Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ແຂວງວຽງຈັນ ຈັດພິທີສະເຫຼີມສະຫຼອງວັນຄູແຫ່ງຊາດຄົບຮອບ 26 ປີ ( 7 ຕຸລາ 1994 – 7 ຕຸລາ 2020) 

1 min read

ແຂວງວຽງຈັນ ຈັດພິທີສະເຫຼີມສະຫຼອງວັນຄູແຫ່ງຊາດຄົບຮອບ 26 ປີ ( 7 ຕຸລາ 1994 – 7 ຕຸລາ 2020)


ພິທີສະເຫຼີມສະຫຼອງວັນຄູ ແຫ່ງຊາດຄົບຮອບ 26 ປີ ( 7 ຕຸລາ 1994 – 7 ຕຸລາ 2020) ແຂວງວຽງຈັນ ໄດ້ຈັດຂຶ້ນໃນວັນທີ 9 ຕຸລາ 2020 ,ຢູ່ທີ່ຫ້ອງປະຊຸມ ພະແນກ ສຶກສາທິການ ແລະ ກິລາ ແຂວງວຽງຈັນ

 

ໂດຍການເຂົ້າຮ່ວມຂອງ ທ່ານ ນ ແສງເດືອນ ຫລ້າຈັນທະບູນ ກຳມະການສູນພັກ ລັດຖະມົນຕີ ກະຊວງສຶກສາທິການ ແລະ ກິລາ,ມີບັນດາທ່ານ ການນ້ຳຂອງແຂວງ,ຫົວຫນ້າພະແນກການ,ພະນັກງານບຳນານອາວຸໂສ, ແລະ ບັນດາຕາງຫນ້າຄູ,ອາຈານໃນ ທົ່ວແຂວງວຽງຈັນເຂົ້າຮ່ວມ.


ທ່ານ ນ ແສງເດືອນ ຫລ້າຈັນທະບູນ ກຳມະການສູນພັກ ລັດຖະມົນຕີ ກະຊວງສຶກສາທິການ ແລະ ກິລາໄດ້ໃຫ້ກຽດເລົ່າຄືນປະຫວັດຄວາມເປັນມາຂອງຄູ ຍົກໃຫ້ເຫັນຂະບວນວິວັດ ຂອງການພັດທະນາ ແລະ ຂະຫຍາຍຕົວສັງຄົມມະນຸດ ຈາກລະບອບຕ່າງໆ ເຊິ່ງຂະບວນວິວັດພັດທະນາດັ່ງກ່າວນັ້ນ ຄູໄດ້ປະກອບສ່ວນອັນສຳຄັນ ທີ່ບໍ່ມີໃຜ ແລະ ຊັ້ນຄົນໃດຈະປະຕິເສດໄດ້

ພ້ອມນັ້ນທ່ານ ກໍ່ໄດ້ຍົກໃຫ້ເຫັນ ຕົ້ນກຳເນີດຂອງນາຍຄູລາວຄົນທຳອິດ ໂດຍໃນປີ ຄສ 1907 ທ້າວ ຄຳ ໄດ້ເຂົ້າຮ່ວມຮັບການອົບຮົມຄູເຊິ່ງເປັນຄັ້ງທຳອິດໃນປະຫວັດສາດຂອງຊາດລາວ ທີ່ມີການຈັດອົບຮົມຄູ ພາຍຫຼັງສຳເລັດການອົບຮົມ ທ້າວ ຄຳ ໄດ້ເລີ່ມເປັນຄູສອນໃນວັນທີ 7 ຕຸລາ 1907 ຄຽງຄູ່ກັບການສິດສອນ ແລະ ຂະຫຍາຍຕົວຂອງໂຮງຮຽນ ນາຍຄູຄຳຍັງເປັນຄູທີ່ມີນ້ຳໃຈຮັກຊາດ

ຍາມໃດນາຍຄູຄຳກໍ່ໄດ້ປຸກລະດົມໃຫ້ຄົນລາວມີນ້ຳໃຈຮັກຊາດ ຄຽດແຄ້ນຕໍ່ສັດຕູຈົນເກີດມີຂະບວນການຕໍ່ສູ້ຂອງນາຍຄູຄຳ ມາເຖິງປີ ຄສ 1920 ຂະບວນການຕໍ່ສູ້ຂອງປະຊາຊົນລາວ ທີ່ນຳໂດຍນາຍຄູຄຳ ໄດ້ລະເບີດຂຶ້ນຢູ່ວຽງຈັນ ແລະ ດຳເນີນໄປຢ່າງຮຸນແຮງ ຈົນຄູຄຳ ຖືກພວກຝຣັ່ງຈັບ ແລະ ນຳຕົວໄປຄຸມຂັງໄລຍະໜຶ່ງ ນາຍຄຸຄຳໄດ້ໂຕນອອກຈາກຄຸກ ແລ້ວ ຈຶ່ງຂ້າມແມ່ນ້ຳຂອງໄປອາໄສນຳພີ່ນ້ອງທີ່ບາງກອກ(ປະເທດໄທ)

ພາຍຫຼັງປະຊາຊົນລາວລຸກຮື້ຂຶ້ນຍຶດອຳນາດ ໃນວັນທີ 12 ຕຸລາ 1945 ເປັນຕົ້ນມາການສຶກສາຈຶ່ງມີລັກສະນະຊາດຄ່ອຍໆປະກົດຕົວເປັນຮູບເປັນຮ່າງຂຶ້ນມາ ຫຼັງຈາກປະເທດຊາດ ໄດ້ຮັບການປົດປ່ອຍ ໃນວັນທີ 2 ທັນວາ 1975 ພັກ-ລັດຖະບານລາວ ຈຶ່ງໄດ້ກຳນົດເອົາ ມື້ເຂົ້າຮັບລາຊະການ ເພື່ອເປັນຄູ ຂອງນາຍຄູຄຳ,ຊຶ່ງຄູທີ່ມີສັນຊາດລາວຄົນທຳອິດ ແລະ ກຳນົດເອົາວັນທີ 7 ຕຸລາ ເປັນວັນຄູແຫ່ງຊາດລາວ.


ໂອກາດນີ້ຍັງໄດ້ມີການມອບຫລຽນໄຊ,ຫລຽນກາ,ໃບຍ້ອງຍໍ ຂັ້ນຕ່າງໆໃຫ້ບັນດາທ່ານຜູ້ທີ່ມີຜົນງານດີເດັ່ນໃນການຈັດຕັ້ງປະຕິບັດວຽກງານການສຶກສາແລະກິລາ ໃນທົ່ວແຂວງວຽງຈັນ ເຊິ່ງເປັນກຽດຜັດກັນຂຶ້ນມອບ ແລະ ຮັບຢ່າງສົມກຽດ.

ຂ່າວ: ແຂວງວຽງຈັນ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031