Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງແມດປະກາດຮັບຮອງບ້ານແມ່ຍິງ 3 ດີ

1 min read

ວັນທີ່ 6 ຕຸລາ 2020 ນີ້, ຢູ່ທີ່ສະໂມສອນຂອງເມືອງແມດ ແຂວງວຽງຈັນ ໄດ້ມີພິທີປະກາດຮັບຮອງບ້ານແມ່ຍິງ 3 ດີ,ຈຳນວນ 20 ບ້ານ ແລະ ຮັບຮອງເອົາໜວ່ຍອ້ອມຂ້າງເມືອງຈຳນວນ 18 ໜວ່ຍ, ໂດຍເປັນປະທານຂອງທ່ານ ນາງ ຄອນສີ ແກ້ວວິໄລວັນ ກຳມະການພັກເມືອງ ປະທານສະຫະພັນແມ່ຍິງເມືອງ,

ເປັນກຽດເຂົ້າຮ່ວມຂອງທ່ານ ຄຳປ່ຽນ ແສງສະຫວັດ ເລຂາພັກເມືອງ ເຈົ້າເມືອງໆແມດ, ມີບັນດາທ່ານຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ມີໜວ່ຍສະຫະພັນແມ່ຍິງອ້ອມຂ້າເມືອງ ແລະ ໜວ່ຍສະຫະພັນແມ່ຍິງບ້ານເຂົ້າຮ່ວມທັງໝົດ 73 ທ່ານ, ຍິງ 60 ທ່ານ, ໃນພິທີດັ່ງກ່າວທ່ານ ນາງ ພູ ຫຸມເພັງ ຮອງປະທານສະຫະພັນແມ່ຍິງເມືອງກໍ່ໄດ້ຂື້ນຜ່ານຂໍ້ຕົກລົງຂອງທ່ານເຈົ້າເມືອງໆແມດ ສະບັບເລກທີ່ 188 / ຈມ,ມມ ລົງວັນທີ່ 2 ຕຸລາ 2020 ວ່າດ້ວຍ: ການອານຸມັດຕົກລົງໃຫ້ສະຫະພັນແມ່ຍິງເມືອງແມດຈັດພິທີປະກາດຮັບຮອງບ້ານ ແລະ ໜ່ວຍແມ່ຍິງ 3 ດີ ຮອບທີ່ 3 ສະໄໝທີ່ VII

ຫຼັງຈາກນັ້ນທ່ານ ນາງ ຄຳມະນີ ສະຫວັດພູມ ຮອງປະທານສະຫະພັນແມ່ຍິງເມືອງກໍ່ໄດ້ຂື້ນຜ່ານບົດສະຫຼຸບແຜນການຈັດຕັ້ງປະຕິບັດຂໍ້ແຂ່ງຂັນ 3 ດີ, ທົ່ວເມືອງມີແມ່ຍິງທັງໝົດ 11, 511 ຄົນ, ເປັນສະມາຊິກສະຫະພັນແມ່ຍິງທັງໝົດ 2, 435 ຄົນ, ສະມາຊິກສະຫະພັນແມ່ຍິງລາວທີ່ເປັນພະນັກງານ – ລັດຖະກອນ 238 ຄົນ, ເຜົ່າກຶມມຸ 231 ຄົນ, ເຜົ່າມົ້ງ 65 ຄົນ, ຜ່ານການສະຫຼຸບຕີລາຄາບ້ານ ແລະ ໜວ່ຍອ້ອມຂ້າງເມືອງ, ໃນໄລຍະໜຶ່ງປີຜ່ານມາຄະນະສະຫະພັນແມ່ຍິງເມືອງສາມາດສະຫຼຸບ ແລະ ຮັບຮອງເອົາບ້ານ ແລະ ໜວ່ຍສະຫະພັນແມ່ຍິງ 3 ດີຄື: ບ້ານນາປາຈາດ, ບ້ານສີສະອາດໃຕ້, ບ້ານສີສະອາດເໜືອ, ບ້ານນາດີ, ບ້ານຫາດຍາວ, ບ້ານນາກ້າສງປາ, ບ້ານນ້ຳຫານ, ບ້ານຫ້ວຍຕົມ, ບ້ານນ້ຳຮວາງ, ບ້ານນ້ຳເຟືອງ, ບ້ານສີສະຫວາດ, ບ້ານນາງີ້ວ, ບ້ານນາດອກຄູນ, ບ້ານນາໂພ, ບ້ານນ້ຳປູ່, ບ້ານປາກຍັນ, ບ້ານເມືອງຄີ່, ບ້ານນ້ຳຍອນ, ບ້ານນາເທົາ ແລະ ບ້ານນານ້ຳແຜນ.

ມີ 18 ໜວ່ວຍອ້ອມຂ້າງເມືອງຄື: ໜວ່ຍຫ້ອງວ່າການ, ໜວ່ຍອົງການຈັດຕັ້ງມະຫາຊົນ, ໜວ່ຍກຸ່ມການເມືອງ, ໜວ່ຍວັດທະນະທຳ, ໜວ່ຍຊັບພະຍາກອນທຳມະຊາດ ແລະ ສິ່ງແວດລ້ອມ, ໜວ່ຍອຸດສາຫະກຳ – ການຄ້າ, ໜ່ວຍ ປ ກ ຊ, ໜວ່ຍ ປ ກ ສ, ໜວ່ຍແຜນການ – ການເງິນ, ໜວ່ຍສຶກສາ, ໜວ່ຍໂຮງຮຽນ ມສ ເມືອງແມດ, ໜວ່ຍໂຮງຮຽນ ມສ ເມືອງຄີ່, ໜວ່ຍໂຮງຮຽນ ມສ ນາກ້າງປາ, ໜວ່ຍໂຮງຮຽນ ມ ຕົ້ນນ້ຳແຜນ, ໜວ່ຍໂຮງຮຽນປະຖົມເມືອງແມດ, ໜວ່ຍໂຮງຮຽນປະຖົມນາໂພ, ໜວ່ຍໂຮງຮຽນສີບຸນເຮືອງ ແລະ ໜວ່ຍໂຮງຮຽນສາທາ.

ຜ່ານການຈັດຕັ້ງປະຕິບັດຂໍ້ແຂ່ງຂັນ 3 ດີ, ໄດ້ເຮັດໃຫ້ການຈັດຕັ້ງສະຫະພັນແມ່ຍິງມີຄວາມໜັກແໜ້ນເຂັ້ມແຂງ, ຄະນະສະຫະພັນແມ່ຍິງຕະຫຼອດຮອດສະມາຊິກສະຫະພັນແມ່ຍິງບັນດາເຜົ່າໄດ້ມີຄວາມຮັບຮູ້ເຊື່ອມຊຶມຕໍ່ແນວທາງນະໂຍບາຍຂອງພັກ – ລັດ, ກໍ່ຄືເນື້ອໃນຂໍ້ແຂ່ງຂັນ 3 ດີ, ມີສະຕິຕື່ນຕົວເປັນເຈົ້າການໃນການບຸກບືນພັດທະນາຕົນເອງ, ຄອບຄົວ ແລະ ປະກອບສ່ວນເຂົ້າຮ່ວມໃນການພັດທະນາເສດຖະກິດ – ສັງຄົມ, ພ້ອມນີ້ກໍ່ເຮັດໃຫ້ປະກົດຫຍໍ້ທໍ້ຢູ່ໃນໝູ່ແມ່ຍິງກໍ່ຄືຄອບຄົວ – ສັງຄົມຫຼຸດລົງເທື່ອລະກ້າວ, ພ້ອມທັງວາງທິດທາງແຜນໃນຕໍ່ໜ້າເພື່ອສືບຕໍ່ປະຕິບັດຄຳຂວັນ ແລະ ຂໍ້ແຂ່ງຂັນ 3 ດີຕິດພັນກັບຂະບວນການຮັກຊາດ ແລະ ພັດທະນາ, ການສ້າງໜວ່ຍພັກແຂງຮູ້ນຳພາຮອບດ້ານ, ເພື່ອເປັນການປຸກລະດົມຂະບວນການແມ່ຍິງເຂົ້າຮ່ວມການປະຕິບັດຂໍ້ແຂ່ງຂັນ 3 ດີໃຫ້ເປັນຂະບວນຟົດຟື້ນຮັບປະກັນທາງດ້ານປະລິມານ ແລະ ຄຸນນະພາບ, ສືບຕໍ່ສຶກສາອົບຮົມການເມືອງແນວຄິດໃຫ້ສະມາຊິກສະຫະພັນແມ່ຍິງ ແລະ ແມ່ຍິງບັນດາເຜົ່າໃຫ້ມີຄວາມສາມັກຄີປອງດອງຮ່ວມໄມ້ຮ່ວມມືໃນການຈັດຕັ້ງປະຕິບັດສືບຕໍ່ເພີ່ມທະວີຄວາມຮັບຜິດຊອບຂອງແຕ່ລະຂະບວນການ 3 ດີຂອງແຕ່ລະຂັ້ນໃຫ້ຫຼາຍຂື້ນ ແລະ ເອົາໃຈໃສ່ຊຸກຍູ້ກວດກາການແຂ່ງຂັນໃຫ້ເປັນປົກກະຕິ, ຫຼັງຈາກນັ້ນທ່ານ ນາງ ພູ ສະຫວັດພູມ ຮອງປະທານສະຫະພັນແມ່ຍິງເມືອງກໍ່ໄດ້ຂື້ນຜ່ານຂໍ້ຕົກລົງຂອງປະທານສະຫະພັນແມ່ຍິງແຂວງວຽງຈັນ ເລກທີ 07 / ສ ຍ ຂ ລົງວັນທີ 12 ສິງຫາ 2020 ວ່າດ້ວຍ: ການອະນຸມັດຮັບຮອງເອົາບ້ານ ແລະ ໜວ່ຍສະຫະພັນແມ່ຍິງ 3 ດີຄັ້ງທີ່ 3 ສະໄໝທີ່ VII.

ຫຼັງຈາກນັ້ນທ່ານ ຄຳປ່ຽນ ແສງສະຫວັດ ເລຂາພັກເມືອງກໍ່ໄດ້ເປັນກຽດຂື້ນມອບໃບຢັ້ງຢືນຮັບຮອງບ້ານ ແລະ ໜວ່ຍສະຫະພັນແມ່ຍິງ 3 ດີ, ໃຫ້ຈຳນວນ 20 ບ້ານ ແລະ 18 ອ້ອມຂ້າງເມືອງ, ເປັນໜວ່ຍສະຫະພັນແມ່ຍິງ 3 ດີ, ພ້ອມກັນນັ້ນທ່ານປະທານສະຫະພັນແມ່ຍິງເມືອງກໍ່ໄດ້ຂື້ນຜ່ານເນື້ອໃນຂໍ້ແຂ່ງຂັນ 3 ດີ, ຂໍ້ແຂ່ງຂັນ 3 ດີຄື: ພົນລະເມືອງດີ, ມີແບບແຜນດຳລົງຊິວິດທີ່ດີ ການພົວພັນຄອບຄົວ – ສັງຄົມສອດຄ່ອງກັບຮິດຄອງປະເພນີອັນດີງາມຂອງຊາດ ແລະ ລະບຽບກົດໝາຍ ພັດທະນາດີ, ພັດທະນາໃຫ້ມີສຸຂະພາບແຂງແຮງ, ທົນທານຕໍ່ການຈັດຕັ້ງປະຕິບັດໜ້າທີ່ໄດ້ຮັບໝອບໝາຍມີໂອກາດພັດທະນາຕົນເອງ ແລະ ພັດທະນາຄອບຄົວ, ສ້າງຄອບຄົວດີ, ຜົວເມຍຕ້ອງເປັນແບບຢ່າງທີ່ດີໃນການດຳລົງຊິວິດ, ການພົວພັນໃນຄອບຄົວ – ສັງຄົມ, ໃຫ້ສອດຄ່ອງກັບປະເພນີອັນດີງາມຂອງຊາດ ແລະ ລະບຽບກົດໝາຍເພື່ອສ້າງຄອບຄົວໃຫ້ເປັນຄອບຄົວວັດທະນະທຳຄອບຄົວທີ່ໄດ້ຮັບການພັດທະນາ.

ຫຼັງຈາກນັ້ນປະທານສະຫະພັນແມ່ຍິງຮາກຖານຂື້ນຮັບຮອງເອົາຂໍ້ແຂ່ງຂັນ 3 ດີ ພ້ອມທັງຈັບມືເພື່ອສູ້ຊົນຈັດຕັ້ງປະຕິບັດຂໍ້ແຂ່ງຂັນ 3 ດີ, ໃນໂອກາດດຽວກັນນີ້ທ່ານເຈົ້າເມືອງກໍ່ໄດ້ມີຄຳເຫັນໂອ້ລົມຕໍ່ພິທີ, ເຊິ່ງກ່ອນອື່ນທ່ານໄກ້ກ່າວຄຳຍ້ອງຍໍຊົມເຊີຍມາຍັງອົງການຈັດຕັ້ງສະຫະພັນແມ່ຍິງທຸກຂັ້ນທີ່ໄດ້ເອົາໃຈໃສ່ຈັດປະຕິບັດເນື້ອໃນຂໍ້ແຈຂ່ງຂັນ 3 ດີຂອງສະຫະພັນແມ່ຍິງ, ສະນັ້ນທ່ານກໍ່ໄດ້ຮໜກຮ້ອງມາຍັງໜວ່ຍສະຫະພັນແມ່ຍິງບ້ານ ແລະ ໜວ່ຍສະຫະພັນແມ່ຍິງອ້ອມຂ້າງຈົ່ງພ້ອມສູ້ຊົນສືບຕໍ່ຮັກສານາມມະຍົດເນື້ອໃນຂໍ້ແຂ່ງຂັນ 3ດີໄວ້ໃຫ້ໝັ້ນຄົງ, ສືບຕໍ່ຮັກສາມູນເຊື້ອຮີດຄອງປະເພນີອັນດີງາມຂອງຊາດຂອງເຜົ່າໄວ້ໃຫ້ໝັ້ນຄົງຕະຫຼອດໄປ.

ຂ່າວ:ບຸນລ້ອມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031