Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີປະກາດເມືອງຫີນເຫີບ ເປັນເມືອງສະຫະພັນແມ່ຍິງ 3 ດີຄັ້ງທີ III

1 min read

ພິທີປະກາດເມືອງຫີນເຫີບ ເປັນເມືອງສະຫະພັນແມ່ຍິງ 3 ດີຄັ້ງທີ III


ວັນທີ 8 ຕຸລາ 2020 ຢູ່ທີ່ສະໂມສອນເມືອງຫີນເຫີບແຂວງວຽງຈັນໄດ້ພິທີປະກາດເມືອງຫີນເຫີບເປັນເມືອງ
ສະຫະພັນແມ່ຍິງ 3 ດີຄັ້ງທີ III ໄລຍະປີ 2018 – 2019

ໂດຍການເຂົ້າຮ່ວມຂອງ ທ່ານ ວອນ ວໍລະສານ ເລຂາພັກ
ເມືອງ ເຈົ້າເມືອງຫີນເຫີບ, ມີ ທ່ານ ນ. ມະໄລສີ ທໍາມະໂຄດ ປະທານສະຫະພັນແມ່ຍິງແຂວງວຽງຈັນ, ຫົວໜ້າ, ຮອງ
ຫົວໜ້າຫ້ອງການ, ກົມກອງ, ຄະນະສະຫະພັນແມ່ຍິງບ້ານ ແລະ ສະມາຊິກສະພັນແມ່ຍິງທົ່ວເມືອງເຂົ້າຮ່ວມ.


ທ່ານ ນ. ນິກ ແສງທອງ ຮອງປະທານສະຫະພັນແມ່ຍິງເມືອງໄດ້ຂຶ້ນຜ່ານບົດລາຍງານຜົນການຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີຂອງສະຫະ ພັນແມ່ຍິງເມືອງຫີນເຫີບໃນໄລຍະປີ 2018 – 2019 ປະກອບມີ 35 ບ້ານ, ມີ 6.069 ຫຼັງຄາເຮືອນ, ມີພົນລະເມືອງທັງໝົດ 33.397 ຄົນ, ຍິງ 16.554 ຄົນ ເອື້ອຍນ້ອງແມ່ຍິງເມືອງຫີນເຫີບເຄີຍມີມູນເຊື້ອດຸໝັ່ນຂະຫຍັນພຽນ,ມີວັດທະນະທໍາຮີດຄອງປະເພນີ ແລະ ຊີວິດການເປັນຢູ່ແຕກຕ່າງກັນສິ່ງສໍາຄັນແມ່ນຍັງຮັກສາໄດ້ຄວາມສາມັກຄີເປັນປຶກແຜນແໜ້ນໜາເຮັດໄດ້ຂະບວນການແມ່ຍິງໄດ້ຮັບການພັດທະນາຫຼາຍດ້ານພ້ອມໆກັບຄວາມສະເໝີພາບຍິງ – ຊາຍ, ໄດ້ຮັບການສົ່ງເສີມດີຂຶ້ນເປັນກ້າວໆ

ເອື້ອຍນ້ອງແມ່ຍິງໄດ້ມີໂອກາດໄດ້ໄປຍົກລະດັບວິຊາສະເພາະທິດສະດີ, ຍົກລະດັບຄວາມຮູ້ທາງດ້ານກົດໝາຍເພື່ອໃຫ້ສົມຄູ່ກັບຄວາມຮັບຜິດຊອບ ແລະ ຄວາມສາມາດປະກອບສ່ວນເຂົ້າໃນຂົງເຂດວຽກງານຂອງພັກ – ລັດມີຫຼາຍພາກສ່ວນຫຼາຍສະຫາຍທີ່ສາມາດຍາດໄດ້ຜົນງານໄດ້ຮັບໃບຍ້ອງຍໍຫຼາຍດ້ານເຊັ່ນ ໃນທົ່ວເມືອງຫີນເຫີບສາມາດຈັດແບ່ງປະເພດສະມາຊິກສະຫະພັນແມ່ຍິງ 3 ດີ ປະເພດ 1 ມີ 3.488 ຄົນ, ສະມາຊິກສະຫະພັນແມ່ຍິງ 3 ດີ ປະເພດ 2 ມີ 909 ຄົນ ຈາກນັ້ນກໍ່ໄດ້ມີການມອບໃບຢັ້ງຢືນເມືອງຫີນເຫີບ

ເປັນເມືອງສະຫະພັນແມ່ຍິງ 3 ດີ ແລະ ໃບຍ້ອງຍໍໃຫ້ໜ່ວຍບ້ານສະຫະພັນແມ່ຍິງ ຈໍານວນ 35 ບ້ານ ແລະ 29 ໜ່ວຍກົມກອງ, ຫ້ອງການໃຫ້ກຽດມອບໂດຍ ທ່ານ ນ. ມະໄລສີ ທໍາມະໂຄດ ປະທານສະຫະພັນແມ່ຍິງແຂວງວຽງຈັນແລະ ທ່ານ ວອນ ວໍລະສານ ເລຂາພັກເມືອງ ເຈົ້າເມືອງຫີນເຫີບ.


ທ່ານ ນ. ມະໄລສີ ທໍາມະໂຄດ ປະທານສະຫະພັນແມ່ຍິງແຂວງວຽງຈັນ ແລະ ທ່ານ ວອນ ວໍລະສານ ເລຂາພັກເມືອງ ເຈົ້າເມືອງຫີນເຫີບ ໃຫ້ກຽດມີຄໍາເຫັນ ແລະ ໂອ້ລົມຕໍ່ພິທີ ເຊິ່ງທັງ 2 ທ່ານໄດ້ຍ້ອງຍໍຊົມເຊີຍຕໍ່ຜົນງານການຈັດຕັ້ງປະຕິບັດວຽກງານຕົວຈິງ ທ່ານຍັງໄດ້ຊີ້ທິດເຍືອງທາງໃຫ້ເອື້ອຍນ້ອງແມ່ຍິງທຸກທ່ານຈົ່ງພ້ອມກັນເອົາໃຈໃສ່ຈັດຕັ້ງປະຕິບັດຂໍ້ແຂ່ງຂັນ 3 ດີຂອງເອື້ອຍນ້ອງແມ່ຍິງໃຫ້ໄດ້ດີຕະຫຼອດໄປ ແລະ ເປັນແບບຢ່າງແມ່ທີ່ດີຂອງລູກຫຼານຕະ ຫຼອດໄປ

ຕອນທ້າຍພິທີຍັງໄດ້ພ້ອມກັນເປີດປ້າຍ ແລະ ລັ່ນຄ້ອງ 9 ບາດ ເພື່ອເປັນສິລິມຸງຄຸນພິທີປະກາດເມືອງຫີນເຫີບ ເປັນເມືອງສະຫະພັນແມ່ຍິງ 3 ດີ ຄັ້ງທີ III ໄລຍະປີ 2018 – 2019 ຢ່າງເປັນທາງການ.

ຂ່າວ ເມືອງຫີນເຫີບ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031