Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໂພນໂຮງ ແຂວງວຽງຈັນ ໄດ້ຮັບໂຮງຮຽນຫັຼງໃໝ່ ໂດຍໄດ້ຮັບການສະໜັບສະໜູນຊ່ວຍເຫຼືອຈາກລັດຖະບານຢີ່ປູ່ນ ປະຈຳ ສປປ ລາວ. 

1 min read

ເມືອງໂພນໂຮງ ແຂວງວຽງຈັນ ໄດ້ຮັບໂຮງຮຽນຫັຼງໃໝ່ ໂດຍໄດ້ຮັບການສະໜັບສະໜູນຊ່ວຍເຫຼືອຈາກລັດຖະບານຢີ່ປູ່ນ ປະຈຳ ສປປ ລາວ.


ພິທີມອບ-ຮັບ ແລະ ເປີດນຳໃຊ້ໂຮງຮຽນ ມັດທະຍົມປາຍ ແສນສະອາດຫຼັງໃໝ່ ເມືອງໂພນໂຮງ ແຂວງວຽງຈັນທີ່ໄດ້ຮັບການສະໜັບສະໜູນຊ່ວຍເຫຼືອຈາກລັດຖະບານຢີ່ປູ່ນປະຈຳ ສປປ ລາວ ຈັດຂື້ນໃນວັນທີ 15 ຕຸລາ 2020 ນີ້

ຢູ່ໂຮງຮຽນດັ່ງກ່າວ ໂດຍຕ່າງໜ້າ ອົງການປົກຄອງ ເມືອງໂພນໂຮງໂດຍ ທ່ານ ບຸນມີ ອິນທະວົງ ຮອງເຈົ້າເມືອງໆໂພນໂຮງ, ມີ ທ່ານ ຣິຊະຢະ ຮີໂຣເຊະ ເລຂາໂທ ສະຖານທູດຢີ່ປູ່ນ ປະຈຳ ສປປ ລາວ ພ້ອມຄະນະ ,ມີ ທ່ານ ຄຳຄູນ ຄູນທະວົງ ຜູ້ອຳນວຍການບໍລິສັດ ຄູນທະວົງລາວ ກໍ່ສ້າງຄົບວົງຈອນ ຈຳກັດ ຜູ້ຮັບ ເໝົາກໍ່ສ້າງໂຄງການ, ຕ່າງໜ້າ ກົມພົວພັນຕ່າງປະເທດ ກະຊວງສຶກສາທິການ-ກິລາ,ພະແນກສຶກສາທິການ-ກິລາແຂວງວຽງຈັນ,ຫ້ອງການສຶກສາທິການ-ກິລາເມືອງ,ອົງການປົກຄອງບ້ານອ້ອມຂ້າງຄູ ອາຈານ ແລະ ນ້ອງນັກຮຽນເຂົ້າຮ່ວມຕ້ອນຮັບ.

ໃນພິທີ ທ່ານ ຄຳຄູນ ຄູນທະວົງ ຕ່າງໜ້າຜູ້ຮັບເໝົາກໍ່ສ້າງໂຮງຮຽນຫັຼງໃໝ່ໄດ້ກ່າວລາຍການດຳເນີນການກໍ່ສ້າງ ໂຮງຮຽນຫັຼງນີ້ ພ້ອມທັງກ່າວມອບໃຫ້ຮູ້ວ່າ: ພາຍຫຼັງທີ່ໄດ້ຮັບການອະນຸມັດ ກໍ່ໄດ້ລົງກໍ່ສ້າງແຕ່ວັນທີ 11 ພຶດສະພາ 2020 ຮອດວັນທີ 24 ສິຫາ 2020 ແມ່ນ ສຳເລັດ 100% ໂຮງຮຽນຫັຼງໃໝ່ເປັນອາຄານຊັ້ນດຽວ ມີຂະໜາດ 07 x 56 ແມັດ,ມຸງດ້ວຍກະເບື້ອງສີ ປະກອບມີ 6 ຫ້ອງ ຮຽນ ພາຍໃນຫ້ອງ ມີ ໂຕະ ຕັ່ງ ກະດານ ລະບົບ ໄຟຟ້າ ແລະ ສິງອຳນວຍຄວາມສະດວກ ການກໍ່ສ້າງໄດ້ຕາມມາດຖານເຕັກນິກຂອງສັນຍາ ລວມມູນຄ່າການກໍ່ສ້າງທັງໝົດ 90.852 ໂດລາສະຫະລັດ ແລະ ກ່າວຮັບໂດຍທ່ານ ວັນໄຊ ພົມມະຈັກ ຫົວໜ້າ ຫ້ອງການສຶກສາທິການແລະກິລາ ເມືອງໂພນໂຮງ ເຈົ້າຂອງໂຄງການ

ຊຶ່ງທ່ານໄດ້ກ່າວສະແດງຄວາມຍິນດີຊົມເຊີຍໃນການຊ່ວຍເຫຼືອຈາກລັດຖະບານຢີ່ປູ່ນກໍ່ຄືປະຊາຊົນຊາວຢີ່ປຸ່ນທີ່ໄດ້ໃຫ້ຄວາມສຳຄັນ ຊ່ວຍພັດທະນາພື້ນຖານໂຄງລ່າງ ແລະ ການຮຽນ-ການສອນຢູ່ ເມືອງໂພນໂຮງກໍ່ຄືໂຮງຮຽນແຫ່ງນີ້ ໃຫ້ມີບາດກ້າວໃໝ່ ພ້ອມນີ້ທ່ານຍັງໄດ້ກ່າວມອບໃຫ້ ຜູ້ອຳນວຍການໂຮງຮຽນເປັນຜູ້ປົກປັກຮັກສານຳໃຊ້ໃຫ້ເກີດປະໂຫຍດຍາວນານ.

ໂອກາດດັ່ງກ່າວນີ້ ທ່ານ ຣິຊະຢະ ຮີໂຣເຊະ ຕ່າງໜ້າສະຖານທູດ ຢີ່ປູ່ນ ປະຈຳ ສປປ ລາວ ໄດ້ກ່າວຈຸດປະສົ່ງໃນການໃຫ້ການສະໜັບສະໜູນຊ່ວຍເຫຼືອຄັ້ງນີ້ວ່າ: ໃນຮ່ວມມືຊ່ວຍເຫຼືອຄັ້ງນີ້ກໍ່ເພື່ອເປັນການເສີ່ມສ້າງຮັດແໜ້ນ ສາຍພົວພັນຮ່ວມມື ການທູດຄົບຮອບ 65 ປີ ລະຫວ່າງ ລາວ ແລະ ຢີ່ປູ່ນ ໃຫ້ມີການຂະຍາຍຕົວມີຄວາມໝາຍເລິກເຊິງ ແລະ ເປັນການປັບປຸງພັດທະນາການສຶກສາຢູ່ໂຮງຮຽນແຫ່ງນີ້ໃຫ້ໄດ້ຮັບການພັດທະນາດີຂື້ນເລື້ອຍໆ.

ຕອນທ້າຍພິທີຍັງໄດ້ເຊັນບົດບັນທຶກ ມອບ-ຮັບໂຄງການກໍ່ສ້າງ ໂດຍມີຂະແໜງການກ່ຽວຂ້ອງຂັ້ນຕ່າງໆເຂົ້າຮ່ວມເປັນພະຍານອີກດ້ວຍ.

ຂ່າວ: ໂພນໂຮງວັນນີ້

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031