Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເຈົ້າເມືອງໆແມດຊຸກຍູ້ວຽກງານກຸ່ມເທດສະບານ

1 min read

ວັນທີ່ 8 ຕຸລາ 2020 ນີ້, ຢູ່ທີ່ສະໂມສອນຂອງເມືອງແມດ ແຂວງວຽງຈັນ ໄດ້ມີກອງປະຊຸມສະຫຼຸບວຽກງານຂອງກຸ່ມເທດສະບານເມືອງໃນໄລຍະຜ່ານມາ,

ໂດຍເປັນປະທານຂອງທ່ານ ຄຳປ່ຽນ ແສງສະຫວັດ ເລຂາພັກເມືອງ ເຈົ້າເມືອງໆແມດ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ເລຂາພັກບ້ານ – ນາຍບ້ານພາຍໃນກຸ່ມເທດສະບານເຂົ້າຮ່ວມ, ກອງປະຊຸມໃນຄັ້ງນີ້ ທ່ານ ດຣ ສີທົນ ຕັນມິ່ງ ກຳມະການພັກເມືອງ ຫົວໜ້າຫ້ອງການສາທາເມືອງ ເປັນຜູ້ນຳວຽກງານກຸ່ມເທດສະບານເມືອງແມດ ກໍ່ໄດ້ຂື້ຜ່ານບົດສະຫຼຸບການຈັດຕັ້ງປະຕິບັດວຽກງານຢູ່ກຸ່ມເທດສະບານໃນໄລຍະ 3 ເດືອນຜ່ານມາ, ເຊິ່ງຍົກໃຫ້ເຫັນສະພາບພົນລະເມືອງ ເຊິ່ງກຸ່ມເທດສະບານປະກອບດ້ວຍ 7 ບ້ານຄື: ບ້ານເມືອງແມດ,

ບ້ານນາໂພ, ບ້ານນ້ຳຮວາງ, ບ້ານຫ້ວຍປ່າໝາກ, ບ້ານນ້ຳເຟືອງ, ບ້ານນາປາຈາດ ແລະ ບ້ານຫາດຍາວ, ມີ 1, 177 ຫຼັງຄາເຮືອນ, ມີ 1, 233 ຄອບຄົວ, ມີພົນລະເມືອງທັງໝົດ 6, 125 ຄົນ, ຍິງ 3, 161 ຄົນ, ມີ 3 ຊົນເຜົ່າໃຫຍ່ຄື: ເຜົ່າລາວລຸ່ມມີ 4, 791 ຄົນ, ຍິງ 2, 342 ຄົນ, ເຜົ່າກຶມມຸມີ 1, 331 ຄົນ, ຍິງ 816 ຄົນ, ເຜົ່າມົ້ງມີ 3 ຄົນ, ຍິງ 3 ຄົນ, ໃນໄລຍະ 3 ເດືອນຜ່ານມາຄະນະຊີ້ນຳໄດ້ນຳເອົາເອກະສານນິຕິກຳຕ່າງໆຂອງຂັ້ນເທິງໂດຍສະເພາກໍ່ແມ່ນມະຕິຂອງກົມການເມືອງສູນກາງພັກ, ມະຕິ X ຂອງສູນກາງພັກ, ເອກະສານຕ້ານ ແລະ ສະກັດກັ້ນປະກົດການຫຍໍ້ທໍ້, ເອກະສານຫັນປ່ຽນໂດຍສັນຕິຂອງສັດຕູ,

ເອກະສານການນຳພາການເມຶອງແນວຄິດລົງເຊື່ອມຊຶມໃຫ້ປະຊາຊົນບັນດາເຜົ່າຢູ່ພາຍໃນກຸ່ມເທດສະບານຢ່າງທົ່ວເຖິງ, ກຸ່ມເທດສະບານມີກຳລັງກອງຫຼອນທັງໝົດ 93 ສະຫາຍ ແລະ ທົ່ວກຸ່ມມີ ປ ກ ສ ກຸ່ມ 10 ສະຫາຍ, ໃນໄລຍະຜ່ານມາໄດ້ເອົາໃຈໃສ່ເຄື່ອນໄຫວປ້ອງກັນເວນຍາມກວດກາລາດຕະເວນເປັນປົກກະຕິຕາມຂອບເຂດຕົນຮັບຜິດຊອບ, ມີການກວດກາຄົນເຂົ້າ – ອອກ ແກ້ໄຂປະກົດການຫຍໍ້ທໍ້ຕ່າງໆຢູ່ພາຍໃນກຸ່ມໃຫ້ລຸດໜ້ອຍຖອຍລົງ ສາມາດເຮັດໃຫ້ກຸ່ມເທດສະບານມີຄວາມສະຫງົບປອດໄພ, ກຸ່ມເທດສະບານມີເນື້ອທີ່ນາທັງໝໝົດ 234, 05 ເຮັກຕາ,

4, 5 ໂຕນ/ ເຮັກຕາ, ມີຊົນລະປະທານທັງໝົດ 17 ແຫ່ງ, ຝາຍເບຕົງເສີມເຫຼັກ 13 ແຫ່ງ, ຝາຍດິນ 4 ແຫ່ງ, ສາມາດຫົດເນື້ອທີ່ນາ 234, 05 ເຮັກຕາ, ເນື້ອທີ່ລ້ຽງສັດ 60 ເຮັກຕາ, ມີໜອງປາ 118 ໜອງ, ມີສັດລ້ຽງປະເພດຕ່າງໆ: ມີຄວາຍປະມານ 1,541 ໂຕ, ງົວ 2,786 ໂຕ, ໝູ 3,175 ໂຕ, ມີເສັ້ນທາງເຂົ້າເຖິງບ້ານ, ມີລົດໄຖນາ 139 ຄັນ, ລົດກະບະ 53 ຄັນ, ລົດບັນທຸກ 59 ຄັນ,

ພາຍໃນກຸ່ມເທດສະບານໄດ້ຊົມໃຊ້ໄຟຟ້າຢ່າງທົ່ວເຖິງ, ມີໂຮງຮຽນອານຸບານ 6 ແຫ່ງ, ປະຖົມ 6 ແຫ່ງ, ມັດທະຍົມ 1 ແຫ່ງ, ໄດ້ເປີດການຮຽນ-ການສອນແຕ່ອານຸບານຮອດມັດທະຍົມມໍ 7 ເປັນປົກກະຕິ, ມີໂຮງເມືອງ 1 ແຫ່ງ, ມີວັດ 10 ແຫ່ງ, ມີພະສົງ 13 ອົງ, ມີເຮືອນພັກ 8 ຫຼັງ, ມີຄວາມຮູ້ທາງດ້ານຂ່າວສານໜັງສືພິມ, ວິທະຍຸ, ໂທລະພາບ ແລະ ອື່ນໆ,

ໄດ້ປະກາດເປັນບ້ານວັດທະນະທຳແລ້ວ 6 ບ້ານ, ປະຊາຊົນບັນດາເຜົ່າພາຍໃນກຸ່ມໄດ້ເອົາໃຈໃສ່ສົ່ງເສີມປົກຮັກສາຮີດຄອງປະເພນີອັນດີງາມຂອງເຜົ່າ, ຂອງຊາດໄວ້ເປັນຢ່າງດີ, ຫຼັງຈາກນັ້ນທ່ານເຈົ້າເມືອງກໍ່ໄດ້ມີຄຳເຫັນໂອ້ລົມຕໍ່ກອງປະຊຸມ ເຊິ່ງທ່ານໄດ້ຊີ້ນຳເປັນຕົ້ນແມ່ນວຽກງານການເມືອງແນວຄິດ, ໃຫ້ເອົາໃຈໃສ່ສຶກສາອົບຮົມການເມືອງແນວຄິດໃຫມີຄວາມອຸ່ນອຽງທຸ່ນທ່ຽງເຊື່ອໝັ້ນຕໍ່ການນຳພາຂອງພັກ,

ເອົາໃຈໃສ່ຮັດແໜ້ນຄວາມສາມັກຄີທົ່ວປວງຊົນໃຫ້ເປັນປຶກແຜ່ນແໜ້ນໜາ, ໃຫ້ເອົາໃຈໃສ່ລົງຊຸກຍູ້ພໍ່ແມ່ປະຊາຊົນບັນດາປູກຝັງ – ລ້ຽງສັດ, ລົງຕິດຕາມສົ່ງເສີມການປູກການລ້ຽງຂອງພໍ່ແມ່ປະຊາຊົນໂດຍສະເພາະກໍ່ແມ່ນການປູກພຶດລະດູແລ້ງ ເຮັດໃຫ້ຫຼາຍໃຫ້ກາຍເປັນສິນຄ້າ ເພື່ອແກ້ໄຂຊິວິດການເປັນຢູ່ຂອງປະຊາຊົນບັນດາເຜົ່າໃຫ້ນັບມື້ດີຂື້ນ, ສືບຕໍ່ວຽກງານປ້ອງກັນຊາດ-ປ້ອງກັນຄວາມສະຫງົບ,ເຮັດໃຫ້ພາຍໃນກຸ່ມເທດສະບານມີຄວາມໜັກແໜ້ນທາງດ້ານການເມືອງ,ສັງຄົມມີຄວາມສະຫງົບປອດໄພໂດຍພື້ນຖານ.

ຂ່າວ:ບຸນລ້ອມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031