Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງຫີນເຫີບປາຖະກະຖາ 3 ວັນປະຫວັດສາດ

1 min read

ວັນທີ 13 ຕຸລາ 2020 ຢູ່ທີ່ສະໂມສອນເມືອງຫີນເຫີບແຂວງວຽງຈັນໄດ້ຈັດພິທີປາຖະກະຖາ 3 ວັນປະຫວັດ ສາດຄື ວັນຄູແຫ່ງຊາດ ຄົບຮອບ 26 ປີ ( 7 / 10 / 1994 – 7 / 10 / 2020 ) ວັນປະກາດເອກະລາດ ຄົບຮອບ 75 ປີ ( 12 / 1 0 / 1945 – 12 / 10 / 2020 ) ແລະ ວັນສ້າງຕັ້ງການທູດລາວ ຄົບຮອບ 75 ປີ ( 12 / 1 0 / 1945 – 12 / 10 / 2020 )

ໂດຍການເຂົ້າຮ່ວມຂອງ ທ່ານ ວອນ ວໍລະສານ ເລຂາພັກເມືອງ ເຈົ້າເມືອງຫີນເຫີບ, ມີຄະນະປະຈໍາ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ພະນັກງານການນຳ, ພະນັກງານຫຼັກແຫຼງ, ນາຍ ແລະ ພົນທະຫານ, ນາຍ ແລະ ພົນຕໍາຫຼວດ ແລະ ພະນັກງານ – ລັດຖະກອນພາຍໃນເມືອງເຂົ້າຮ່ວມ.

ຈຸດປະສົ່ງການປາຖະກະຖາກໍ່ເພື່ອເປັນການໂຄສະນາສຶກສາອົບຮົມການເມືອງ – ແນວຄິດໃຫ້ແກ່ພະນັກງານ ສະມາຊິກພັກ, ທະຫານ, ຕໍາຫຼວດ ແລະ ປະຊາຊົນບັນດາເຜົ່າທຸກຊັ້ນຄົນກໍາແໜ້ນບັນດາເນື້ອໃນປະຫວັດຄວາມເປັນມາ, ຄວາມໝາຍຄວາມສໍາຄັນຂອງ 3 ວັນປະຫວັດສາດດັ່ງກ່າວ ທັງເປັນການເສີມຂະຫຍາຍມູນເຊື້ອທາງດ້ານປະຫວັດ ສາດເປັນຕົ້ນມູນເຊື້ອການຕໍ່ສູ້ຢ່າງພິລະອາດຫານຂອງບັນພະບູລຸດລາວ, ມູນເຊື້ອຄວາມສາມັກຄີອັນເປັນປຶກແຜນຂອງປະຊາຊົນລາວບັນດາເຜົ່າ, ມູນເຊື້ອການເສຍສະຫຼະເພື່ອປະເທດຊາດ,

ມູນເຊື້ອສາຍພົວພັນລະຫວ່າງບັນດາປະເທດສັງ ຄົມນິຍົມໃກ້ຄຽງ ແລະ ທົ່ວໂລກ ເຊິ່ງເປັນຍຸດທະສາດ ແລະ ນະໂຍບາຍອັນສະຫຼາດສອງໃສ່, ຄວາມມີພິກໄຫວໃນການຊີ້ນໍາ – ນໍາພາຂອງພັກປະຊາຊົນປະຕິວັດລາວໃນການນໍາພາປວງຊົນລາວໃນແຕ່ລະໄລຍະ ພ້ອມກັນນີ້ກໍ່ເປັນການສ້າງຂະບວນການຂໍ່ານັບຮັບຕ້ອນການກະກຽມ ແລະ ດໍາເນີນກອງປະຊຸມໃຫຍ່ ຄັ້ງທີ VI ຜູ້ແທນອົງຄະນະພັກແຂວງວຽງຈັນໃຫ້ເປັນຂະບວນຟົດຟື້ນ ແລະ ກວ້າງຂວາງ.


ໃນພິທີຍັງໄດ້ຮັບຟັງການຂຶ້ນປາຖະກະຖາບັນດາເອກະສານວັນສໍາຄັນຕ່າງໆຄື ທ່ານ ວອນ ວໍລະສານ ເລຂາພັກເມືອງ ເຈົ້າເມືອງຫີນເຫີບໄດ້ຂຶ້ນປາຖະກະຖາວັນຄູແຫ່ງຊາດ ຄົບຮອບ 26 ປີ ( 7 / 10 / 1994 – 7 / 10 / 2020 )

ທ່ານ ຄໍາຫຼ້າ ບຸນຍາສິງ ຮອງເລຂາພັກເມືອງ ຫົວໜ້າຫ້ອງການກວດກາລັດ ຂຶ້ນປາຖະກະຖາວັນປະກາດເອກະລາດ ຄົບຮອບ 75 ປີ ( 12 / 1 0 / 1945 – 12 / 10 / 2020 ) ແລະ ທ່ານ ກົງຈັນ ພັນທະມິດ ຮອງເລຂາພັກເມືອງ ຂຶ້ນປາຖະກະຖາວັນສ້າງຕັ້ງການທູດລາວ ຄົບຮອບ 75 ປີ ( 12 / 1 0 / 1945 – 12 / 10 / 2020 ).

ຂ່າວ ເມືອງຫີນເຫີບ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031