Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງແກ້ວອຸດົມ ສະເຫຼີມສະຫຼອງວັນຄູແຫ່ງຊາດ 7 ຕຸລາຄົບຮອບ 26 ປີ

1 min read

ເມືອງແກ້ວອຸດົມ ສະເຫຼີມສະຫຼອງວັນຄູແຫ່ງຊາດ 7 ຕຸລາຄົບຮອບ 26 ປີ.


ໃນວັນທີ 5 ຕຸລາ 2020 ຜ່ານມານີ້ ຢູ່ທີ່ສະໂມສອນຂອງເມືອງແກ້ວອຸດົມແຂວງວຽງຈັນໄດ້ຈັດພິທີສະເຫຼີມສະຫຼອງວັນຄູແຫ່ງຊາດ ວັນທີ 07 ຕຸລາ ຄົບຮອບ 26 ປີ( 07/10/1994 – 07/10/ 2020)

ພາຍໃຕ້ການເປັນປະທານຂອງທ່ານ ເສົາອຸທອນ ສີຫາປັນຍາ ກຳມະການພັກເມືອງ ຫົວໝ້າຫ້ອງການສຶກສາທິການ ແລະ ກິລາເມືອງແກ້ວອຸດົມ ໂດຍເປັນກຽດເຂົ້າຮ່ວມຂອງທ່ານ ເທບພະໄທ ແກ້ວເຂັມເພັດ ກຳມະການພັກແຂວງ ເລຂາພັກເມືອງ ເຈົ້າເມືອງໆແກ້ວອຸດົມ,ມີທ່ານ ນາງ ຄຳເຄນ ພູວັນດີ ຮອງຫົວໝ້າຫ້ອງການສຶກສາທິການ ແລະ ກິລາ ເມືອງແກ້ວອຸດົມ,ມີຄະນະປະຈຳພັກເມືອງ, ກຳມະການພັກເມືອງ, ຜູ້ອຳນ່ວຍການໂຮງຮຽນແຕ່ລະໂຮງຮຽນ , ຫົວໝ້າຫ້ອງການ, ເລຂາພັກບ້ານ, ນາຍບ້ານ ແລະ ນ້ອງນ້ອຍນັກຮຽນເຂົ້າຮ່ວມຢ່າງພ້ອມພຽງ.


ໃນພິທີ ທ່ານ ເສົາອຸທອນ ສີຫາປັນຍາ ຫົວໝ້າຫ້ອງການສຶກສາທິການ ແລະ ກິລາເມືອງແກ້ວອຸດົມໄດ້ໃຫ້ກຽດຂື້ນເລົ້າປະຫວັດຄວາມເປັນມາຂອງວັນຄູແຫ່ງຊາດ 07 ຕຸລາ ຄົບຮອບ 26 ປີ( 07/10/1994 – 07/10/ 2020) ຄຳວ່າຄູແມ່ນມີຄວາມໝາຍຄວາມສຳຄັນທີ່ສຸດ, ທີ່ລະນຶກເຖີງຄຸນງາມ, ຄວາມດີຕໍ່ຊັບພະຍາກອນມະນຸດ, ເປັນຜູ້ສືບທອດຄວາມຮູ້ຄວາມສາມາດໃຫ້ແກ່ສັງຄົມຮັບຮູ້,

ປຽ່ນຈາກລະບອບນີ້ໄປສູ່ລະບອບສັງຄົມອື່ນ, ຄູໝາຍເຖີງຄົນທີ່ມີຄວາມຮູ້ ແລະ ປະສົບການ, ເຊີ່ງຜູ້ນັ້ນສາມາດໄປຖ່າຍທອດຄວາມຮູ້ ແລະ ປະສົບການໄປສູ່ຜູ້ອື່ນ, ພາຍຫຼັງພວກລ່າເມືອງຂື້ນຝຣັງໄດ້ມາຢຶດຄອງລາວໃນປີ ຄສ 1893 ເປັນຕົ້ນມາ, ພວກເຂົາບໍ່ໄດ້ເອົາໃຈໃສ່ໃນການຂະຫຍາຍໂຮງຮຽນມາເຖີງປີຄສ 1905 ທົ່ວປະເທດມີໂຮງຮຽນພຽງແຕ່ 2 ແຫ່ງຄື:ໂຮງຮຽນແຂວງຫຼວງພະບາງ ແລະ ນະຄອນຫຼວງວຽງຈັນ,ໃນປີ 1907

ນາຍຄູຄຳໄດ້ເຂົ້າຮ່ວມຮັບການຝຶກອົບຮົມຄູເຊີ່ງຖືວ່າເປັນຄັ້ງທຳອິດໃນປະຫວັດສາດຂອງລາວທີ່ໄດ້ມີການຝຶກອົບຮົມຄູ,ໃນນັ້ນນາຍຄູຄຳເລີ້ມເປັນຄູສອນຜູ້ທຳອິດ, ຍ້ອນເຫັນໄດ້ແນວນັ້ນນາຍຄູຄຳຈີ່ງເຫັນໄດ້ໃນວຽກງານສຶກສາເປັນວຽກທີ່ສຳຄັນໃນການສ້າງໃຫ້ມີຄົນມີຫົວຄິດປະດິດສ້າງໃນການພັດທະນາບ້ານເມືອງ ແລະ ໂຮງຮຽນໄດ້ເຕີບໃຫຍ່ຂະຫຍາຍຕົວຈົນເຖີງປະຈຸບັນນີ້.

ໃນພິທີຄູອາຈານແຕ່ລະໂຮງຮຽນພາຍໃນເມືອງແກ້ວອຸດົມຍັງໄດ້ມອບຂອງຂວັນໃຫ້ແກ່ການນຳ ແລະ ພ້ອມຮັບຊົມສີນລະປະຈາກນ້ອງນ້ອຍນັກຮຽນຕື່ມອີກ,

ໃນຕອນທ້າຍພິທີຍັງໄດ້ຮັບຟັງການໂອ້ລົມຈາກທ່ານ ເທບພະໄທ ແກ້ວເຂັມເພັດ ເລຂາພັກເມືອງ ເຈົ້າເມືອງໆແກ້ວອຸດົມ ເຊີ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ໝ້າທີ່ວຽກງານຂອງຄູອາຈານທີ່ໄດ້ສະຫຼະຄວາມຮູ້ຄວາມສາມາດໃຫ້ນ້ອງໆນັກຮຽນເປັນຜູ້ສືບທອດລູ້ນສູ່ລູ້ນ ເພື່ອໄປພັດທະນາປະເທດຊາດໃຫ້ຈະເລີນຮຸ່ງເຮືອງ.

ຂ່າວ: ເມືອງແກ້ວອຸດົມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed