Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ໂຮງຮຽນ ມສ ຫີນເຫີບ ສະເຫຼີມສະຫຼອງວັນຄູແຫ່ງຊາດ ຄົບຮອບ 26 ປີ

1 min read

ໂຮງຮຽນ ມສ ຫີນເຫີບ ສະເຫຼີມສະຫຼອງວັນຄູແຫ່ງຊາດ ຄົບຮອບ 26 ປີ


ວັນທີ 5 ຕຸລາ 2020 ຢູ່ທີ່ສະໂມສອນໂຮງຮຽນ ມສ ຫີນເຫີບ ສະເຫຼີມສະຫຼອງວັນຄູແຫ່ງຊາດ ຄົບຮອບ 26 ປີ ( 7 / 10 / 1994 – 7 / 10 / 2020 )

ໂດຍການເຂົ້າຮ່ວມຂອງ ທ່ານ ໂອລົດ ສີສູນທອນ ກໍາມະການພັກເມືອງ ຮອງເຈົ້າເມືອງຫີນເຫີບ, ມີ ທ່ານ ຄໍາສອນ ຈັນທະລັງສີ ກໍາມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາ, ທ່ານ ຄໍາເກັ່ງ ເພັດສີລາ ເລຂາໜ່ວຍພັກ ອໍານວຍການໂຮງຮຽນ ມສ ຫີນເຫີບ, ມີຄະນະປະຈໍາ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ຜູ້ຊົງຄຸນວຸດທິ, ຄະນະພັດທະນາການສຶກສາຂັ້ນບ້ານ, ຄູ – ອາຈານ ແລະ ນ້ອງນັກຮຽນເຂົ້າຮ່ວມ.


ການຈັດພິທີເລົ່າມູນເຊື້ອຫວນຄືນວັນຄູແຫ່ງຊາດຄັ້ງນີ້ກໍ່ເພື່ອລະນຶກເຖິງວັນຄູ ຄົບຮອບ 26 ປີກໍ່ຄືຜົນງານ ແລະ ໄຊຊະນະຂອງຄູລາວທົ່ວປະເທດເປັນການເສີມສ້າງພາລະບົດບາດຂອງຄູໃຫ້ມີບົດບາດສູງເດັ່ນຂຶ້ນເລື້ອຍໆ ພ້ອມນີ້ຍັງແນໃສ່ໃຫ້ນ້ອງນັກຮຽນຕະຫຼອດຮອດພໍ່ແມ່ປະຊາຊົນທົ່ວສັງຄົມໄດ້ມີຄວາມຮັບຮູ້ຄວາມໝາຍຄວາມສໍາຄັນຂອງວັນຄູແຫ່ງຊາດ.


ທ່ານ ທ່ານ ຄໍາເກັ່ງ ເພັດສີລາ ເລຂາໜ່ວຍພັກ ອໍານວຍການໂຮງຮຽນ ມສ ຫີນເຫີບໄດ້ໃຫ້ກຽດຫວນຄືນປະຫວັດວັນຄູແຫ່ງຊາດ ຄົບຮອບ 26 ປີ ເຊິ່ງທ່ານໄດ້ຍົກໃຫ້ເຫັນປະຫວັດຄວາມເປັນມາຂອງຄູຢູ່ໃນລາວທີ່ສ້າງໄດ້ ຜົນງານອັນພົ້ນເດັ່ນໃນຫຼາຍດ້ານ ໂດຍສະເພາະຜົນງານຂອງນາຍຄູຄໍາເປັນຄູຜູ້ທີໜຶ່ງໄດ້ຕັ້ງໜ້າປະກອບເຂົ້າໃນຂະບວນການຕໍ່ສູ້ຂອງປະຊາຊົນລາວຕໍ່ການກົດຂີ່ຂູດຮີດຂອງພວກຈັກກະພັດຜູ້ຮຸກຮານ ອັນໄດ້ສ້າງເງື່ອນໄຂໃຫ້ແກ່ປະຊາຊົນລາວບັນດາເຜົ່າໄດ້ລຸກຮື້ຂຶ້ນຍຶດອໍານາດ ເຊິ່ງໄດ້ເປັນບາດລ້ຽວທີ່ສໍາຄັນໃນການກ້າວໄປປົດປ່ອຍປະເທດຊາດໃນປີ 1975 ໄດ້ຢ່າງສະຫງ່າງາມຜ່າເຜີຍ ພ້ອມນນີ້ທ່ານຍັງໄດ້ຍົກໃຫ້ເຫັນຜົນສໍາເລັດວຽກງານການສຶກສາພາຍໃນເມືອງຫີນເຫີບກໍ່ມທ່າກ້າວດີຂຶ້ນທັງປະລິມານ ແລະ ຄຸນນະພາບ ເປັນຕົ້ນໄດ້ເອົາໃຈໃສ່ປັບປຸງລະບົບການບໍລິຫານຄຸ້ມຄອງການສຶກສາຂັ້ນຕ່າງໆໃຫ້ດີຂຶ້ນ,

ຍົກໃຫ້ເຫັນລະດັບຄວາມຮູ້ວິຊາສະເພາະໃຫ້ແກ່ຄູ ເຮັດໃຫ້ການຮຽນ – ການສອນນັບມື້ມີຄຸນນະພາບດີຂຶ້ນສາມາດສ້າງໄດ້ນັກຮຽນເກັ່ງເຂົ້າຮ່ວມສອບເສັງລະດັບເມືອງ, ແຂວງ ແລະ ລະດັບຊາດ.

ໃນພິທີກໍ່ຍັງໄດ້ມີການມອບໃບຍ້ອງຍໍຂັ້ນສູນກາງ, ຂັ້ນແຂວງ ແລະ ຂັ້ນເມືອງຈໍານວນ 79 ໃບໃຫ້ແກ່ຄູ – ອາຈານທີ່ມີຜົນງານດີເດັ່ນໃນວຽກງານການສິດສອນໃນໄລຍະຜ່ານມາ.

ຂ່າວ ເມືອງຫີນເຫີບ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031