Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມ ຄົບຄະນະບໍລິຫານງານສະຫະພັນນັກຮົບເກົ່າຄັ້ງທີ II ສະໄໝທີ I. 

1 min read

ກອງປະຊຸມ ຄົບຄະນະບໍລິຫານງານສະຫະພັນນັກຮົບເກົ່າຄັ້ງທີ II ສະໄໝທີ I.


ວັນທີ 8 ຕຸລາ 2020 ເມືອງໝື່ນໃດ້ຈັດກອງປະຊຸມຄົບຄະນະບໍລິຫານງານສະຫະພັນນັກຮົບເກົ່າຄັ້ງທີ II ສະໄໝທີ I ແລະ ປະຖະກາຖາ ວັນສ້າງຕັ້ງສະຫະພັນນັກຮົບເກົ່າລາວ ຄົບຮອບ 18 ປີ ຂື້ນ ຢ່າງເປັນທາງການທີ່ສະໂມສອນຫ້ອງວ່າການປົກຄອງເມືອງໝື່ນ ແຂວງວຽງຈັນ,

ເຂົ້າຮ່ວມໂດຍທ່ານ ພອນເທີດ ສຸຫວັດດີ ເລຂາພັກເມືອງ ວ່າການເຈົ້າເມືອງ-ເມືອງໝື່ນ, ມີທ່ານ ມິດສາຄອນ ອິນທະປັດຖາ ຄະນະປະຈຳພັກເມືອງ ປະທານ ແນວລາວສ້າງຊາດເມືອງ, ມີທ່ານ ຮ້ອຍເອກ ສີວື່ ໄຊຈູໜາວສໍ ຄະນະບໍລິຫານງານສະຫະພັນນັກຮົບເກົ່າແຂວງວຽງຈັນ ປະທານສະຫະພັນນັກຮົບເກົ່າເມືອງໝື່ນ, ມີກໍາມະການພັກເມືອງ, ຫົວໜ້າຫ້ອງການ ພ້ອມທັງໜ່ວຍຮາກຖານສະມາຊິກນັກຮົບເກົ່າເຂົ້າຮ່ວມ.


ໃນພິທີທ່ານ ຮ້ອຍເອກ ສີວື່ ໄຊຈູໜາວສໍ ຄະນະບໍລິຫານງານສະຫະພັນນັກຮົບເກົ່າແຂວງວຽງຈັນ ປະທານສະຫະພັນນັກຮົບເກົ່າເມືອງໝື່ນ

ໃຫ້ກຽດກ່າວເປີດພິທີ່ຢ່າງເປັນທາງການແລ້ວກໍ່ໃດ້ຜ່ານບົດສະຫຼຸບ ການຈັດ ຕັ້ງປະຕິບັດວຽກງານຮອບດ້ານ 2019-2020 ແລະ ທິດທາງແຜນການປີ 2021 ເຊິ່ງໃຫ້ຮູ້ວ່າ ຫ້ອງການສະຫະພັນນັກຮົບເກົ່າເປັນເສນາທິການໃຫ້ຄະນະໃນການສ້າງບົດສະຫຼຸບແຜນການ ແລະ ເປັນໃຈກາງຂອງວຽກງານບໍລິຫານດ້ານເອກະສານຊ່ວຍຄະນະ, ນຳເອົາລະບຽບ,ກົດໝາຍ, ມະຕິ ແລະ ນິຕິກຳອື່ນໆຂອງສະ ຫະພັນນັກຮົບເກົ່າແຫ່ງຊາດມາເຜີຍແຜ່ເຊື່ອມຊືມ

ເພື່ອໃຫ້ສະມາຊິກນັກຮົບເກົ່າໃດ້ຮັບຮູ້, ສຶກສາອົບຮົມພະ ນັກງານຜູ້ຮັບຜິດຊອບຈຸໜ່ວຍນັກຮົບເກົ່າຢູ່ແຕ່ລະບ້ານໃຫ້ມີຄວາມໜັກແໜ້ນ,ເຕົ້າໂຮມຄວາມສາມັກຄີ ທາງພາຍໃນ ແລະ ພາຍນອກ, ສ້າງແບບແຜນຊີວິດໃຫ້ດີຕາມວຽກງານ 3ດີ 6 ຮັກ ຂອງສະຫະພັນນັກຮົບເກົ່າແຫ່ງຊາດວາງອອກ.


ຈາກນັ້ນທ້າຍກອງປະຊຸມ ທ່ານ ພອນເທີດ ສຸຫວັດດີ ເລຂາພັກເມືອງ ວ່າການເຈົ້າເມືອງ-ເມືອງໝື່ນ ກໍ່ໃຫ້ກຽດຂື້ນປະຖະກາຖາ ເລົ່າມູນເຊື່ອປະຫວັດການເປັນມາຂອງວັນສ້າງຕັ້ງສະຫະພັນນັກຮົບເກົ່າລາວ ຄົບຮອບ 18 ປີ ແລ້ວທ່ານກໍ່ໃດ້ໃຫ້ກຽດໂອ້ລົມຕໍ່ກອງປະຊຸມ

ພ້ອມທັງມອບຫຼຽນກາກຽດຕິຄຸນກະຊວງປ້ອງກັນປະເທດ ມີ 4 ສະຫາຍ, ກາຄົບຮອບ 70 ປີ 19 ສະຫາຍ,ໃບຍ້ອງຍໍ 3 ດີ 6 ຮັກສາຈາກສະຫະພັນນັກຮົບເກົ່າແຫ່ງຊາດລາວ ຈໍານວນ 12 ສະຫາຍ, ໃບຍ້ອງຍໍ ຈາກແຂວງ 26 ສະຫາຍ, ໃບຍ້ອງຍໍຈາກເມືອງ 26 ສະຫາຍ, ແລ້ວກໍ່ມີການມອບຂອງຂັວນເພື່ອອວຍພອນຕື່ມອີກ.

ຂ່າວ: ເມືອງໝື່ນ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed