Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ແຂວງວຽງຈັນເປີດຊຸດຝຶກອົບຮົມຍົກລະດັບກົດຫມາຍໄລຍະສັ້ນ 45 ວັນ ຊຸດທີ X ໃຫ້ແກ່ພະນັກງານການນຳແລະ ພະນັກງານຫລັກແຫລ່ງ

1 min read

ແຂວງວຽງຈັນເປີດຊຸດຝຶກອົບຮົມຍົກລະດັບກົດຫມາຍໄລຍະສັ້ນ 45 ວັນ ຊຸດທີ X ໃຫ້ແກ່ພະນັກງານການນຳແລະ ພະນັກງານຫລັກແຫລ່ງ.


ພິທີໄດ້ຈັດຂຶ້ນໃນວັນທີ 12 ຕຸລາ 2020 ນີ້ຢູ່ທີ່ຫ້ອງວ່າການແຂວງວຽງຈັນ ໂດຍການເປັນປະທານ ຂອງທ່ານ ສີສະຫວາດ ແສງພະຈັນ ຫົວຫນ້າພະແນກ ຍຸຕິທຳແຂວງວຽງຈັນ,ເປັນກຽດເຂົ້າຮ່ວມຂອງທ່ານ ບຸນເພັງ ສາຍນໍລະດີ ຮອງເລຂາພັກແຂວງ ປະທານສະພາປະຊາຊົນແຂວງ,ມີບັນດາຄູອາຈານແລະນັກສຳມະນາກອນເຂົ້າຮ່ວມ.


ທ່ານ ບຸນເພັງ ສາຍນໍລະດີ ຮອງເລຂາພັກແຂວງ ປະທານສະພາປະຊາຊົນແຂວງ ວຽງຈັນ ໄດ້ກ່າວໃນຊຸດຝຶກອົບຮົມໃນຄັ້ງນີ້ວ່າ:ໃນການເປີດຊຸດຝຶກອົມຮົມໃນຄັ້ງນີ້ແມ່ນມີຄວາມໝາຍຄວາມສຳຄັນທີ່ສຸດໃນການບຳລຸງ ແລະ ຍົກລະດັບຄວາມຮັບຮູ້ທາງດ້ານກົດຫມາຍ ໃຫ້ແກ່ພະນັກງານການນໍາ ຫຼັກແຫຼ່ງຂັ້ນແຂວງ, ເມືອງ ເພື່ອຮັບປະກັນຄຸນນະພາບ ໃນການຈັດຕັ້ງປະຕິບັດໜ້າທີ່ວຽກງານໃຫ້ມີຄວາມຫນັກແໜ້ນ,ສອດຄ່ອງ ກົມກຽວ ແລະ ດີຂຶ້ນເທື່ອລະກ້າວການຝຶກອົບຮົມກົດໝາຍໄລຍະສັ້ນ45ວັນໃນຄັ້ງນີ້ແມ່ນໄດ້ໄຂຂຶ້ນ ໃນທ່າມກາງບັນຍາກາດທີ່ທົ່ວພັກ,


ທົ່ວກອງທັບ ແລະ ທົ່ວປວງຊົນລາວບັນດາເຜົ່າ ເວົ້າລວມ,ສະເພາະເເຂວງວຽງຈັນ ພວມຈັດຕັ້ງຜັນຂະຫຍາຍ ມະຕິກອງປະຊຸມໃຫ່ຍຄັ້ງທີ X ຂອງພັກ ແລະ ສ້າງຂະບວນການຕ້ອນຮັບກອງປະຊຸມໃຫຍ່ຂອງອົງຄະນະພັກແຂວງວຽງຈັນຄັ້ງທີ VI ທີ່ຈະໄຂຂຶ້ນໃນມໍ່ໆນີ້ ແລະ ອີກດ້ານໜຶ່ງກໍ່ແມ່ນການຄຸ້ມຄອງລັດ, ຕາມທິດສ້າງ ລັດປະຊາທິປະໄຕ ປະຊາຊົນ ໃຫ້ເປັນລັດແຫ່ງກົດໝາຍທີ່ມາຈາກປະຊາຊົນ, ໂດຍປະຊາຊົນ ແລະ ເພື່ອຜົນປະໂຫຍດຂອງປະຊາຊົນເທື່ອລະກ້າວ ແລະ ເປັນການເຊື່ອມຊຶມບັນດາມະຕິ, ຄໍາສັ່ງ, ລັດຖະທຳມະນູນຢ່າງເລິກເຊິ່ງເພື່ອເຮັດໃຫ້ການເຄື່ອນໄຫວ,

ຄຸ້ມຄອງຊີ້ນໍານໍາພາໃນທຸກຂົງເຂດວຽກງານມີຄວາມເປັນເອກະພາບ ແລະ ສອດຄ່ອງກັບລະບຽບກົດຫມາຍ,ມິຄວາມຕື່ນຕົວເປັນເຈົ້າການໃນການຈັດຕັ້ງປະຕິບັດກົດໝາຍ,ຕ້ານປະກົດການຫຍໍ້ທໍ້ໃນສັງຄົມ ເພື່ອແນໃສ່ເຮັດໃຫ້ປະເທດຊາດມີຄວາມຮຸ່ງເຮືອງສີວິໄລ.


ສຳລັບການຝຶກຮົມໃນຄັ້ງນີ້ ຈະໄດ້ດຳເນີນໄປເປັນເວລາ 45 ວັນເຕັມຄື:ເລີ່ມແຕ່ວັນທີ12 ຕຸລາ 2020 ແລະ ກຳນົດເອົາມື້ເຂົ້າລັດຖະການເປັນມື້ຮຽນຈົນຄົບ 45 ເຕັມຈຶ່ງຈະໄດ້ປິດລົງຢາງເປັນທາງການ.

ຂ່າວ: ແຂວງວຽງຈັນ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031