Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເປີດຄັດເລືອກ ນັກກິລາບານເຕະເປັນຕົວແທນແຂວງ ລຸຍບານເຕະຂັນວັນຊາດ.

1 min read

ອີງຕາມ ແຈ້ງເຊີນຂອງສະຫະພັນກິລາບານເຕະແຫ່ງຊາດລາວ ເພື່ອເຂົ້າຮ່ວມການແຂ່ງຂັນບານເຕະທົ່ວປະເທດ ສະເຫຼີມສະຫຼອງວັນຊາດທີ 2 ທັນວາ, ເຊິ່ງຈະຈັດຂື້ນໃນເດືອນພະຈິກ 2020 ນີ້ ທີ່ນະຄອນຫລວງວຽງຈັນ.

ສະຫະພັນບານເຕະ ແຂວງວຽງຈັນ ເລີ່ມປັບປຸງຄະນະສະຫະພັນຊຸດໃຫມ່ ປີ2018 ໂດຍໄດ້ມີການເຄື່ອນໄຫວຕະຫລອດໄລຍະຜ່ານມາ.

ເລີ່ມຈາກການຄັດເລືອກນັກກິລາຕົວແທນແຂວງ, ສ້າງນັກກິລາລຸ້ນເຍົາວະຊົນ, ເຂົ້າຮ່ວມການແຂ່ງຂັນບານເຕະ ສາຍ ກ ( Lao Division 2 ໃນປັດຈຸບັນ ), ເຂົ້າຮ່ວມການແຂ່ງຂັນບານເຕະລຸ້ນອາຍຸບໍ່ເກີນ 15 ປີ,

ຈັດການແຂ່ງຂັນລາຍການຕ່າງໆ, ກະກຽມທີມບານເຕະເພື່ອເຂົ້າຮ່ວມກິລາແຫ່ງຊາດທີ່ແຂວງຊຽງຂວາງ

ແລະ ເຂົ້າຮ່ວມການແຂ່ງຂັນບານເຕະ ລາກລີກ 1 ລີກບານເຕະສູງສຸດຂອງລາວໃນປັດຈຸບັນ.

 

ສະຫະພັນບານເຕະແຂວງ ວຽງຈັນ ໄດ້ສືບຕໍ່ສົ່ງເສີມ ແລະ ພັດທະນາບານເຕະພາຍໃນແຂວງຂອງຕົນເອງ

ໂດຍໄດ້ຊຸກຍູ້ ສະຫະພັນກິລາບານເຕະເມືອງວັງວຽງ ສືບຕໍ່ເຂົ້າຮ່ວມແຂ່ງຂັນລາຍການຕ່າງໆ ເພື່ອສ້າງນັກກິລາລຸ້ນສືບທອດ.

ຈາກຜົນງານຂອງສະຫະພັນບານເຕະເມືອງວັງວຽງ ໃນໄລຍະຜ່ານມາທີ່ໄດ້ເຂົ້າຮ່ວມໃນລາຍການ ບານເຕະຊິງຂັນຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ປີ2019 ສາມາດຄວ້າລາງວັນ ຮອງຊະນະເລີດໃນລາຍການດັ່ງກ່າວ.

ເຂົ້າຮ່ວມການແຂ່ງຂັນບານເຕະ ຊິງຂັນເຈົ້າແຂວງ ວຽງຈັນ


.
ຈາກຜົນງານດັ່ງກ່າວ ສະຫະພັນບານເຕະແຂວງວຽງຈັນ ສົມທົບກັບສະຫະພັນກິລາບານເຕະເມືອງວັງວຽງ ຄັດເລືອກນັກກິລາ ເປັນຕົວແທນແຂວງວຽງຈັນ ໃນການຝຶກຊ້ອມ ແລະ ເຂົ້າຮ່ວມແຂ່ງຂັນບານເຕະຊາຍຊິງຂັນວັນຊາດ ທີ 2 ທັນວາ, ທີ່ນະຄອນຫລວງວຽງຈັນ.


.
ສຳລັບການຄັດເລືອກ ແມ່ນຈັດຂື້ນໃນວັນເສົາ ແລະ ອາທິດ 17-18ຕຸລາ 2020 ນີ້ ທີ່ເດີ່ນບານຫຍ້າທຽມ Idol Stadium , ເມືອງວັງວຽງ ເວລາ15:00-17:00.

ສຳລັບ ການແຂ່ງຂັນບານເຕະຊາຍ ຊິງຂັນວັນຊາດ 2 ທັນວາ, ມີທີມເຂົ້າຮ່ວມທັງໝົດ 18 ທີມ ແຂວງວຽງຈັນ ຢູ່ກຸ່ມ ຂ :

ແລະ ຈະເລີ່ມແຂ່ງຂັນໃນເດືອນ ພະຈິກ 2020 ນີ້

 

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031