Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ວ່າການ ເລຂາພັກເມືອງ ເຈົ້າເມືອງໆໂພນໂຮງລົງເຄື່ອນໄຫວວຽກງານ ແລະ ຢ້ຽມຢາມປະຊາຊົນຢູ່ບັນດາກຸ່ມບ້ານພາຍໃນເມືອງ

1 min read

ໃນວັນທີ 16 ມັງ 2020 ຜ່ານມານີ້ ທ່ານ ສົມປະສົງ ສຸວົງຄຳຈັນ ກຳມະການພັກແຂວງ ວ່າການເລຂາພັກເມືອງ ເຈົ້າເມືອງໆໂພນໂຮງ ໄດ້ເຄື່ອນ ເຮັດວຽກ ແລະ ຢ້ຽມຢາມ ພໍ່ແມ່ປະຊາຊົນຢູ່ບັນດາກຸ່ມບ້ານພາຍໃນເມືອງໂດຍມີບັນດາ ຫົວກຸ່ມບ້ານ ,ອົງການປົກຄອງບ້ານ ,ຄະນະຮັບຜິດຊອບແລະ ພໍ່ແມ່ປະຊາຊົນເຂົ້າຮ່ວມ.

ໃນການເຄື່ອນໄຫວເຮັດວຽກ ແລະ ຢ້ຽມຢາມພໍ່ແມ່ປະຊາຊົນຢູ່ບັນດາກຸ່ມບ້ານຄັ້ງນີ້ ເພື່ອເປັນການຊຸກຍູ້ສົ່ງເສີມຕີລາຄືນການຈັດຕັ້ງປະຕິບັດບັນດາແຜນພັດທະນາຂອງກຸ່ມບ້ານກໍ່ຄືບັນດາບ້ານໃຫ້ເຫັນໄດ້ດ້ານດີຂໍ້ຂົງຄ້າງ ເພື່ອຊອກໄດ້ວິທີການແກ້ໄຂ ປະຕິບັດໃຫ້ໄດ້ຕາມແຜນການທີ່ວາງໄວ້ ພ້ອມນີ້ຍັງເປັນການກະກຽມຄວາມພ້ອມວຽກງານດ້ານຕ່າງໆໃຫ້ແກ່ກອງປະຊຸມໃຫຍ່ຄັ້ງທີ 7 ອົງຄະນະພັກເມືອງໂພນໂຮງທີ່ຈະໄຂຂື້ນໃນຕໍ່ໜ້ານີ້.

ໃນການລົງເຄື່ອນໄຫວເຮັດວຽກຄັ້ງນີີ້ ມີກຸ່ມບ້ານໂພນສູງ,ກຸ່ມບ້ານນາເລົາຫລັກ 52 ,ກຸ່ມບ້ານໂພນໂຮງ ຊຶ່ງແຕ່ລະກຸ່ມ ຫົວໜ້າກຸ່ມບ້ານກໍ່ໄດ້ລາຍງານສະພາບລວມຂອງກຸ່ມໂດຍຫຍໍ້ ເປັນຕົ້ນ ສະພາບທີ່ຕັ້ງ ການຈັດຕັ້ງປະຕິບັດແຜນການຂອງແຕ່ກຸ່ມກໍ່ຄືບ້ານ ຍົກໃຫ້ເຫັນຜົນງານທີ່ປະຕິບັດໄດ້ ແລະ ວຽກງານບາງດ້ານຕ້ອງປັບປຸງພັດທະນາໃຫ້ດີຂື້ນ .ໂອກາດດັ່ງກ່າວນີ້ ວ່າການເຈົ້າເມືອງໆໂພນໂຮງ ກໍ່ກ່າວສະແດງຄວາມຊົມເຊີຍແຕ່ລະກຸ່ມບ້ານ ພ້ອມທັງຍົກໃຫ້ເຫັນຄວາມສຳຄັນໃນການພັດທະນາ ໂດຍໃຫ້ບ້ານມີສ່ວນຮ່ວມຫຼາຍຂື້ນ ແລະ ຮຽກຮ້ອງມາຍັງຄະນະກຸ່ມບ້ານຈົ່ງສືບຕໍ່ພັດທະນາກຸ່ມກໍ່ຄືບ້ານໃຫ້ມີບາດກ້າວດີຂື້ນ ເອົາໃຈໃສ່ສະກັດບນຫາຢາເສບຕິດ,ບັນຫາສິງແວັດລ້ອມແລະ ບັນຫາອື່ນໆເພື່ອເຮັດໃຫ້ເມືອງໂພນໂຮງເປັນເມືອງທີ່ຄວາມເຂັ້ມແຂງມີການຂະຫຍາຍຕົວທາງດ້ານເສດຖະກິດ ສັງຄົມມີຄວາມສະຫງົບ ມີການພັດທະນາດີຂື້ນຕາມລຳດັບ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031