Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງຊະນະຄາມ ແຂວງວຽງຈັນພິທີສະເຫຼີມສະຫຼອງວັນສາຍຕາໂລກ ວັນທີ 8 ຕຸລາ 2020

1 min read

ເມືອງຊະນະຄາມ ແຂວງວຽງຈັນພິທີສະເຫຼີມສະຫຼອງວັນສາຍຕາໂລກ ວັນທີ 8 ຕຸລາ 2020

ວັນທີ 8 ຕຸລາ 2020 ທີ່ຜ່ານ, ຢູ່ທີ່ສະໂມສອນເມືອງຊະນະຄາມ ແຂວງວຽງຈັນ ໄດ້ຈັດພິທີສະເຫຼີມ ສະຫຼອງວັນສາຍຕາໂລກຂຶ້ນ,

ໂດຍການໃຫ້ກຽດເຂົ້າຮ່ວມເປັນປະທານຂອງທ່ານ ສະໝານ ວິເສດຍະພົງສ໌ ເລຂາພັກເມືອງ ເຈົ້າເມືອງຊະນະຄາມ, ມີທ່ານ ດຣ ອິນປອນ ມະນີແສງ ເລຂາຄະນະພັກຮາກຖານ ຫົວໜ້າພະແນກສາທາລະນະສຸກແຂວງວຽງຈັນ ແລະ ທ່ານ ດຣ ສີໂຫ ແສງສະຫວ່າງ ຮອງຫົວໜ້າອໍານວຍການໂຮງໝໍແຂວງວຽງຈັນ, ມີບັນດາຄະນະປະຈໍາພັກເມືອງ,

ກໍາມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ພະນັກງານຫຼັກແຫຼ່ງ, ປກຊ-ປກສ, ລັດວິສະຫະກິດ, ບັນດາຫົວໜ່ວຍທຸລະກິດ-ພໍ່ຄ້າຊາວຂາຍ ແລະ ປະຊາຊົນພາຍໃນເມືອງ ເຂົ້າຮ່ວມຢ່າງເປັນຂະບວນຟົດຟື້ນ.


ຈຸດປະສົງ ກໍ່ເພື່ອເປັນການປຸກລະດົມທົ່ວສັງຄົມ ໄດ້ຍົກສູງຄວາມຮັບຮູ້ ແລະ ຄວາມເຂົ້າໃຈກ່ຽວກັບບັນຫາສຸຂະພາບຕາ ເປັນຕົ້ນແມ່ນວິທີປ້ອງກັນບັນດາພະຍາດຕ່າງໆກ່ຽວກັບຕາ ແລະ ວິທີປິ່ນປົວຢ່າງຖືກຕ້ອງ, ທັງເປັນການເປີດກວ້າງການຮັກສາສຸຂະພາບຕາຢ່າງທົ່ວເຖິງ, ຫຼຸດຜ່ອນຄວາມສ່ຽງທີ່ເປັນສາເຫດໃຫ້ຄວາມສາມາດໃນການເບິ່ງບໍ່ເຫັນ ຫຼື ຕາບອດໃຫ້ຫຼຸດນ້ອຍຫຼອຍລົງ, ເຊິ່ງນັບປີ 1999

ເປັນຕົ້ນມາກິດຈະກໍາໃນວັນສໍາຄັນດັ່ງກ່າວ ເວົ້າລວມເວົ້າສະເພາະ ຢູ່ປະເທດລາວຂອງພວກເຮົາ ກໍ່ໄດ້ພ້ອມກັນສືບຕໍ່ຈັດຕັ້ງປະຕິບັດໄດ້ດີຕະຫຼອດມາ ພາຍໃຕ້ຄໍາຂວັນ: ” ສິດທິໃນການເບິ່ງເຫັນ ທຸກຄົນຕ້ອງມີສາຍຕາທີ່ດີ ” ເຊິ່ງໄດ້ປະກາດໃຊ້ໃນປີດັ່ງກ່າວ ເພື່ອປະຕິບັດຍຸດທະສາດລຶບລ້າງຄົນຕາບອດໃຫ້ໝົດໄປ.


ໃນພິທີ ທີ່ມີຄວາມໝາຍຄວາມສໍາຄັນດັ່ງກ່າວ ບັນດາຄະນະປະທານ ແລະ ຜູ່ເຂົ້າຮ່ວມ ຍັງໄດ້ເປັນສັກຂີພະຍານໃນການເປີດດວງຕາໃຫ້ແກ່ຄົນເຈັບ ທີ່ໄດ້ເຂົ້າຮັບການຜ່າຕັດ ໃນລະຫວ່າງວັນທີ 6 ຫາ 7 ຕຸລາ 2020 ທີ່ຜ່ານມາຢູ່ທີ່ຫ້ອງການສາທາລະນະສຸກເມືອງ, ທີ່ທາງໜ່ວຍງານປິ່ນປົວ ແລະ ຮັກສາສຸຂະພາບຕາຂັ້ນແຂວງ ໂຮງໝໍແຂວງວຽງຈັນ ໄດ້ສົມທົບກັບໂຮງໝໍເມືອງຊະນະຄາມໄດ້ຕັ້ງຂຶ້ນ, ເຊິ່ງມີຈໍານວນຄົນເຈັບເຂົ້າຮັບການປິ່ນປົວ ແລະ ຜ່າຕັດທັງໝົດ 29 ຄົນ, ຍິງ 20 ຄົນ.


ໃນຕອນທ້າຍຂອງພິທີ ຄະນະປະທານ ຍັງໄດ້ຮຽກຮ້ອງມາຍັງທຸກພາກສ່ວນໃນທົ່ວສັງຄົມ ຈົ່ງເພີ່ມທະວີເອົາໃຈໃສ່ປຸກລະດົມໂຄສະນາປະຊາສໍາພັນ ກ່ຽວກັບການຮັກສາສຸຂະພາບທາງສາຍຕາໃຫ້ເປັນທີ່ຮັບຮູ້ຢ່າງກວ້າງຂວາງ ແລະ ທົ່ວເຖິງ, ໂດຍສະເພາະແມ່ນການປະກອບສ່ວນຊຸກຍູ້ແຂງແຮງຈາກບັນດາຄະນະພັກ, ອົງການປົກຄອງທຸກຂັ້ນ,

ອົງການຈັດຕັ້ງມະຫາຊົນ ແລະ ປະຊາຊົນບັນດາເຜົ່າທົ່ວສັງຄົມ ໄດ້ພ້ອມກັນເອົາໃຈໃສ່ປະຕິບັດ, ເພື່ອບັນລຸມາດຕະຖານອັນສູງສຸດຂອງວຽກງານຄື: ( ສິດທິໃນການເບິ່ງເຫັນ) ເຊິ່ງເປັນບຸລິມະສິດອັນດັບໜຶ່ງທີ່ທາງກະຊວງສາທາລະນະສຸກ ໄດ້ກໍານົດອອກ.

ຂ່າວໂດຍ: ສະຫລິງ .

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed