Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ແຂວງວຽງຈັນໄຂກອງປະຊຸມວິທະຍາສາດກ່ຽວກັບແຜນພັດທະນາເສດຖະກິດ ສັງຄົມ 5 ປີຄັ້ງທີVI 2020-2025

1 min read

ແຂວງວຽງຈັນໄຂກອງປະຊຸມວິທະຍາສາດກ່ຽວກັບແຜນພັດທະນາເສດຖະກິດ ສັງຄົມ 5 ປີຄັ້ງທີVI 2020-2025.


ກອງປະຊຸມດັ່ງກ່າວໄດ້ຈັດຂຶ້ນໃນລະຫວ່າງວັນທີ 13 -15 ຕຸລາ 2020 ນີ້ຢູ່ທີ່ ຫ້ອງປະຊຸມໃຫຍ່ຫ້ອງວ່າການເມືອງວຽງຄຳ ແຂວງວຽງຈັນ

ໂດຍການເປັນປະທານຂອງ ທ່ານ ບຸນສອນ ເພັດລາວັນ ຄະນະປະຈຳພັກແຂວງ ຮອງເຈົ້າແຂວງໆວຽງຈັນ ,ເຂົ້າຮ່ວມມີບັນດາທ່ານອາຈານທີ່ປຶກສາຈາກຄະນະເສດຖະສາດ ແລະ ຄະນະວິທະຍາສາດສັງຄົມ, ມະຫາວິທະຍາໄລແຫ່ງຊາດລາວ, ກົມແຜນການ ແລະ ບັນ ດາຜູ້ແທນກອງປະຊຸມ ຈາກຫ້ອງການແຜນການເມືອງ ແລະ ພະແນກການ ແຜນການແຂວງວຽງຈັນ ພ້ອມດ້ວນຄະນະຮັບຜິດຊອບດ້ານເນື້ອໃນຮ່າງແຜນພັດທະນາເສດຖະກິດ 5 ປີຄັ້ງທີVI ເຂົ້າຮ່ວມ.


ທ່ານ ບຸນສອນ ເພັດລາວັນ ຄະນະປະຈຳພັກແຂວງ ຮອງເຈົ້າແຂວງໆວຽງຈັນ ໄດ້ກ່າວວ່າ: ກອງປະຊຸມວິທະຍາສາດກ່ຽວກັບການສ້າງແຜນພັດທະນາເສດຖະກິດ-ສັງຄົມ 5 ປີໃນຄັ້ງນີ້ ແມ່ນມີຄວາມໝາຍຄວາມສໍາຄັນຫລາຍ ຕໍ່ໜ້າທີ່ການເມືອງຂອງສະມາຊິກພັກ ແລະ ພະນັກງານ ກໍຄືປະຊາຊົນຂອງແຂວງວຽງຈັນ ເພາະມັນແມ່ນການກໍານົດທິດທາງ, ຄາດໝາຍ ແລະ ແຜນວຽກຈຸດ ສຸມການພັດທະນາເສດຖະກິດ-ສັງຄົມຂອງແຂວງວຽງຈັນ ໃນໄລຍະ 5 ປີ ຕໍ່ໜ້າ ເຊິ່ງແມ່ນຊຸມປີທີຄົບຮອບ 40 ປີ ທີ່ແຂວງວຽງຈັນ ໄດ້ແຍກອອກຈາກນະຄອນຫລວງວຽງຈັນ, ເປັນຂີດໝາຍສໍາຄັນສະແດງເຖິງການເຕີບໃຫຍ່ຂະຫຍາຍຕົວໃນຖານະແຂວງໜຶ່ງ ຂອງ ສປປ ລາວ.


ໂດຍລວມແລ້ວ, ການພັດທະນາເສດຖະກິດ-ສັງຄົມ ຂອງແຂວງວຽງຈັນ ໃນຊຸມປີຜ່ານມາ ແມ່ນຍັງສາມາດຮັກສາໄດ້ອັດຕາການຂະຫຍາຍຕົວເສດຖະກິດໃນລະດັບ 7,3% (ຕໍ່າກວ່າແຜນ ການເລັກນ້ອຍ ຄື 8%).

ການປະຕິບັດຕົວຈິງໃນຊຸມປີທໍາອິດຄື: ແຕ່ປີ 2016-2018 ແມ່ນປະຕິ ບັດໄດ້ລື່ນແຜນການຄືໃນລະດັບສະເລ່ຍ 8,15% ແຕ່ຍ້ອນໄພພິບັດທາງທໍາມະຊາດນັບແຕ່ໃນທ້າຍປີ 2018 ເປັນຕົ້ນມາ ໄດ້ເຮັດໃຫ້ອັດຕາການຂະຫຍາຍຕົວຂອງເສດຖະກິດໃນປີ 2019 ຫລຸດລົງ ເຊິ່ງປະຕິບັດໄດ້ພຽງ 7,88%. ຍິ່ງໄປກວ່ານັ້ນ, ການແຜ່ລະບາດຂອງພະຍາດໂຄວິດ-19 ນັບແຕ່ທ້າຍປີ 2019 ເປັນຕົ້ນມາ ຍິ່ງເຮັດໃຫ້ອັດຕາການຂະຫຍາຍຕົວເສດຖະກິດຂອງແຂວງຫລຸດລົງ ເຊິ່ງຄາດວ່າຈະຢູ່ໃນລະດັບ 4,9% ສຳລັບປີ 2020.

ພ້ອມນີ້ ທ່ານ ບຸນສອນ ເພັດລາວັນ ຄະນະປະຈຳພັກແຂວງ ຮອງເຈົ້າແຂວງ ວຽງຈັນບັງໄດ້ກ່າວອີກວ່າ: ເພື່ອຮັບປະກັນທາງກ້ານເນື້ອໃນບົດສະຫລຸບ ແລະ ແຜນພັດທະນາ 5 ປີ ເພື່ອເນັ້ນໃສ່ການປະກອບຄຳເຫັນໃສ່ຮ່າງແຜນພັດທະນາເສດຖະກິດເພື່ອເປັນປະຊາມະຕິຮັບຮອງໃນກອງປະຊຸມໃຫຍ່ອົງຄະນະພັກແຂວງວຽງຈັນຄັ້ງທີVIທີ່ຈະໄດ້ໄຂຂຶ້ນໃນຕໍ່ຫນ້າ.

ຂ່າວ: ແຂວງວຽງຈັນ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031