Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງກາສີ ແຂວງວຽງຈັນ ຈັດງານຕະຫຼາດນັດ-ວາງສະແດງສິນຄ້າ

1 min read

ວັນທີ 02 ຕຸລາ 2020 ຜ່ານມານີ້, ເມືອງກາສີ ແຂວງວຽງຈັນ ໄດ້ຈັດງານຕະ ຫຼາດນັດ-ວາງສະແດງສິນຄ້າ ຢູ່ທີ່ກຸ່ມບ້ານຜາເຈົ້າ,

ໂດຍການໃຫ້ກຽດເປັນປະທານຂອງ ທ່ານ ແພງຄຳ ຈັນທະມຸງຄຸນ ຮອງເລຂາພັກເມືອງ ປະທານກວດກາພັກ-ລັດເມືອງກາສີ, ມີທ່ານ ຄຳເພັດ ທອງພາລິດ ຮອງຫົວໜ້າພະແນກອຸດສາຫະກຳ ແລະ ການຄ້າ ແຂວງວຽງຈັນ ພ້ອມດ້ວຍທີມງານ ຂັ້ນແຂວງ, ມີຄະນະປະຈຳ-ກຳມະການພັກເມືອງ, ມີຫົວໜ້າ-ຮອງຫົວໜ້າຫ້ອງການ, ມີພະນັກງານ ວິຊາການ, ມີການຈັດຕັ້ງບ້ານພາຍໃນກຸ່ມຜາເຈົ້າ ພ້ອມດ້ວຍພໍ່ແມ່ປະຊາຊົນ ຕະຫຼອດຮອດບັນດານັກ ທຸລະກິດ ພໍ່ຄ້າຊາວຂາຍເຂົ້າຮ່ວມຢ່າງພ້ອມພຽງ.


ໃນພິທີໄດ້ຜ່ານຂໍ້ຕົກລົງຂອງທ່ານເຈົ້າເມືອງໆກາສີ ວ່າດ້ວຍ ການອະນຸມັດຈັດງານ ຕະຫລາດນັດ ຢູ່ກຸ່ມຜາເຈົ້າ,

ຈາກນັ້ນ ທ່ານ ຈັນປະເສີດ ບຸດດາວົງ ຮັກສາການຫົວໜ້າຫ້ອງການ ອຸດສາຫະກຳ ແລະ ການຄ້າ ເມືອງກາສີ ໄດ້ຂື້ນຜ່ານບົດລາຍງານໂດຍຫຍໍ້ ກ່ຽວກັບການກະກຽມ ງານຕະຫລາດນັດ, ເຊິ່ງມີເນື້ອໃນລະອຽດຄື: ກຸ່ມບ້ານຜາເຈົ້າຕັ້ງຢູ່ທາງທິດເໜືອ ຂອງເມືອງກາສີ, ຫ່າງຈາກເທດສະບານເມືອງ ປະມານ 12 ກິໂລແມັດ ປະກອບມີ 10 ໝູ່ບ້ານ ແລະ 3 ຊົນເຜົ່າ ອາໄສຢູ່ຄື: ເຜົ່າລາວລຸ່ມ, ເຜົ່າກຶ່ມມຸ, ເຜົ່າມົ້ງ, ມີປະຊາຊົນສ່ວຍຫຼາຍ ແມ່ນຖືເອົາການປູກຝັງ- ລ້ຽງສັດເປັນອາຊີບຕົ້ນຕໍ ແລະ ຄ້າຂາຍຈຳນວນໜຶ່ງ.

ການຈັດງານຕະຫຼາດນັດຄັ້ງນີ້ ແມ່ນເພື່ອຊ່ວຍ ໂຄສະນາທ່າແຮງບົ່ມຊ້ອນຄວາມອຸດົມສົມບູນທາງດ້ານສີນຄ້າກະສິກຳ, ສີນຄ້າສຳເລັດຮູບ, ເປັນການໂຄສະນາດ້ານເອກະລັກວັດທະນະທຳ ແລະ ຄວາມຫຼາກຫຼາຍ ທາງດ້ານຮີດຄອງປະເພນີ ເພື່ອໃຫ້ນັກທຸລະກິດ, ຜູ້ປະກອບການ, ຜູ້ລົງທືນ ແລະ ພໍ່ແມ່ປະຊາຊົນໄດ້ມີໂອກາດພົບປະແລກປ່ຽນ ຊື້-ຂາຍສີນຄ້າເຊີ່ງກັນ ແລະ ກັນ, ການວາງສະແດງສີນຄ້າຄາດວ່າມີປະມານ 20 ຮ້ານ, ໃນນັ້ນຕົວແທນພາກລັດມີ 3 ຫົວໜ່ວຍ ມູນຄ່າ 6 ລ້ານກວ່າກີບ, ຫົວໜ່ວຍຖຸລະກິດທົ່ວໄປ 17 ຫົວໜ່ວຍ ມູນຄ່າ 418 ລ້ານກວ່າກີບ ແລະ ມີຜູ້ເຂົ້າບໍລິການທ່ຽວຊົມປະມານ 500 ກ່ວາຄົນ,


ໃນຕອນທ້າຍ ທ່ານ ແພງຄຳ ຈັນທະມຸນຄຸນ ຮອງເລຂາພັກເມືອງ ປະທານກວດກາພັກ-ລັດກໍ່ໄດ້ມີຄຳເຫັນໂອລົມຕໍ່ພິທີ ເຊິ່ງທ່ານໄດ້ກ່າວສະແດງຄວາມຍ້ອງຍໍຊົມເຊີຍຕໍ່ ຄະນະຮັບຜິດຊອບໃນການຈັດງານຕະຫຼາດນັດວາງສະແດງ ແລະ ຈຳໜ່າຍສິນຄ້າໃນຄັ້ງນີ້, ເຊິ່ງເປັນການຊຸກຍູ້ສົ່ງເສີມການຜະລິດກະສິກຳ, ຜະລິດພັນປຸງແຕ່ງ, ຫັດຖະກຳຈັກສານ, ຕ່ຳຫູກທໍໄໝ ແລະ ສິນຄ້າທົ່ວໄປຂອງປະຊາຊົນບັດດາເຜົ່າ ໃຫ້ໄດ້ຮັບການວາງສະແດງບໍລິການຄ້າຂາຍໃນງານຕະຫຼາດນັດ ເພື່ອເປັນການສົ່ງເສີມ ແລະ ແກ້ໄຂຊີວິດການເປັນຢູ່ຂອງປະຊາຊົນໃຫ້ດີຂື້ນ, ທັງນີ້ກໍ່ເພື່ອເປັນການສ້າງຜົນງານຄຳນັບຮັບຕ້ອນກອງປະຊຸມໃຫ່ຍອົງຄະນະພັກຂອງແຂວງຄັ້ງທີ VI ທີ່ຈະໄຂຂື້ນໃນຕໍ່ໜ້ານີ້ ໃຫ້ມີເນື້ອໃນອັນເລີກເຊິ່ງ ແລະ ເປັນຂະບວນການຟົດຟື້ນຍິ່ງຂື້ນ.

ພ້ອມກັນນັ້ນ ທ່ານ ແພງຄຳ ຈັນທະມຸນຄຸນ ກໍ່ໄດ້ໃຫ້ກຽດຕັດແຖບຜ້າເປິດງານຕະຫຼາດນັດຢ່າງເປັນທາງການ, ພ້ອມທັງທ່ຽວຊົມງານວາງສະແດງສິນຄ້າຢ່າງມີບັນຍາກາດຟົດຟື້ນ.

( ຂ່າວ: ເມືອງກາສີ )

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031