Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມ ຄົບຄະນະບໍລິຫານງານພັກເມືອງເຟືອງຄັ້ງທີ 4 ສະໄໝທີ VII. 

1 min read

ກອງປະຊຸມ ຄົບຄະນະບໍລິຫານງານພັກເມືອງເຟືອງຄັ້ງທີ 4 ສະໄໝທີ VII.


ກອງປະຊຸມຄົບຄະນະບໍລິຫານງານພັກເມືອງເຟືອງ ຄັ້ງທີ 4 ສະໄໝທີ VII ໄດ້ໄຂຂື້ນໃນຕອນເຊົ້າຂອງວັນທີ 16 ຕຸລາ 2020 ດຳເນີນເປັນເວລາເຄິ່ງວັນ ຢູ່ທີ່ສະໂມສອນເມືອງເຟືອງ.

 

ໂດຍການເປັນປະທານຂອງສະຫາຍ ຄຳເພັດ ຈັນສົມພູ ເລຂາພັກເມືອງ ເຈົ້າເມືອງໆເຟືອງ ເປັນກຽດເຂົ້າຮ່ວມຂອງ ທ່ານ ທອງສະຫວັນ ວົງສຳພັນ ຄະນະປະຈຳພັກແຂວງ ປະທານແນວລາວສ້າງຊາດແຂວງວຽງຈັນ ຜູ້ຊີ້ນຳເມືອງເຟືອງ, ມີຄະນະຈັດຕັ້ງແຂວງວຽງຈັນ, ການນຳຂັ້ນເມືອງ, ເລຂາຄະນະພັກຮາກຖານ, ເລຂາພັກບ້ານ,ນາຍບ້ານ ໄດ້ພ້ອມກັນເຂົ້າຮ່ວມທັງໝົດ 40 ສະຫາຍ, ຍິງ 07 ສະຫາຍ.


ສະຫາຍ ຄຳເພັດ ຈັນສົມພູ ເລຂາພັກເມືອງ ໄດ້ໃຫ້ກຽດຂື້ນຜ່ານເນື້ອໃນບົດສະຫຼູບເພຶ່ອເປັນການສັງເກດຕີລາຄາຄືນ ເຖິງໝາກຜົນການຈັດຕັ້ງປະຕິບັດໃນການຊີ້ນຳໆພາຂອງອົງຄະນະພັກເມືອງເຟືອງ ຕໍ່ຂົງເຂດວຽກງານແຕ່ລະດ້ານ ຍົກໃຫ້ເຫັນວຽກງານອັນພົ້ນເດັ່ນ ໃນຂົງເຂດວຽກປ້ອງກັນຊາດ -ປ້ອງກັນຄວາມສະຫງົບທົ່ວປວງຊົນຮອບດ້ານເຮັດໃຫ້ເມືອງມີຄວາມສະຫງົບ, ວຽກງານເສດຖະກິດ ແກ້ໄຂຊີວິດການເປັນຢູ່ ການພັດທະນາຊົນນະບົດ ແລະລຶບລ້າງຄວານທຸກຍາກໄດ້ຮັບການແກ້ໄຂດີຂື້ນ, ວຽກວັດທະນະທຳ-ສັງຄົມ ລວມທັງລະບົບການເມືອງ ແນວລາວສ້າງຊາດ ແລະ ອົການຈັດຕັ້ງມະຫາຊົນ ເຊິ່ງໄດ້ຍົກໃຫ້ເຫັນ ດ້ານດີ, ດ້ານອ່ອນ ຂໍ້ຄົງຄ້າງ ເພຶ່ອຈະໄດ້ນຳມາດັດແປງແກ້ໄຂ ແລະວາງທິດທາງແຜນການ 3 ເດືອນ ທ້າຍປີ 2020 ໃຫ້ແທດເໝາະກັບເງື່ອນໄຂສະພາບຕົວຈິງ.


ບັນດາສະຫາຍເຂົ້າຮ່ວມກອງປະຊຸມໄດ້ຍົກສູງຄວາມຮັບຜິດຊອບ ແລະສຸມສະຕິປັນຍາຕົນເອງ ເຂົ້າໃນການຄົ້ນຄວ້າ, ປະກອບຄຳຄິດເຫັນເຂົ້າໃນບົດສະຫຼຸບ ແລະແຜນການຢ່າງພາວະວິໃສ ແລະເລິກເຊິ່ງ ເປັນຕົ້ນແມ່ນຕໍ່ໜ້າວຽກ ທີ່ໄດ້ຈັດຕັ້ງປະຕິບັດໄລຍະຜ່ານມາ.


ໃນໄລຍະ 9 ເດືອນຜ່ານມາຄະນະພັກແຕ່ລະຂັ້ນ ໄດ້ສຸມໃສ່ລົງກໍ່ສ້າງຮາກຖານການເມືອງຮອບດ້ານ ຢູ່ແຕ່ລະຮາກຖານກຸ່ມບ້ານໄດ້ມີຄະນະພັກເມືອງລົງຊີ້ນຳໆພາໂດຍກົງ, ໄດ້ເອົາໃຈໃສ່ຄວບຄຸມ ແລະປ້ອງກັນການແຜ່ລະບາດຂອງພະຍາດ ໂຄວິດ-19 ແລະຕ້ານການລະບາດຂອງພະຍາດໄຂ້ຍຸງລາຍຢ່າງເປັນຂະບວນທົ່ວປວງຊົນ,

ສຸມໃສ່ພັດທະນາພື້ນຖານໂຄງລ່າງແລະພັດທະນາເສດຖະກິດສົ່ງເສີມການຜະລິດກະສິກຳການປູກຝັງ-ລ້ຽງສັດໃຫ້ເປັນສິນຄ້າ ແລະການທ່ອງທ່ຽວໃຫ້ນັບມື້ຂະຫຍາຍຕົວຂື້ນເລື້ອຍໆ ລວມຍອດຜະລິດຕະພັນ (GDP) ໄດ້ 164.730.893 ກີບ, ການຂະຫຍາຍຕົວດ້ານເສດຖະກິດສະເລ່ຍ 2,8 ສະເລ່ຍລາຍຮັບຕໍ່ຫົວຄົນບັນລຸໄດ້ 3.412.202 ກີບ ເທົ່າກັບ 376 ໂດລາສະຫະລັດ, ໃນນັ້ນ: ກະສິກຳລວມ 56,9%, ອຸດສາຫະກຳລວມ 30,46% ແລະການບໍລິການ 12,64%.

ຂ່າວ: ຄຳລຸນ ສົມວົງໄຊ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031