Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງແມດສະເຫຼີມສະຫຼອງວັນຄູແຫ່ງຊາດຄົບຮອບ 26 ປີ

1 min read

ວັນທີ 7 ຕຸລາ 2020 ຜ່ານມານີ້, ຫ້ອງການສຶກສາທິການ ແລະ ກິລາເມືອງແມດໄດ້ຈັດພິທີສະເຫຼີມສະຫຼອງວັນຄູແຫ່ງຊາດທີ່ 7 ຕຸລາ ຄົບຮອບ 26 ປີ ( 7 ຕຸລາ 1994 – 7 ຕຸລາ 2020 )ພິທີດັ່ງກ່າວເຊິ່ງຈັດຂື້ນທີ່ສະໂມສອນໃຫຍ່ຂອງເມືອງແມດ ແຂວງວຽງຈັນ,

ໂດຍເປັນປະທານຂອງທ່ານ ໄມເສົາ ພົມມະຈັກ ກຳມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງແມດ ແລະ ເປັນກຽດເຂົ້າຮ່ວມຂອງທ່ານ ຄຳປ່ຽນ ແສງສະຫວັດ ເລຂາພັກເມືອງ ເຈົ້າເມືອງໆແມດ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການຮອງຫ້ອງການ, ພະນັກງານອາວຸໂສ – ບຳນານ, ນາຍ ແລະ ພົນທະຫານ, ນາຍ ແລະ ພົນຕຳຫຼວດ, ຕະຫຼອດຮອດພະນັກງານຄູ – ອາຈານ ແລະ ນ້ອງນ້ອຍເຍົາວະຊົນເຂົ້າຮ່ວມຢ່າງຫຼວງຫຼາຍ, ໃນພິທີທ່ານ ຄຳປ່ຽນ ແສງສະຫວັດ ເລຂາພັກເມືອງ ເລຂາພັກເມືອງ ເຈົ້າເມືອງໆແມດ

ກໍ່ໄດ້ເປັນກຽດຂື້ນເລົ່າປະຫວັດຄວາມເປັນມາຂອງວັນຄູແຫ່ງຊາດ, ເຊິ່ງທ່ານໄດ້ຍົກໃຫ້ເຫັນຄວາມໝາຍ, ຄວາມສຳຄັນຂອງວັນຄູແຫ່ງຊາດ, ໂດຍສະເພາະກໍ່ແມ່ນປະຫວັດການເຄື່ອນໄຫວຂອງນາຍຄູຄຳເຊິ່ງເປັນຄູສອນຂອງຄົນລາວຜູ້ທຳອິດ,ນາຍຄູຄຳໄດ້ຮັບລາຊະການເປັນຄູສອນເລີ່ມແຕ່ວັນທີ 7 ຕຸລາ 1907 ຕະຫຼອດຊີວິດຂອງນາຍຄູຄຳ ນອກຈາກເຮັດໜ້າທີ່ການສິດສອນແລ້ວຍັງໄດ້ເຂົ້າຮ່ວມຂະບວນການນຳພາປະຊາຊົນລາວບັນດາເຜົ່າ ຕ້ານຮຸກຮານຂອງພວກຈັກກະພັດລ່າເມືອງຂື້ນແບບເກົ່າ ແລະ ແບບໃໝ່ ໄດ້ຜ່ານໄລຍະເວລາອັນຍືດເຍື້ອຍາວນານ, ລະອິດລະອ້ຽວ ແລະ ໄດ້ຮັບໄຊຊະນະເປັນແຕ່ລະໄລຍະ, ນັບແຕ່ປະເທດຊາດໄດ້ຮັບການປົດປ່ອຍເປັນຕົ້ນມາ ເຊິ່ງໄດ້ເປັນເງື່ອນໄຂເອື້ອອຳນວຍໃນການພັດທະນາການສຶກສາຂອງລາວ ເວົ້າລວມ, ເວົ້າສະເພາະແມ່ນການພັດທະນາຖັນແຖວຄູ – ອາຈານ, ເຊິ່ງຈຳນວນຄູກໍ່ໄດ້ເພີ່ມຂື້ນ,

ຄູໄດ້ມີບົດບາດປະກອບສ່ວນອັນສຳຄັນ ຄູໝາຍເຖິງຄົນທີ່ມີຄວາມຮູ້ ແລະ ປະສົບການເຊິ່ງສາມາດນຳໄປຖ່າຍທອດຄວາມຮູ້ ແລະ ປະສົບການນັ້ນໄປສູ່ຜູ້ອື່ນ, ການພັດທະນາການສຶກສາ ເວົ້າສະເພາະ, ພາຍໃຕ້ການຊີ້ນຳໆພາຂອງພັກປະຊາຊົນປະຕິວັດລາວ ການສຶກສາໄດ້ຮັບການພັດທະນາໃຫ້ກ້າວໜ້າຂະຫຍາຍຕົວເປັນລຳດັບມາ, ຕັ້ງໜ້າເສີມຂະຫຍາຍມູນເຊື້ອວັນຄູແຫ່ງຊາດເຂົ້າໃນການຈັດຕັ້ງປະຕິບັດວຽກງານຈຸດສຸມໃນຕໍ່ໜ້າ, ໃນໂອກາດຕອນທ້າຍທ່ານເຈົ້າເມືອງຍັງໄດ້ຮຽກຮ້ອງໃຫ້ບັນຄູ – ອາຈານ, ຈົ່ງພ້ອມກັນເສີມຂະຫຍາຍມູນເຊື້ອ ແລະ ແບບຢ່າງທີ່ດີຂອງນາຍຄູຄຳໄປຈັດຕັ້ງຜັນຂະຫຍາຍຢູ່ໃນຖັນແຖວຄູ, ເອົາແບບຢ່າງໃນການສິດສອນເພື່ອໃຫ້ເດັກນັກຮຽນມີຄວາມຮູ້ຄວາມສາມາດ,

ເພາະວ່າເດັກໃນວັນນີ້ ອາດຈະເປັນຜູ້ໃຫຍ່ໃນວັນໜ້າ ແລະ ເປັນຜູ້ສືບທອດໃນອະນາຄົດ, ຕັ້ງໜ້າຜັນຂະຫຍາຍຈັດຕັ້ງປະຕິບັດມະຕິກອງປະຊຸມໃຫຍ່ຂອງພັກ, ແຜນພັດທະນາເສດຖະກິດ – ສັງຄົມຂອງລັດຖະບານໃນຂົງເຂດວຽກງານການສຶກສາ ແລະ ກິລາໃຫ້ປະກົດຜົນເປັນຈິງ, ຫຼັງຈາກນັ້ນທ່ານ ຫົວໜ້າຫ້ອງການສຶກສາທິການ ແລະ ກິລາເມືອງແມດກໍ່ໄດ້ຂື້ນໃບຍ້ອງຂັ້ນພະແນກສຶກສາທິການ ແລະ ກິລາແຂວງວຽງຈັນໃຫ້ຄູ-ອາຈານ ໃນການຈັດຕັ້ງປະຕິບັດວຽກງານສິດສອນໃນໄລຍະຜ່ານມາ, ເຊິ່ງໄດ້ຮັບໃບຍ້ອງຍໍທັງໝົດມີ 251 ທ່ານ, ຍິງ 84 ທ່ານ,

ໃນໂອກາດດຽວນີ້ສຳນັກງານຫ້ອງການອອ້ມຂ້າງເມືອງ ແລະ ພາກສ່ວນຕ່າງໆ ກໍ່ໄດ້ພ້ອມກັນນຳເອົາຂອງຂວັນມາມອບໃຫ້ບັນດາຄູ – ອາຈານ ແລະ ພ້ອມທັງຮັບຊົມການສະແດງສິນລະປະວັນນະຄະດີ, ບົດຟ້ອນ, ຮ້ອງເພັງຈາກນ້ອງນ້ອຍຊາວໜຸ່ມເຍົາວະຊົນມາຈາກໂຮງອານຸບານ ແລະ ປະຖົມ, ມັດທະຍົມຢ່າງມີຄວາມຟົດຟື້ນເບີກບານມ່ວນຊື່ນ.

ບຸນລ້ອມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed