Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຈັດຝຶກອົບຮົມຍົກລະດັບຄວາມອາດສາມາດໃຫ້ພະນັກງານຂັ້ນເມືອງ, ບ້ານ ຕາມທິດ 3 ສ້າງ

1 min read

ໄລຍະວັນທີ 7-8 ຕຸລາ 2020 ຜ່ານມານີ້ ຢູ່ສະໂມສອນເມືອງເຟືອງ ໄດ້ຈັດໃຫ້ມີການຝຶກອົບຮົມຍົກລະດັບຄວາມອາດສາມາດ ໃນການບໍລິຫານວຽກງານຕ່າງໆ ໃຫ້ພະນັກງານຂັ້ນເມືອງ, ຂັ້ນບ້ານຕາມທິດ 3 ສ້າງ ໃຫ້ເຂັ້ມແຂງຢູ່ເມືອງເຟືອງ.

ໂດຍການເປັນປະທານຂອງ ທ່ານ ຮ.ສ ແກ່ນຈັນ ສິນສຳພັນ ຄະນະບໍດີ ຄະນະວິທະຍາສາດສິ່ງແວດລ້ອມ,

ເປັນກຽດເຂົ້າຮ່ວມ ຂອງ ທ່ານ ຄຳເພັດ ຈັນສົມພູ ເລຂາພັກເມືອງ ເຈົ້າເມືອງໆເຟືອງ ມີຄູຝຶກມາຈາກ ກະຊວງພາຍໃນ ແລະ ສະຖາບັນການເມືອງ ການປົກຄອງແຫ່ງຊາດ, ມີການນຳຂັ້ນເມືອງ, ຫົວໜ້າຫ້ອງການ, ຄະນະກຸ່ມບ້ານ ແລະນາຍບ້ານເຂົ້າຮ່ວມທັງໝົດ 60 ຄົນ.


ຈຸດປະສົງຂອງການຈັດຝຶກອົບຮົມຄັ້ງນີ້ແມ່ນເພຶ່ອຍົກລະດັບຄວາມອາດສາມາດໃນການບໍລິຫານວຽກງານຕ່າງໆ ໃຫ້ພະນັກງານຂັ້ນເມືອງ, ຂັນບ້ານຕາມທິດ 3 ສ້າງ ໃຫ້ເຂັ້ມແຂງ.

 

ແລະສິ່ງແວດລ້ອມ ມີຄວາມພະຍາຍາມຊ່ວຍເມືອງເຟືອງ ໃນການເສີມສ້າງຄວາມຮູ້-ຄວາມສາມາດ ແລະວຽກງານຕ່າງໆເຊັ້່ນ: ການປູກຈິດສຳນຶກໃນການນຳໃຊ້ສານເຄມີກະສິກຳທີ່ເປັນອັນຕະລາຍຕໍ່ສິ່ງແວດລ້ອມ, ການຈັດການສິ່ງເສດເຫຼືອ ແລະການພັດທະນາຕົວເມືອງໃຫ້ເປັນສີຂຽວ. ໂດຍໄດ້ຮັບທຶນຮອນ ສະໜັບ ສະໜູນຈາກກອງທຶນປົກປັກ ຮັກສາສິ່ງແວດລ້ອມ.

ຄັ້ງນີ້ ຄະນະຮັບຜິດຊອບໄດ້ນຳເອົາແນວທາງການຜັນຂະຫຍາຍທິດ 3 ສ້າງ ສູ່ວຽກງານການປົກຄອງທ້ອງຖິ່ນ, ປະຫວັດຄວາມເປັນມາຂອງວຽກງານ 3 ສ້າງ ການໂຮມບ້ານນ້ອຍເປັນບ້ານໃຫຍ່, ການສ້າງບ້ານໃຫຍ່ໃຫ້ເປັນຕົວເມືອງນ້ອຍ, ທັດສະນະພື້ນຖານຂອງມາກ-ເລນິນ ແລະຂອງພັກເຮົາກ່ຽວກັບການກໍ່ສ້າງຮາກຖານການເມືອງ, ເງື່ອນໄຂທີ່ເຮັດໃຫ້ປະເທດເຮົາບໍ່ທັນຫຼຸດພົ້ນຈາກຄວາມທຸກຍາກ ແລະຜົນກະທົບຈາກພະຍາດ ໂຄວິດ-19 ຕໍ່ວຽກງານການລຶບລ້າງຄວາມທຸກຍາກ.

ການຝຶກອົບຮົມໄດ້ມີການຈັດຕັ້ງເປັນ 2 ກຸ່ມເພຶ່ອຄົ້ນຄວ້າປຶກສາຫາລື ບັນຫາຂໍ້ຄົງຄ້າງ ແລະວິທີແກ້ໄຂກ່ຽວກັບວຽກງານ 3 ສ້າງຕົວຈິງຢູ່ເມືອງເຟືອງ ຫຼັງຈາກນັ້ນໄດ້ຜັດປ່ຽນກັນສະເໜີຕໍ່ທີ່ປະຊຸມ.ກອງປະຊຸມຄັ້ງນີ້ມີຄວາມໝາຍ ຄວາມສຳຄັນຫຼາຍເນື່ອງຈາກໄດ້ຕິດພັນກັບວຽກງານທີ່ທາງເມືອງກຳລັງຈັດຕັ້ງປະຕິບັດຕົວຈິງ, ຄູຝຶກ ແລະນັກສຳມະນາກອນໄດ້ແລກປ່ຽນບົດຮຽນ ແລະປະສົບການ ເຊິ່ງກັນ ແລະກັນຢ່າງຫ້າວຫັນ.

 

ພາຍຫຼັງສຳເລັດການຝຶກອົບຮົມແລ້ວ ການນຳແຕ່ລະຂັ້ນຈະຕ້ອງໄດ້ນຳເອົາບົດຮຽນຄັ້ງນີ້ໄປຈັດຕັ້ງປະຕິບັດ ຜັນຂະຫຍາຍຢູ່ວຽກງານ ຄວາມຮັບຜິດຊອບຂອງຕົນໃຫ້ເກີດຜົນໃນຕໍ່ຫນ້າ.

ຂ່າວໂດຍ: ຄໍາລຸນ ສົມວົງໄຊ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed