Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມປະສານງານ ປະຈຳໄຕມາດທີ III ຂອງໂຄງການຍ່ອຍ ຄສລ2-ພຊສ ແຂວງວຽງຈັນ

1 min read

ກອງປະຊຸມປະສານງານ ປະຈຳໄຕມາດທີ III ຂອງໂຄງການຍ່ອຍ ຄສລ2-ພຊສ ແຂວງວຽງຈັນ.


ວັນທີ 8 ຕຸລາ 2020 ຜ່ານມາ, ຢູ່ທີ່ຫ້ອງປະຊຸມຂອງພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງວຽງຈັນ,ໄດ້ຈັດກອງປະຊຸມປະສານງານ ປະຈຳໄຕມາດທີ III ຂອງໂຄງການຍ່ອຍ ຄສລ2-ພຊສ ແຂວງວຽງຈັນ.

ໂດຍການເປັນປະທານຂອງທ່ານ ບົວພັນ ສີວົງໄຊ ຮອງຫົວໜ້າພະແນກ ພກສ ແຂວງວຽງຈັນ, ແຂກຖຶກເຊີນຈາກກະຊວງ, ແຂວງ, ຜູ້ປະສານງານຈາກພະແນກການຕະຫລອດຮອດພາກສ່ວນບໍລິສັດທີ່ປຶກສາ ແລະ ບໍລິສັດຮັບເໝົາໂຄງການເຂົ້າຮ່ວມ.


ກອງປະຊຸມຄັ້ງນີ້ແມ່ນເພື່ອລາຍງານການເຄື່ອນໄຫວຈັດຕັ້ງປະຕິບັດວຽກງານໃນໄລຍະຜ່ານມາ ປະຈຳໄຕມາດທີIII ຂອງໂຄງການຍ່ອຍ ຄສລ2-ພຊສ ແຂວງວຽງຈັນ ແລະ ປຶກສາຫາລືການອອກອະນຸຍາດໃບຢັ້ງຢືນສິ່ງແວດລ້ອມໃຫ້ກັບໂຄງການກໍ່ສ້າງທາງ.ກໍ່ຄືການຈັດຕັ້ງປະຕິບັດໜ້າທີ່ວຽກງານ 9 ເດືອນປີ 2020 ທີ່ບາງໜ້າວຽກງານກໍ່ໄດ້ຕິດພັນກັບກົມກອງຂັ້ນສູນກາງ ແລະ ພະແນກການຂັ້ນແຂວງ.

ກອງປະຊຸມໄດ້ຮັບຟັງການລາຍງານຂອງຄະນະຄຸ້ມຄອງໂຄງການຍ່ອຍ ຄສລ2, ຜ່ານບົດສະຫລຸບສັງລວມວຽກງານ 9 ເດືອນ ປີ 2020.ໜ້າວຽກຈຸດສຸມ, ທິດທາງແຜນການຕໍ່ໜ້າ ແລະ ຮ່ວມກັນປຶກສາຫາລືວຽກງານທີ່ຕ້ອງສຶບຕໍ່ຊຸກຍູ້ໃຫ້ສອງບໍລິສັດຮັບເໝົາໂຄງການກໍ່ສ້າງທາງໄດ້ອອກອະນຸຍາດໃບຢັ້ງຢືນສິ່ງແວດລ້ອມທີ່ທາງຄະນະກຳມະການລົງຊຸກຍູ້ ຕິດຕາມກວດກາ ແລະ ສ້າງບົດບັນທຶກພາກສະໜາມ ໃນໄລຍະປີ 2018 ຜ່ານມາ.

ກໍ່ຄືບໍລິສັດ ບຸນໂຮມ ກໍ່ສ້າງຂົວ-ທາງ ຈຳກັດ ແລະ ບໍລິສັດ ເຮືອງສີ ກໍ່ສ້າງຂົວ-ທາງ ຈຳກັດ. ກອງປະຊຸມໃນຄັ້ງນີ້ແມ່ນເພື່ອພ້ອມກັນປຶກສາຫາລື, ເພື່ອຄວາມເປັນເອກະພາບ ແລະ ເພື່ອຊອກຫາວິທີທາງອອກນຳກັນ.

ແນໃສ່ເພື່ອອອກໃບຢັ້ງຢືນດ້ານສິ່ງແວດລ້ອມໃຫ້ກັບໂຄງການດັ່ງກ່າວ, ເພື່ອເຮັດແນວໃດໃຫ້ສອງບໍລິສັດນີ້ໄດ້ມີໃບຢັ້ງຢືນດ້ານສິ່ງແວດລ້ອມ.

ຂ່າວ:ແຂວງວຽງຈັນອອນລາຍ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031