Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມເຜີຍແຜ່ກົດໝາຍ ປ່າໄມ້, ກົດໝາຍ ວ່າດ້ວຍ ສັດນ້ຳ – ສັດປ່າ ແລະ ນິຕິກໍາຕ່າງໆ

1 min read

ກອງປະຊຸມເຜີຍແຜ່ກົດໝາຍ ປ່າໄມ້, ກົດໝາຍ ວ່າດ້ວຍ ສັດນ້ຳ – ສັດປ່າ ແລະ ນິຕິກໍາຕ່າງໆ

ວັນທີ 30 ກັນຍາ 2020 ຜ່ານມາຢູ່ທີ່ສະໂມສອນເມືອງຫີນເຫີບແຂວງວຽງຈັນໄດ້ຈັດກອງປະຊຸມເຜີຍແຜ່ກົດໝາຍ ປ່າໄມ້, ກົດໝາຍ ວ່າດ້ວຍ ສັດນ້ຳ – ສັດປ່າ ແລະ ນິຕິກໍາຕ່າງໆ

ເຂົ້າຮ່ວມໂດຍທ່ານ ໂອລົດ ສີສູນທອນ ກໍາມະການພັກເມືອງ ຮອງເຈົ້າເຈົ້າເມືອງຫີນເຫີບ, ມີ ທ່ານ ອົງອາດ ໄຊຍະແສນ ຫົວໜ້າກອງກວດກາປ່າໄມ້ ພະແນກກະສິກໍາ ແລະ ປ່າໄມ້ແຂວງວຽງຈັນ, ທ່ານ ບຸນຍັງ ວົງວິລາໄຊ ກໍາມະການພັກເມືອງ ຫົວໜ້າຫ້ອງການກະສິກໍາ ແລະປ່າໄມ້ເມືອງ, ມີຄະນະປະຈໍາ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ຫົວໜ້າໜ່ວຍງານ, ເລຂາຄະນະ
ພັກຮາກຖານກຸ່ມບ້ານ ແລະ ເລຂາພັກບ້ານ – ນາຍບ້ານອ້ອມຂ້າງເມືອງເຂົ້າຮ່ວມ.


ທ່ານ ອົງອາດ ໄຊຍະແສນ ຫົວໜ້າກອງກວດກາປ່າໄມ້ ພະແນກກະສິກໍາ ແລະ ປ່າໄມ້ແຂວງວຽງຈັນໄດ້ສະ
ເໜີນະໂຍບາຍຂອງພັກ – ລັດກ່ຽວກັບການຄຸ້ມຄອງ, ກວດກາ ແລະ ພັດທະນາປ່າໄມ້, ສັດນໍ້າ – ສັດປ່າ ປະຫວັດຄວາມເປັນມາກ່ຽວກັບກົດໝາຍປ່າໄມ້ ແລະ ສັດນໍ້າ – ສັດປ່າແຕ່ປີ 1970 – 1996 ຈຶ່ງມີກົດໝາຍປ່າໄມ້ ແລະ ເຖິງປີ 2007 ຈຶ່ງມີກົດໝາຍປ່າໄມ້ສະບັບປັບປຸງ ໃນນີ້ແຍກກົດໝາຍ ວ່າດ້ວຍ ສັດນໍ້າ – ສັດປ່າເລກທີ 07 / ສພຊ ລວມມີ 9 ພາກ 74 ມາດຕາ ຮອດປີ 2019 ກົດໝາຍປ່າໄມ້ຈຶ່ງຖືກປັບປຸງເປັນສະບັບເລກທີ 64 / ສພຊ ລົງວັນທີ 13 ມິຖຸນາ 2019 ມີທັງໝົດ 15 ພາກ 175 ມາດຕາ

ຜູ້ເຂົ້າຮ່ວມກອງປະຊຸມຍັງໄດ້ເຊື່ອມຊຶມບາງມາດຕາຂອງກົດໝາຍປ່າໄມ້ ວ້າດ້ວຍ ສັດນໍ້າ – ສັດປ່າກ່ຽວກັບການກວດກາຄຸ້ມຄອງ ແລະ ປົກປັກຮັກສາພັດທະນາທຸລະກິດກ່ຽວກັບສັດນໍ້າ – ສັດ ປ່າ ແລະ ນິຕິກໍາລຸ່ມກົດໝາຍ, ແຈ້ງການຂອງທ່ານເຈົ້າແຂວງໆວຽງຈັນເລກທີ 025 / ຂຈ.ວຈ ລົງວັນທີ 30 ກໍລະກົດ 2020 ວ່າດ້ວຍ ການກວດກາຄຸ້ມຄອງ ແລະ ການດໍາເນີນຄະດີກ່ຽວກັບຊັບພະຍາກອນປ່າໄມ້, ສັດນໍ້າ ສັດປ່າ ຈາກນັ້ນຜູ້ເຂົ້າຮ່ວມກອງປະຊຸມຍັງໄດ້ຜັດປ່ຽນກັນຂຶ້ນປະກອບຄໍາຄິດຄໍາເຫັນ, ສະເໜີບັນຫາຂໍ້ຂ້ອງໃຈໂດຍໄດ້ຍົກເອົາບັນຫາທີ່ເກີດຂຶ້ນຕົວຈິງມານໍາສະເໜີ, ຕັ້ງຄໍາຖາມເຈາະຈີ້ມພາຍໃຕ້ການຊີ້ນໍາຂອງຄະນະປະທານກອງປະຊຸມ.


ທ່ານ ໂອລົດ ສີສູນທອນ ກໍາມະການພັກເມືອງ ຮອງເຈົ້າເຈົ້າເມືອງຫີນເຫີບໄດ້ມີຄໍາເຫັນ ແລະ ໂອ້ລົມຕໍ່ກອງປະຊຸມ ທ່ານໄດ້ຊີ້ນໍາໃຫ້ຜູ້ທີ່ເຂົ້າຮ່ວມກອງປະຊຸມຈົ່ງພ້ອມກັນຈັດຕັ້ງປະຕິບັດກົດໝາຍ ປ່າໄມ້ ແລະ ສັດນໍ້າ – ສັດປ່າ ( ສະບັບປັບປຸງ ) ນີ້ຢ່າງເຂັ້ມງວດ, ສືບຕໍ່ຜັນຂະຫຍາຍສູ່ທ້ອງຖິ່ນໃຫ້ພໍ່ແມ່ປະຊາຊົນ, ຜູ້ປະກອບການໃຫ້ເຂົ້າໃຈຢ່າງທົ່ວເຖິງ ເພື່ອຫັນໄປສູ່ການຄຸ້ມຄອງດ້ວຍກົດໝາຍ, ກ້າວສູ່ການສ້າງລັດແຫ່ງກົດໝາຍ.

ຂ່າວ ເມືອງຫີນເຫີບ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031