍາດ,ການເກັບຄ່າທຳນຽມ ແລະ ຄ່າບໍລິການຕ່າງໆ ໃຫ້ກັບຫ້ອງການທີ່ກ່ຽວຂ້ອງຂັ້ນເມືອງ, ໂຄງການລົງທຶນ ແລະ ຫົວໜ່ວຍກິດຈະການຕ່າງໆ.

ໂດຍພາຍໃຕ້ການເປັນປະທານຂອງ ທ່ານ ກວຽນທອງ ເທບທິດາ ຮອງເຈົ້າເມືອງໆວັງວຽງ, ມີທ່ານ ປອ ບຸນພະຈັນ ບຸນທະລາ ຮອງຫົວໜ້າພະແນກຊັບພະຍາກອນທຳມະຊາດແລະສິ່ງແວດລ້ອມແຂວງວຽງຈັນ, ມີບັນດາຄະນະທີມງານທີ່ມາແຕ່ແຂວງ, ຫ້ອງການຂັ້ນເມືອງ, ວິຊາການທີ່ກ່ຽວຂ້ອງ ພ້ອມດ້ວຍໂຄງການລົງທຶນແລະຫົວຫນ່ວຍທຸລະກິດຕ່າງໆພາຍໃນເມືອງເຂົ້າຮ່ວມ.


ໃນກອງປະຊຸມ ຍັງໄດ້ຮັບຟັງການເຜີຍແຜ່ນິຕິກຳກ່ຽວກັບຂະບວນການອອກອະນຸຍາດໃບຢັ້ງຢືນສິ່ງແວດ ລ້ອມ ແລະ ການຄຸ້ມຄອງວຽກງານສິ່ງແວດລ້ອມຂອງໂຄງການ ຂັ້ນແຂວງ, ເຜີຍແຜ່ນິຕິກຳກ່ຽວກັບຂະບວນການຕິດຕາມກວດກາວຽກງານສິ່ງແວດ ລ້ອມໂຄງການ ຂັ້ນແຂວງ,

ເຜີຍແຜ່ນິຕິກຳກ່ຽວກັບຂະບວນການອອກອະນຸຍາດໃບຢັ້ງຢືນສິ່ງແວດ ລ້ອມ ແລະ ການຄຸ້ມຄອງວຽກງານສິ່ງແວດລ້ອມຂອງໂຄງການ ຂັ້ນເມືອງ, ເຜີຍແຜ່ລະບຽບ ກົດໝາຍ ນິຕິກຳ ພະແນກແຜນການ ແລະການລົງທຶນ ແຂວງ, ເຜີຍແຜ່ລະບຽບ ກົດໝາຍ ນິຕິກຳ ພະແນກ ໂຍທາທິການ ແລະຂົ່ນສົງ ແຂວງ, ເຜີຍແຜ່ລະບຽບ ກົດໝາຍ ນິຕິກຳ ພະແນກ ຖະແຫຼ່ງຂ່າວ,ວັດທະນາທຳ ແລະ ທ່ຽວທ່ຽວ ແຂວງ, ເຜີຍແຜ່ລະບຽບກົດໝາຍ ນິຕິກຳ ພະແນກ ອຸດສາຫະກຳ ແລະການຄ້າ ແຂວງ, ເຜີຍແຜ່ລະບຽບ ກົດໝາຍ ນິຕິກຳ ພະແນກ ພະລັງງານ ແລະ ບໍ່ແຮ່ ແຂວງ, ເຜີຍແຜ່ລະບຽບກົດໝາຍ ນິຕິກຳ ຂະແໜງຊັບພະຍາກອນນ້ຳ.

ຈາກນັ້ນກອງປະຊຸມຍັງໄດ້ ປຶກສາຫາລືປະກອບຄຳຄິດເຫັນ
ຕອນທ້າຍກອງປະຊຸມ ທ່ານ ປອ ບຸນພະຈັນ ບຸນທະລາ ຮອງຫົວໜ້າພະແນກຊັບພະຍາກອນທຳມະຊາດແລະສິ່ງແວດລ້ອມແຂວງວຽງຈັນ ຍັງໄດ້ໃຫ້ກຽດໂອ້ລົມວ່າ: ເພື່ອເຮັດໃຫ້ການດຳເນີນທຸລະກິດໄດ້ປະຕິບັດລະບຽບກົດໝາຍຕາມຂັ້ນຕອນການອອກອະນຸຍາດໃຫ້ເປັນການຄຸ້ມຄອງແບບລວມສູນ ປະຕູດຽວ ແລະ ເພື່ອເປັນການເຜີຍແຜ່ລະບຽບກົດໝາຍ ຂອງບັນດາພະແນກການ, ຫ້ອງການ ທີ່ກ່ຽວຂ້ອງຂັ້ນແຂວງ ແລະ ເມືອງ ລວມທັງຂອດປະສານງານກັບບັນດາຫ້ອງການທີ່ກ່ຽວຂ້ອງ ແລະ ພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມແຂວງ


ໃນການຄຸ້ມຄອງສິ່ງແວດລ້ອມຂອງໂຄງງການລົງທຶນ ແລະ ຫົວໜ່ວຍກິດຈະການຕ່າງໆ ພາຍໃນເມືອງເພື່ອສ້າງຄວາມເປັນເອກະພາບ ແລະ ກຳນົດແນວທາງໃນການຈັດຕັ້ງປະຕິບັດ, ຂະບວນການອອກອະນຸຍາດຂອງບັນດາພະແນກການ, ຫ້ອງການ, ການເກັບຄ່າທໍານຽມ, ຄ່າບໍລິການ, ກຳນົດເວລາໃນການອອກອະນຸຍາດ ແລະ ງົບປະມານຕິດຕາມກວດກາປະຈຳປີ ເຊີ່ງດຳເນີນການຢູ່ໃນປະຈຸບັນ ທີ່ຈະນຳມາເຜີຍແຜ່ໃນຄັ້ງນີ້.

ພ້ອມນີ້ຍັງເປັນການສ້າງຄວາມຮັບຮູ້ແລະເຂົ້າໃນຕໍ່ກັບບັນດານິຕິກຳຕ່າງໆ ທີ່ມານຳສະເໜີ ຢ່າງມີປະສິດຕິພາບແລະ ມີຜົນສຳເລັດເປັນຢ່າງດີ.

ຂ່າວ: ເມືອງວັງວຽງ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031